କଳାହାଣ୍ଡି ୦୫।୦୮ : ସେକ୍ସ ରାକେଟ ଠାବ । ଖସିଗଲେ ଯୁବକ, ଧରାପଡିଲେ ଦେହଜୀବୀ । କଳାହାଣ୍ଡି ଜିଲ୍ଲା ଭବାନୀପାଟଣା ସଦର ଥାନା ଅନ୍ତର୍ଗତ ଅଟାଙ୍ଗଗୁଡ଼ାରୁ ଠାବ ହୋଇଛି ସେକ୍ସ ରାକେଟ୍ । ସଦର ଥାନା ପୋଲିସ ଘଟଣାରେ ତଦନ୍ତ ଜାରି ରଖିଛି ।
ଖବର ଅନୁଯାୟୀ, ଅଟାଙ୍ଗଗୁଡ଼ାରେ ଏକ ଘରେ ଦୀର୍ଘ ଦିନ ଧରି ଚାଲିଥିଲା ସେକ୍ସ ରାକେଟ୍ । ଏହି ସଂପର୍କରେ ଖବର ପାଇ ରବିବାର ବିଳମ୍ବିତ ରାତିରେ ଟାଉନ୍ ଏବଂ ସଦର ଥାନା ପୋଲିସ ମିଳିତ ଭାବେ ରେଡ୍ କରିଥିଲେ । ଏହି ଚଢାଉରେ ୨ ଯୁବତୀଙ୍କୁ ଉଦ୍ଧାର କରିଛି ପୋଲିସ । ଉଦ୍ଧାର ହୋଇଥିବା ଯୁବତୀଙ୍କ ମଧ୍ୟରେ ଜଣଙ୍କ ଘର କୋଲକାତାର ମେଦିନୀପୁରରେ ହୋଇଥିବା ବେଳେ ଆଉ ଜଣଙ୍କ ଘର ଢେଙ୍କାନାଳରେ ବୋଲି ଜଣାପଡିଛି ।
ସେପଟେ ପୋଲିସର ଚଢାଉ ଦେଖି ଘଟଣାସ୍ଥଳରୁ ଫେରାର ମାରିଛନ୍ତି ତିନି ଯୁବକ । ସଦର ଥାନା ପୋଲିସ ଉଦ୍ଧାର ଯୁବତୀଙ୍କୁ ଅଟକ ରଖି ଛାନ୍ଭିନ୍ ଜାରି ରଖିଛି । ଏହାସହିତ ଏହି ଘଟଣାରେ ଆଉ କିଏ କିଏ ସାମିଲ ଅଛନ୍ତି ? ସେନେଇ ଖୋଲତାଡ ବି କରୁଛି ପୋଲିସ ।
