କରଞ୍ଜିଆ ୨୯।୧୧ : ଅନ୍ଧବିଶ୍ୱାସରୁ ବର୍ବରକାଣ୍ଡ । ଡାହାଣୀ ସନ୍ଦେହ ଜଣେ ମହିଳା ଏବଂ ଜଣେ ପୁରୁଷଙ୍କୁ ୧୨ ଘଣ୍ଟା କାଳ ଏକ ଘରେ ବାନ୍ଧି ନିର୍ଯାତନା ଦେବା ଘଟଣା । ୭ ଜଣଙ୍କ ନାଁରେ ମାମଲା ରୁଜୁ କରିଛି ପୋଲିସ । ମୟୁରଭଞ୍ଜ ଜିଲ୍ଲା ଯଶୀପୁର ଥାନା ଅଙ୍ଗାରପଦା ଗାଁରେ ଘଟିଛି ଏହି ଘଟଣା ।
wp:embed {"url":"https://www.prameyanews7.com/two-persons-including-a-women-in-one-house-by-villagers/","type":"wp-embed","providerNameSlug":"prameya-news-7"}ଖବର ଅନୁଯାୟୀ, ସୋମବାର ବିଳମ୍ବିତ ରାତିରେ ଜଣେ ମହିଳା ଓ ପୁରୁଷ ଗାଁ ମଶାଣୀରେ ଉଲଗ୍ନ ହୋଇ ପୂଜା କରୁଥିବାରେ ଦେଖିଥିଲେ ସ୍ଥାନୀୟଲୋକେ । ଏହାପରେ ଗାଁ ଲୋକେ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଧରି ଏକ ଘରେ ୧୨ ଘଣ୍ଟା କାଳା ବାନ୍ଧିକି ରଖିଥିଲେ । ଏହାସହ ଉଭୟଙ୍କୁ ମାଡମାରି ନିର୍ଯାତନା ବି ଦେଇଥିଲେ । ମଙ୍ଗଳବାର ଦିନ ଗାଁରେ କଙ୍ଗାରୁ କୋର୍ଟ ଚାଲିଥିବା ବେଳେ ପହଞ୍ଚିଥିଲା ଯଶୀପୁର ଥାନା ପୋଲିସ । ଏହାପରେ ଉଭୟ ପୁରୁଷ ଓ ମହିଳାଙ୍କୁ ଉଦ୍ଧାର କରିଥିଲା । ପୀଡିତ ପୁରୁଷ ଜଣକ ଲିଖିତ ଭାବେ ସ୍ଥାନୀୟ ଥାନାରେ ଅଭିଯୋଗ କରିଥିଲେ । ଏହାପରେ ପୋଲିସ କାର୍ଯ୍ୟାନୁଷ୍ଠାନ ନେଇ ଗାଁର ୭ ଜଣଙ୍କ ନାଁରେ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି । ଆବଶ୍ୟକ ପଡିଲେ ସେମାନଙ୍କୁ ଗିରଫ କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
wp:embed {"url":"https://www.prameyanews7.com/virat-kohli-injured-pic-viral-on-social-media/","type":"wp-embed","providerNameSlug":"prameya-news-7"}
