ପାରାଦୀପ ୧୩।୦୭ : ହୋମଗାର୍ଡଙ୍କ ଉପରେ ଚଢିଗଲା ଟ୍ରକ । ଘଟଣାସ୍ଥଳରେ ଚାଲିଗଲା ହୋମଗାର୍ଡଙ୍କ ଜୀବନ। ମୃତକ ଲକ୍ ଥାନାରେ ହୋମଗାର୍ଡ ଭାବେ କାର୍ଯ୍ୟରତ ଥିଲେ ରାଜନ ପ୍ରଧାନ।
ଖବର ଅନୁଯାୟୀ, ଦୋଛକିରେ ଲକ୍ ଥାନା ପକ୍ଷରୁ ଚାଲିଥିଲା ଚେକିଂ । ଏହି ସମୟରେ ଏକ ଆଇରନ ଗାଡି ଓଭର ଟେକିଂ କରି ଯିବାକୁ ଉଦ୍ୟମ କରୁଥିଲା । ଯାହାକୁ ଅଟକାଇବାକୁ ଯାଇ ହୋମାଗାର୍ଡଙ୍କ ଉପରେ ଚଢିଗଲା ଆଇରନ ବୋଝେଇ ଟ୍ରକ । ଯାହାଫଳରେ ହୋମଗାର୍ଡଙ୍କ ଜୀବନ ଚାଲିଯାଇଛି ।
ସେପଟେ ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ଦେଖାଦେଇଛି । ଦୋଛକି ଠାରେ ଉତ୍ୟକ୍ତ ଲୋକଙ୍କ ପକ୍ଷରୁ ଟାୟାର ଜାଳି ରାସ୍ତାରୋକ କରାଯାଇଛି । କ୍ଷତିପୂରଣ ପାଇଁ ସ୍ଥାନୀୟ ଲୋକଙ୍କ ପକ୍ଷରୁ ଚାଲିଛି ରାସ୍ତାରୋକ । ପୋଲିସ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରୁଛି ।
