ମଣିପୁର ମହିଳା ବିବସ୍ତ୍ର ଭିଡିଓ ଭାଇରାଲ୍ ଘଟଣା; ପଞ୍ଚମ ଅଭିଯୁକ୍ତ ଗିରଫ, ପୂର୍ବରୁ ୪ଙ୍କୁ ରିମାଣ୍ଡରେ ନେଇଛି ପୋଲିସ

Published By : Prameya-News7 Bureau | July 22, 2023 IST

ଇମ୍ଫଲ; ମଣିପୁର ମହିଳାଙ୍କୁ ବିବସ୍ତ୍ର ଘଟଣାରେ ଆଉ ଜଣେ ଗିରଫ । ପଞ୍ଚମ ଅଭିଯୁକ୍ତକୁ ଗିରଫ କରିଛି ପୋଲିସ । ଭିଡିଓରେ ଦେଖିବାକୁ ମିଳିଥିବା ଅଭିଯୁକ୍ତଙ୍କୁ ଗିରଫ ପାଇଁ ପୋଲିସ ସର୍ଚ୍ଚ ଅପରେସନ ଜାରି ରଖିଥିଲା । ଏହି ଲଜ୍ଜାଜନକ ଭିଡିଓ ସାମ୍ନାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାକୁ ନିନ୍ଦା କରିବା ସହିତ ଦୋଷୀଙ୍କ ବିରୋଧ କୋଠର କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଇଥିଲେ । ପରେ ମଣିପୁର ପୋଲିସ ବିଭିନ୍ନ ସ୍ଥାନରେ ଛାପାମାରୀ କରିଥିଲେ । ୪ଜଣ ଅଭିଯୁକ୍ତଙ୍କୁ ପ୍ରଥମେ ପୋଲିସ ଗରିଫ କରିଥିବା ବେଳେ ଏବେ ପଞ୍ଚମ ଅଭିଯୁକ୍ତ ଧରାପଡ଼ିଛି ।  

wp:embed {"url":"https://www.prameyanews7.com/all-four-accused-sent-to-police-custody-in-manipur-incident/","type":"wp-embed","providerNameSlug":"prameya-news-7"}
https://www.prameyanews7.com/all-four-accused-sent-to-police-custody-in-manipur-incident/
/wp:embed

ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ସ୍ଥିତି ଚିନ୍ତାଜନକ ରହିଛି । ବିଭିନ୍ନ ସ୍ଥାନରେ ଲୋକେ ଶାନ୍ତିପୂର୍ଣ୍ଣ ଭାବେ ବିକ୍ଷୋଭ ପ୍ରଦର୍ଶନ କରୁଛନ୍ତି । ପୋଲିସ ଓ କେନ୍ଦ୍ରୀୟ ସୁରକ୍ଷାବଳ ଭିନ୍ନ ଭିନ୍ନ ସ୍ଥାନରେ ସର୍ଚ୍ଚ ଅପେରସନ ଚଳାଇଛି । ବିଭିନ୍ନ ଜିଲ୍ଲାରେ ୧୨୬ ପୋଷ୍ଟ ଲଗାଯାଇଛି । ନିୟମ ଭାଙ୍ଗୁଥିବା ୪୧୩ଜଣଙ୍କୁ ପୋଲିସ ହେପାଜତ ନେଇଛି । ଶାନ୍ତି ଫେରାଇ ଆଣିବାକୁ ସ୍ଥାନୀୟ ଲୋକଙ୍କୁ ଅପିଲ୍ କରିଛି ପୋଲିସ । ଏହା ସହିତ କୌଣସି ମିଛ ଖବର ଉପରେ ଭରସା ନକରିବାକୁ କହିଛନ୍ତି ।   

ମଣିପୁରରେ ଆଦିବାସୀ ମହିଳାଙ୍କୁ ବିବସ୍ତ୍ର କରି ଚଲାଇବା ଘଟଣା ସାମ୍ନାକୁ ଆସିବା ପରେ ଅପରାଧୀଙ୍କୁ ଗିରଫ କରିବାକୁ ମୁଖ୍ୟମନ୍ତ୍ରୀ ଏନ. ବିରେନ ସିଂହ ନିର୍ଦ୍ଦେଶ ଦେଇଥିଲେ । ପୂର୍ବର ୪ଜଣ ଅଭିଯୁକ୍ତଙ୍କୁ ଗିରଫ କରି ପୋଲିସ ରିମାଣ୍ଡରେ ନେଇଥିବା ବେଳେ ଏବେ ଅନ୍ୟଜଣଙ୍କୁ ଗରିଫ କରାଯାଇଛି ।  

wp:embed {"url":"https://www.prameyanews7.com/another-manipur-shocker-video-of-chopped-head-emerges11/","type":"wp-embed","providerNameSlug":"prameya-news-7"}
https://www.prameyanews7.com/another-manipur-shocker-video-of-chopped-head-emerges11/
/wp:embed

ଦୁଇ ମହିଳାଙ୍କ ବିବସ୍ତ୍ର ଭିଡିଓ ଭାଇରାଲ୍ ଘଟଣାକୁ ନେଇ ସଂସଦ ହୁଲୁସ୍ତଲ ହୋଇଛି । ଦୁଇ ଦିନ ଅଚଳ ହେବା ପରେ ଆସନ୍ତା ୨୪ ତାରିଖ ପାଇଁ ଉଭୟ ଗୃହକୁ ମୁଲତବୀ ରଖାଯାଇଛି । ଅନ୍ୟପଟେ ଏହି ଗରିଫ ୪ ଅଭିଯୁକ୍ତଙ୍କୁ ଶୁକ୍ରବାର ୧୧ ଦିନିଆ ରିମାଣ୍ଡରେ ନେଇଛି  ପୋଲିସ । ୧୯ ଜୁଲାଇରେ ଏହି ଘଟଣା ନେଇ ୨୬ ସେକେଣ୍ଡର ଭିଡିଓ ଭାଇରାଲ ହେବା ପରେ ପୋଲିସ ଜୁଲାଇ ୨୦ ତାରିଖ ଦିନ କାର୍ଯ୍ୟାନୁଷ୍ଠାନ କରିଥିଲା। ତେବେ ଏହି ଘଟଣାରେ ଗିରଫ ଜଣେ ଅଭିଯୁକ୍ତର ଘରକୁ ଉତ୍ୟକ୍ତ ଲୋକେ ଶୁକ୍ରବାର ମଧ୍ୟାହ୍ନରେ ପୋଡି ଦେଇଛନ୍ତି।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.