ଟାଙ୍ଗୀ, ୨୫/୧୨:  ବଜରଙ୍ଗ ଦଳ ପତାକାକୁ ଅସମ୍ମାନ କରିବାରୁ ନିରାକାରପୁରରେ ଉତ୍ତେଜନା ଦେଖାଦେଇଛି। ଖୋର୍ଦ୍ଧା ଜିଲ୍ଲାର ନିରାକାରପୁର ଥାନା ଅଧିନସ୍ଥ ଖଜୁରିପଡା ଗ୍ରାମର ସୌମ୍ୟରଂଜନ ବିଶୋଇ ନିଜ ବାଇକରେ ଯାଉଥିବା ବେଳେ ଅନ୍ୟଜଣେ ଦୁର୍ବୃତ୍ତ ତାଙ୍କୁ ଅଟକାଇ ଅଶାଳୀନ ଗାଳି ଗୁଲଜ କରିଥିଲା । ଏପରିକି ସେ ନିଜ ବାଇକରେ ଲଗାଇଥିବା ବଜରଙ୍ଗ ଦଳର ଏକ ପତାକାକୁ ଛିଡାଇ ନେଇ ତଳେ ପକାଇ ଦେଇଥିଲା । ଏହାକୁ ନେଇ ସୌମ୍ୟ ରଞ୍ଜନ ନିରାକାର ପୁର ଥାନାରେ ଲିଖିତ ଅଭିଯୋଗ କରିଛନ୍ତି ।

ଅଭିଯୁକ୍ତକୁ ଗିରଫ ଦାବିରେ ଶତାଧିକ ବଜରଙ୍ଗଦଳର କର୍ମୀ ନିରାକାର ପୁର ଥାନାକୁ ଆସି ହୋ ହାଲା କରିଥିଲେ । ବାଲୁଗାଁ SDPO  ଘଟଣା ସ୍ଥଳରେ ପହଞ୍ଚି ଉଭୟ ଗୋଷ୍ଠୀର ଲୋକମାନଙ୍କୁ ବୁଝାଶୁଝା କରୁଛନ୍ତି । ଶାନ୍ତିଶୃଙ୍ଖଳା ବଜାୟ ରଖିବା ପାଇଁ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଫ୍ଲାଗ ମାର୍ଚ୍ଚ କରାଯାଇଛି ।