ମୁମ୍ଵାଇ ୧୭।୦୪: ସାଉଥ ସିନେମାର ଭେଟେରାନ ଚଳଚ୍ଚିତ୍ର ନିର୍ମାତା ମଣି ରତ୍ନମ। ତାଙ୍କର ଲୋକପ୍ରିୟ ଚଳଚ୍ଚିତ୍ର ‘ପୋନିୟିନ ସେଲଭାନ’ର ପାର୍ଟ -୨ ଖୁବ୍‌ ଶୀଘ୍ର ଆସୁଛି। ‘ପୋନିୟିନ୍ ସେଲଭାନ୍ ୨’ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି । ଏହାପୂର୍ବରୁ ଫିଲ୍ମର ଲାଟେଷ୍ଟ ସଙ୍ଗ ଲଞ୍ଚ କରାଯାଇଛି। ପଏସ୍‌-୨ ର ଏହି ଚମତ୍କାର ଗୀତକୁ ଓସ୍କାର ଏବଂ ଗ୍ରାମି ପୁରସ୍କାର ବିଜେତା ଗାୟକ ଏ.ଆର୍ ରହମାନ ତାଙ୍କ ସ୍ୱରରେ ଗାଇଛନ୍ତି। ବର୍ତ୍ତମାନ ଏହ  ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ଶନିବାର ଦିନ ‘ପୋନିୟିନ୍ ସେଲଭାନ୍ ୨’ର ଆନଥେମ୍‌ ଗୀତ ବିଷୟରେ ନିର୍ମାତାମାନେ ଏକ ଚମତ୍କାର କାର୍ଯ୍ୟକ୍ରମ ଆୟୋଜନ କରିଥିଲେ। ଏହି ସମୟରେ ପଏସ୍‌-୨ ର ସଂଗୀତ ଲଞ୍ଚ କରାଯାଇଛି।  ‘ପୋନିୟିନ୍ ସେଲଭାନ୍ ୨’ର ଏହି ଗୀତକୁ ହିନ୍ଦୀରେ ପ୍ରସିଦ୍ଧ ଗାୟକ ଆର୍ ରହମାନ, ଅରିଜିତ୍ ସିଂ ଏବଂ ବେନି ଦୟାଲ୍ ସେମାନଙ୍କ ଯାଦୁକରୀ ସ୍ୱରରେ ଗାଇଛନ୍ତି। କେବଳ ଏତିକି ନୁହେଁ, ପ୍ରସିଦ୍ଧ ଗୀତିକାର ଗୁଲଜାର ଏହି ଗୀତର ଲିରିକ୍ସ ଲେଖିଛନ୍ତି।

‘ପୋନିୟିନ୍ ସେଲଭାନ୍ ୨’ର ଏହି ଆନଥେମ ଗୀତ ହିନ୍ଦୀ, ତାମିଲ, ତେଲୁଗୁ ଏବଂ ଅନ୍ୟାନ୍ୟ ଭାଷାରେ ମୁକ୍ତିଲାଭ କରିଛି। ଏହି ଗୀତ ଶୁଣିବା ପରେ ଫିଲ୍ମ ପାଇଁ ଅନେକ ଉତ୍ସାହ ବଢିବାକୁ ଯାଉଛି। ଗତ ବର୍ଷ ମୁକ୍ତିଲାଭ କରିଥିବା ପାର୍ଟ-୧ ଦର୍ଶକଙ୍କୁ ବହୁତ ମନୋରଞ୍ଜନ କରିଥିଲା। ହେଲେ ଫିଲ୍ମର କାହାଣୀ ଟିକେ ଅସମ୍ପୂର୍ଣ୍ଣ ରହିଥିଲା ​​। ଏଭଳି ପରିସ୍ଥିତିରେ, ଆସନ୍ତା ଏପ୍ରିଲ୍ ୨୮ ରେ, ପ୍ରଶଂସକମାନେ ପ୍ରେକ୍ଷାଳୟରେ ‘ପୋନିୟିନ୍ ସେଲଭାନ୍ -୨’ ଦେଖିବାକୁ ପାଇବେ ।