scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଗଞ୍ଜେଇ ଚୋରା ଚାଲାଣ ବେଳେ ଧରିଲା ପୋଲିସ, କାର ଓ ବୋଲେରୋ ଜବତ, ଅଭିଯୁକ୍ତ ଗିରଫ

29/12/2021 at 9:08 PM

ନବରଙ୍ଗପୁର, ୨୯/୧୨: ପୁଣି  ନବରଙ୍ଗପୁର ଜିଲ୍ଲାରୁ ଗଞ୍ଜେଇ ଜବତ ।  ବୋଲେରୋ ଓ କାର ଯୋଗେ ଚୋରା ଚାଲାଣ ବେଳେ ୨୭୩ କିଲୋଗ୍ରାମର ଗଞ୍ଜେଇ ଜବତ କରିଛି ପାପଡାହାଣ୍ଡି ପୋଲିସ । କୋରାପୁଟ ଜିଲ୍ଲା ଲମତାପୁଟ ଅଞ୍ଚଳରୁ ବୋଲେରରେ ଗଞ୍ଜେଇ ବୋଝେଇ ହୋଇ ରାଇଘରକୁ ଯିବା ସମୟରେ ବିଶେଷ ସୂତ୍ରରୁ ଖବର ପାଇ ପୋଲିସ ଯାଞ୍ଚ କରି ଦୁଇଟି ଗାଡିକୁ ଧରିଥିଲା । ନବରଙ୍ଗପୁର ଜିଲ୍ଲା ପାପଡାହାଣ୍ଡି ଥାନା ଅନ୍ତର୍ଗତ ତୁମ୍ବର୍ଲା ଫାଣ୍ଡି ରାସ୍ତାରେ ଯାଞ୍ଚ ସମୟରେ OR 10 A 0211  ନମ୍ବର ଥିବା ଏକ ବୋଲେରୋରେ ଗଞ୍ଜେଇ ଚୋରା ଚାଲାଣ ବେଳେ ପୋଲିସ ଗଞ୍ଜେଇ ସହ ଗାଡି ଜବତ କରିଛି । ଏଥିସହ ଏହି ଚାଲାଣରେ ଜଡ଼ିତ ଅଭିଯୁକ୍ତ କାର୍ତ୍ତିକ ବଡ଼ନାୟକଙ୍କୁ ଅଟକ ରଖିଛି ପୋଲିସ୍‌ |

ଅଭିଯୁକ୍ତର ଘର ଲମତାପୁଟ ବୋଲି ଜଣାପଡିଛି | ବୋଲେରୋକୁ ଏସ କର୍ଟ ଦେଉଥିବା OR 02BZ 0120 ନମ୍ବର ବିଶିଷ୍ଟ ଏକ କାର୍କୁ ମଧ୍ୟ ଜବତ କରାଯାଇଛି | ସୂଚନା ମୁତାବକ ମାଜିଷ୍ଟ୍ରେଟ, ତହସିଲଦାର ଯୋଗେଶ୍ୱର ଭୋଇଙ୍କ ଉପସ୍ଥିତିରେ ଗଞ୍ଜେକୁ ଓଜନ କରାଯାଇଥିଲା | ପୋଲିସକୁ ଦେଖି କାରର ଜଣେ ଓ ବୋଲେରୋର ଜଣେ ଚମ୍ପଟ ମାରିଥିଲେ | ଏହି ସମୟରେ ଆଇଆଇସି ଶୁଭେନ୍ଦୁ ଶବର, ଏସଆଇ ଶିବଜି ପଣ୍ଡା, ଏସଆଇ ଶୁଭେନ୍ଦୁ ବେହେରା ପ୍ରମୁଖ ଉପସ୍ଥିତ ଥିଲେ | ଏ ନେଇ କେସ ନମ୍ବର 205/21ରେ ମାମଲା ରୁଜୁ ହୋଇଥିବା ଜଣାପଡ଼ିଛି ।

   Related Posts