ମାଲକାନଗିରି, ୦୫/୧୦: ମାଲକାନଗିରିରୁ ଧରାପଡ଼ିଥିବା ୧୦ ଜଣ ଗଞ୍ଜେଇ ମାଫିଆଙ୍କ ସମ୍ପତ୍ତି ଫ୍ରିଜ୍ କରିଛି ଓଡ଼ିଶା ପୋଲିସ୍ । ମୋଟ ୪.୭୭ କୋଟି ଟଙ୍କାର ସମ୍ପତ୍ତି ଫ୍ରିଜ୍ କରାଯାଇଥିବା ଏକ ବଜ୍ଞପ୍ତି ପ୍ରକାଶ କରି ପୋଲିସ୍ ବିଭାଗ ସୂଚନା ଦେଇଛି । ମାଲ୍କାନଗିରି ଏମ୍ଭି- ୭୯ ଥାନା ପୋଲସ୍ ଦ୍ୱାୟିତ୍ୱରେ ଏହି ସମ୍ପତ୍ତି ଫ୍ରିଜ୍ ହୋଇଥିବା ଜଣାପଡ଼ିଛି ।
ଗତ ଫେବୃଆରୀ ମାସରେ ମାଲକାନଗିରି ପୋଲିସ୍ ପାଟ୍ରୋଲିଂ କରୁଥିବା ସମୟରେ ଏହି ଗଞ୍ଜେଇ ମାଫିଆ ମାନେ ଧରାପଡ଼ିଥିଲେ । ୬ ଜଣ ମିଶି ପାଖାପାଖି ୧୪୦୬ କେଜିର ଗଞ୍ଜେଇ ଚାଲାଣ କରୁଥିବା ବେଳେ ସେମାନଙ୍କ ଠାରୁ ଜବତ କରିଥିଲା ପୋଲିସ୍ । ଏନେଇ ଅଭିଯୁକ୍ତଙ୍କ ନାମରେ ମାମଲା ହୋଇଥିଲା । ତେବେ ବିଭିନ୍ନ ମାମଲାରେ ଏହି ୧୦ ଜଣ ଗଞ୍ଜେଇ ମାଫିଆଙ୍କର ୪.୭୭ କୋଟି ଟଙ୍କାର ସମ୍ପତ୍ତି ପୋଲିସ୍ ଫ୍ରିଜ୍ କରିଥିବା ପ୍ରେସ୍ ବିଜ୍ଞପ୍ତିରୁ ଜଣାପଡ଼ିଛି ।
