କଟକ ୦୭।୦୧ : ଠକ ସଂସ୍ଥା A to Z ସଲ୍ୟୁସନ ଉପରେ ପୁଣି ଚଢାଉ । ବାଦାମବାଡ଼ି ଥାନା ପୋଲିସର ପକ୍ଷରୁ ଏହି ଚଢ଼ାଉ କରାଯାଇଛି। ଅନେକ ଗୁରୁତ୍ଵପୂର୍ଣ୍ଣ ଫାଇଲ ଓ କାଗଜପତ୍ର ଜବତ ହୋଇଛି ।

ସେହିପରି ସଂସ୍ଥାର ଚାରି ଜଣ ମହିଳା କର୍ମଚାରୀଙ୍କୁ ଉଠେଇ ନେଲା ପୋଲିସ। ଚାକିରୀ ଦେବା ନାଁରେ ଠକେଇ ମାମଲାରେ ଗିରଫ ହୋଇଛନ୍ତି A to Z ସଲ୍ୟୁସନ ସଂସ୍ଥାର ମାଲିକ ବିନୟ ଦାସ। ବିନୟଙ୍କୁ ଚାରି ଦିନିଆ ରିମାଣ୍ଡରେ ନେଇଛି ପୋଲିସ।

ଖବର ଅନୁଯାୟୀ, ପୂର୍ବରୁ ମଧ୍ୟ A to Z ସଲ୍ୟୁସନ ସଂସ୍ଥାରେ ଚଢାଉ କରିଥିଲା କମିଶନରେଟ୍‌ ପୋଲିସ । ସଂସ୍ଥା ଚାକିରି ଲୋଭ ଦେଖାଇ ଶହ ଶହ ଯୁବକ ଓ ଯୁବତୀମାନଙ୍କୁ ଠକିଥିଲା । ଯାହାର ଅଭିଯୋଗ ପରେ ଛାନ୍‌ଭିନ୍‌ ଆରମ୍ଭ କରି କଟକ ପୋଲିସ ।