ଆନନ୍ଦପୁର ୧୩।୧୧: ବେଆଇନ ଭାବେ ଗୋ’ ଚାଲାଣ ବେଳେ ଗୋରୁ ବୋଝେଇ କଣ୍ଟେନରକୁ ଗୋଡାଇ ଗୋଡାଇ ଅଟକ ରଖିଲା ପୋଲିସ । କେନ୍ଦୁଝର ଜିଲ୍ଲା ଆନନ୍ଦପୁର ୨୦ନଂ ଜାତୀୟ ରଜପଥର ହସନପୁର ଟୋଲ୍ ଗେଟ୍ ନିକଟରେ ସୋମବାର ସକାଳୁ ଏକ ଗୋରୁ ବୋଝେଇ କଣ୍ଟେନରକୁ ଅଟକ ରଖିଛି କାଞ୍ଜିପାଣି ପୋଲିସ । କଣ୍ଟେନରରେ ୬୦ରୁ ଅଧିକ ଗୋରୁ ରହିଥିବା ବେଳେ ଚାଲାଣ ସମୟରେ ୩ଟି ଗୋରୁଙ୍କ ମୃତ୍ୟୁ ଘଟିଛି ।

ସେହିପରି ଅନେକ ଗୋରୁ ଅସୁସ୍ଥ ହୋଇପଡିଥିବାରୁ ସେମାନଙ୍କୁ ପଶୁ ଚିକିତ୍ସକଙ୍କ ସହାୟତାରେ ଚିକିତ୍ସା ଆରମ୍ଭ ହୋଇଛି । ସୋମବାର ସକାଳୁ କାଞ୍ଜିପାଣି ପୋଲିସ ବେଆଇନ ଗୋରୁ ଚାଲାଣ ହେଉଥିବା ଖବର ପାଇ ଘାଟି ରାସ୍ତାରେ ଜଗି ରହିଥିବା ବେଳେ ୩ଟି ଗୋରୁ ଗାଡିକୁ ଅଟକ ରଖିବାକୁ ଉଦ୍ୟମ କରିଥିଲା । ସେମାନଙ୍କ ମଧ୍ୟରୁ ୨ଟି ଅଟକିଥିବା ବେଳେ ଗୋଟିଏ ଟ୍ରକ୍ ଖସି ଯାଇ ଆନନ୍ଦପୁର ଅଭିମୁଖେ ପଳାଇ ଆସିଥିଲା ।

You Can Read :