previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶୁକ୍ରବାର ବଜାର ମାନ୍ଦା, ଲାଲ୍ ରଙ୍ଗରେ ଖୋଲିଲା ନିଫ୍ଟି ଓ ସେନସେକ୍ସ
  • ||
  • ଦେଶରେ ବଢୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୧୬୫୬୧ କରୋନା ପଜିଟିଭ୍
  • ||
  • ଆଜି ମୟୂରଭଞ୍ଜ ଯିବେ ମୁଖ୍ୟମନ୍ତ୍ରୀ, ବୃହତ ଜଳସେଚନ ପ୍ରକଳ୍ପର କରିବେ ଲୋକାର୍ପଣ
  • ||
  • ବିପୁଳ ପରିମାଣର କାଠ ଜବତ, ବିଳମ୍ବିତ ରାତିରେ ହେଉଥିଲା ଚାଲାଣ
  • ||
  • କାଶ୍ମୀର ଘାଟି ଅଶାନ୍ତ, ପୁଣି ପ୍ରବାସୀ ଶ୍ରମିକଙ୍କୁ ଗୁଳି କରି ହତ୍ୟା କଲେ ଆତତାୟୀ
  • ||
  • ଆଣବିକ ଦସ୍ତାବିଜ ପାଇଁ ଟ୍ରମ୍ପଙ୍କ ଘରେ ହୋଇଥିଲା ଚଢଉ : ସାମ୍ନାକୁ ଆସିଲା ବଡ ତଥ୍ୟ
  • ||
  • ଭାରତ ବିପକ୍ଷ ସିରିଜ୍ ପୂର୍ବରୁ ଦମ୍ ଦେଖାଇଲା ଜିମ୍ବାଓ୍ୱେ, ଟିମ୍ ଇଣ୍ଡିଆକୁ କଲା ସତର୍କ
  • ||

ଇଭିଏମ୍ ସିଲ୍ ଖୋଲିବା ଘଟଣାକୁ ନେଇ କେନ୍ଦ୍ରାପଡାରେ ଅଭାବନୀୟ ଘଟଣା : ପୋଲିଂ ଅଧିକାରୀଙ୍କୁ ଆକ୍ରମଣ, ଟେମ୍ପରିଂ ଉଦ୍ୟମ ଅଭିଯୋଗ ଆଣିଲା ବିଜେପି…

21/07/2019 at 6:38 PM

ଭୁବନେଶ୍ବର ୨୧|୭: ଗତକାଲି ରାତିରେ କେନ୍ଦ୍ରାପଡ଼ାର ଷ୍ଟ୍ରଙ୍ଗରୁମ୍‌ ନିକଟରେ, ଯେଉଁଠାରେ ଇଭିଏମ ସିଲ୍‌ ଖୋଲାଯିବା ଅଭିଯୋଗ କରି ପୋଲିଂ ଅଫିସରଙ୍କୁ ଆକ୍ରମଣ କରିଥିଲେ କିଛି ଲୋକ । କିଏ ଆକ୍ରମଣ କରିଥିଲେ ସେକଥାକୁ ଆମେ ଯାଉନୁ ଗୋଟିଏ କଥା ସୂଚନା ମିଳୁଛି  ପାଟକୁରା ଭୋଟ୍ ସିନା ସରିଲା, କିନ୍ତୁ ନେତା କର୍ମୀଙ୍କ ଟେନସନ ଯାଉନି ।  ଇଭିଏମ ସୁରକ୍ଷାକୁ ନେଇ ବଢିଯାଇଛି ଭୟ ।

୨ ପ୍ରିଜାଇଡିଂ ଅଫିସରଙ୍କ ବିରୋଧରେ ଇଭିଏମ ସିଲ୍ ଖୋଲିବା ଅଭିଯୋଗକୁ ନେଇ ମାହୋଲ ପୂରା ଗରମ  । ଖାସ୍ ସେଥିଲାଗି ଷ୍ଟ୍ରଙ୍ଗ୍ ରୁମକୁ ପ୍ରଶାସନ ସିଲ୍ କରିବା ପରେ ବି ସବୁ ପ୍ରାର୍ଥୀଙ୍କ ଏଜେଣ୍ଟ ନିଜ ନିଜ ତାଲା ଝୁଲାଇ ଦେଇଛନ୍ତି । ମାନେ ଗଣତି ଦିନ ପ୍ରଶାସନ ସିଲ୍ ଫିଟାଇବା ସହ ଏଜେଣ୍ଟଙ୍କ ତାଲା ବି ଖୋଲିବାକୁ ହେବ ।

