Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

ଥାନା ନୁହେଁ ସରକାରୀ ଗୋପନୀୟତା ଅଧିନିୟମରେ ପରିଭାଷିତ ନିଷିଦ୍ଧ ସ୍ଥାନ : ବମ୍ବେ ହାଇକୋର୍ଟ

30/10/2022 at 4:12 PM

ମୁମ୍ବାଇ ୩୦।୧୦: ପୋଲିସ ଥାନାକୁ ସରକାରୀ ଗୋପନୀୟତା ଅଧିନିୟମରେ ପରିଭାଷିତ ନିଷିଦ୍ଧ ସ୍ଥାନରେ ସାମିଲ କରାଯାଇ ନାହିଁ। ବମ୍ବେ ହାଇକୋର୍ଟଙ୍କ ନାଗପୁର ପୀଠ ଏହା କହିଛନ୍ତି। ଏଣୁ ଥାନାର ଭିଡିଓ ରେକର୍ଡିଂକୁ ଅପରାଧ ଶ୍ରେଣୀରେ ରଖା ଯାଇ ନପାରେ ବୋଲି ପୀଠ ସ୍ପଷ୍ଟ କରିଦେଇଛନ୍ତି। ପୀଠଙ୍କ ବିଚାରପତି ଜଷ୍ଟିସ୍ ମନିଷ ପିଟାଲେ ଓ ଜଷ୍ଟିସ୍ ବାଲ୍ମିକୀ ମେନେଜେସ୍ ପୋଲିସ ଥାନା ଭିତରେ ଭିଡିଓ ରେକର୍ଡିଂକୁ ନେଇ ସରକାରୀ ଗୋପନୀୟତା ଅଧିନିୟମ (ଓଏସଏ)ରେ ରବିନ୍ଦ୍ର ଉପାଧ୍ୟାୟ ନାମକ ଜନୈକ ବ୍ୟକ୍ତିଙ୍କ ବିରୋଧରେ ରୁଜୁ ମାମଲାକୁ ଖାରଜ କରିଦେଇଛନ୍ତି।

ପୀଠ ତାଙ୍କ ଆଦେଶରେ ଓଏସଏର ଧାରା ୩ ଓ ଧାରା ୨(୮)ର ଉଦାହରଣ ଦେଇଥିଲେ, ଯାହା ନିଷିଦ୍ଧ ସ୍ଥାନରେ ଗୋଇନ୍ଦାଗିରି ସମ୍ବଦ୍ଧିତ। ତେବେ ପୋଲିସ ଥାନା ଏହି ଅଧିନିୟମରେ ବିଶେଷ ରୂପେ ଉଲ୍ଲେଖିତ ନିଷିଦ୍ଧ ସ୍ଥାନ ନୁହେଁ ବୋଲି ପୀଠ କହିଛନ୍ତି।  ତେବେ କୋର୍ଟ ସରକାରୀ ଗୋପନୀୟତା ଅଧିନିୟମ ଧାରା ୨(୮) ନିଷିଦ୍ଧ ସ୍ଥାନର ଯେଉଁ ପରିଭାଷା ଦିଆଯାଇଛି ତାହା ପ୍ରାସଙ୍ଗିକ ବୋଲି କହିଛନ୍ତି। ଏହା ଏକ ସମ୍ପୂର୍ଣ୍ଣ ପରିଭାଷା ଯେଉଁଥିରେ କୌଣସି ସ୍ଥାନ ଅଥବା ପ୍ରତିଷ୍ଠାନ ରୂପେ ପୋଲିସ ଥାନାକୁ ସାମିଲ କରାଯାଇ ନାହିଁ।

ଏଣୁ ଉପରୋକ୍ତ ପ୍ରାବଧାନକୁ ବିଚାର କରି ବ୍ୟକ୍ତିଙ୍କ ବିରୋଧରେ ମୋକଦ୍ଦମା ରୁଜୁ ହୋଇ ପାରୁନଥିବା କୋର୍ଟ କହିଛନ୍ତି।  ମାମଲାରୁ ପ୍ରକାଶ ଯେ ଉପାଧ୍ୟାୟ ତାଙ୍କ ପଡୋଶୀଙ୍କ ସହିତ ହୋଇଥିବା ବିବାଦ ଯୋଗୁ ପତ୍ନୀଙ୍କ ସହ ୱର୍ଦ୍ଧା ଥାନାକୁ ଯାଇଥିଲେ। ଉପାଧ୍ୟାୟ ପଡ଼ୋଶୀଙ୍କ ବିରୋଧରେ ଏକ ଏତଲା ଦେଇଥିଲେ। ସେଠାରେ ଉପାଧ୍ୟାୟଙ୍କ ବିରୋଧରେ ମଧ୍ୟ ଏକ ଏତଲା ରୁଜୁ ହୋଇଥିଲା। କାରଣ ଏହି ସମୟରେ ଉପାଧ୍ୟାୟ ପୋଲିସ ଥାନାରେ ହେଉଥିବା ଚର୍ଚ୍ଚାକୁ ତାଙ୍କ ମୋବାଇଲ ଫୋନରେ ଭିଡିଓ ରେକର୍ଡିଂ କରୁଥିବା ପୋଲିସ ଅନୁଭବ କରିଥିଲା।

ଏଥିରେ ପୋଲିସ ଉପାଧ୍ୟାୟଙ୍କ ଅଭିଯୋଗକୁ ରଦ୍ଦ କରିବା ସହ ତାଙ୍କ ବିରୋଧରେ ଗୋପନୀୟତା ଅଧିନିୟମ ଆଇନ ଧାରାରେ ଥାନାରେ ଭିଡିଓ ରେକର୍ଡିଂ କରୁଥିବାର ଅଭିଯୋଗ ରୁଜୁ କରି ତାଙ୍କୁ କୋର୍ଟ ଚାଲାଣ କରିଥିଲା। 

   Related Posts