ଧର୍ମଗଡ଼ ୦୩।୧୦ : କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଶଙ୍କରପଲା ଗାଁର ଟ୍ରିପଲ ମର୍ଡର ଘଟଣା । ମାମଲାକୁ ଦୁଇ ଦିନ ବିତି ଯାଇଥିଲେ ସୁଦ୍ଧା ଏବେବି ରହସ୍ୟ ଘେରରେ ରହିଛି । କିଏ ଓ କାହିଁକି ମାରିଲା , ତାହା ଏବେବି ମିଷ୍ଟ୍ରି ହୋଇ ରହିଛି ।

ସେପଟେ ଜୁନାଗଡ଼ ପୋଲିସ ଏବଂ ଧର୍ମଗଡ଼ ଏସ୍‌ଡିପିଓ ଶଙ୍କରପଲା ଗାଁକୁ ଯାଇ ତଦନ୍ତ କରୁଛନ୍ତି । ଏପିରିକି ସାଇଣ୍ଟିଫିକ୍‌ ଟିମ୍‌ ଓ ସନ୍ଧାନୀ କୁକୁରଙ୍କ ସହାୟତରେ ତଦନ୍ତକୁ ତ୍ୱରାନିତ କରୁଛି ପୋଲିସ । ଏବେ ଯାଏଁ ହତ୍ୟାକାରୀଙ୍କ ଟେର୍‌ ପାଇନି ପୋଲିସ । ତେବେ ଏହି ହତ୍ୟା କିଏ ଓ କାହିଁକି କରିଛି ,  ତାହାର ଖୋଳତାଡ଼ କରୁଛି ପୋଲିସ । ଖୁବ ଶୀଘ୍ର ମର୍ଡର ମିଷ୍ଟ୍ରିରୁ ପରଦା ହଟାଯିବ ବୋଲି ଧର୍ମଗଡ଼ ଏସ୍‌ଡିପିଓ କହିଛନ୍ତି ।

ସୂଚନାଯୋଗ୍ୟ ଯେ, ଜୁନାଗଡ଼ ଥାନା ଶଙ୍କରପଲା ଗାଁରେ ରବିବାର ଦିନ ତିନି ଜଣଙ୍କୁ ଗଳାକାଟି ହତ୍ୟା କରାଯାଇଥିଲା । ସମସ୍ତଙ୍କ ମୃତଦେହ ରାସ୍ତା କଡ଼ରେ ଫିଙ୍ଗି ଦିଆଯାଇଥିଲା । ମୃତକଙ୍କ ନାମ ରାଏମତି ମାଝି ଓ ତାଙ୍କୁ ଦୁଇ ବର୍ଷର ପୁଅ ଶିବଶକ୍ତି ମାଝି ଏବଂ ସେହି ଗାଁର ବୃଦ୍ଧ ମହେନ୍ଦ୍ର କୁମାର ବୋଲି ଜଣାପଡିଛି ।