କେନ୍ଦ୍ରାପଡ଼ା କଲେଜରେ ହୋଇଥିବା ଏହି ଷ୍ଟ୍ରଙ୍ଗ ରୁମରେ ୩୦୯ ଇଭିଏମ-ଭିଭିପାଟକୁ ରିଟର୍ଣ୍ଣି ଅଫିସର, ସୁରକ୍ଷା ଅଧିକାରୀ ଓ ସମସ୍ତ ପ୍ରାର୍ଥୀଙ୍କ ପ୍ରତିନିଧିଙ୍କ ଆଗରେ ସିଲ୍ କରି ଚାବି କେନ୍ଦ୍ରୀୟ ଅର୍ଦ୍ଧସାମରିକ ବଳକୁ ହସ୍ତାନ୍ତର କରାଯାଇଛି । ଷ୍ଟ୍ରଙ୍ଗ୍ ରୁମର ଚାରିପାଖେ କଡ଼ା ସୁରକ୍ଷା ସହ ସିସିଟିଭି ଲଗାଯାଇଛି । ବିଜେପି ପ୍ରାର୍ଥୀ ବିଜୟ ମହାପାତ୍ର, ଷ୍ଟ୍ରଙ୍ଗ ରୁମର ସୁରକ୍ଷା ଦେଖିବା ସହ ଶୃଙ୍ଖଳିତ ଗଣତି ଲାଗି ଜିଲ୍ଲା ପ୍ରଶାସନକୁ ଅନୁରୋଧ କରିଛନ୍ତି ।

ଗତକାଲି୨୯୪ ନମ୍ବର ବୁଥର ପୋଲିଂ ଅଫିସର ଇଭିଏମ ସହ ହେରଫେର କରୁଥିବା ଅଭିଯୋଗ କରି ତାଙ୍କୁ କିଛି ଲୋକ ଆକ୍ରମଣ କରିଥିଲେ ।  ଏହି ଘଟଣାକୁ ନେଇ ବିଜେପି ପକ୍ଷରୁ ଆଜି ଭୁବନେଶ୍ବରରେ ପ୍ରେସମିଟ୍ କରାଯାଇଛି । ୨୯୪ ଓ ୨୨୦ ନମ୍ବର ବୁଥରେ ଇଭିଏମ ଅଦଳବଦଳ କରାଯାଇଥିବାର ସଂଗୀନ ଅଭିଯୋଗ କରିଛି ଦଳ । ପୋଲିଂ ଅଫିସରଙ୍କ ମାଧ୍ୟମରେ ବିଜେଡି ଏଭଳି ଟାମ୍ପରିଂ କରିଥିବା ବିଜେପି ଆରୋପ ଲଗାଇଛି । 

ଏ ନେଇ ଦେଶର ନିର୍ବାଚନ କମିଶନଙ୍କ ନିକଟରେ ଫେରାଦ ହେବ ବୋଲି ଦଳ କହିଛି।  ଏଭଳି ଅଭିଯୋଗର ଉତ୍ତରରେ ବିଜେଡି କହିଛି, ପରାଜୟ ଭୟରେ ବିଜେପି ଏମିତି କହୁଛି । ସେପଟେ ଆଗୁଆ ପରାଜୟ ସ୍ବୀକାର କରି କଂଗ୍ରେସ ବିଧାୟକ ସୁର ରାଉତରାୟ କହିଛନ୍ତି, ବିଜେଡି ଜିତିବ, ବିଜେପି ଦ୍ବିତୀୟରେ ରହିବ, କଂଗ୍ରେସ ତୃତୀୟକୁ ଖସିବ ।

ସାରା ରାଜ୍ୟର ନଜର ଏବେ ପାଟକୁରା ଗଣତି ଉପରେ। ୨୪ ତାରିଖରେ ଷ୍ଟ୍ରଙ୍ଗରୁମ୍‌ ଖୋଲିବ, ଇଭିଏମର ଭୋଟ୍‌ ଗଣତି ହେବ। ଏଥିସହିତ ୫ଟି ଇଭିଏମର ଭୋଟ ଭିଭିପାଟ ଚିରୁକୁଟି ସହିତ ମେଳ କରାଯିବ।

   Related Posts