ଭୁବନେଶ୍ୱର ୧୪।୦୩ : ରିଲ୍ସ କରିବା ପାଇଁ ନିଜ ଜୀବନକୁ ବିପଦରେ ପକାନ୍ତୁ ନାହିଁ। ଟ୍ବିଟ୍ କରି ଲୋକଙ୍କୁ ସଚେତନ କରିଛି ଓଡ଼ିଶା ପୋଲିସ । ବର୍ତ୍ତମାନ ସମୟରେ ରିଲ୍ସ ନିଶାରେ ମାତୁଛନ୍ତି ବିଭିନ୍ନ ବର୍ଗର ଲୋକେ ।

ସୋସିଆଲ ମିଡ଼ିଆରେ ପରିଚିତ ହେବା ଆଶାରେ କିଛି ଯୁବଗୋଷ୍ଠୀ ବିପଦସଂକୁଳ ସ୍ଥାନରେ ରିଲ୍ସ୍ ପ୍ରସ୍ତୁତ କରିବା ଭଳି ଘଟଣା ନଜରକୁ ଆସୁଛି। ଏପିରିକି ବିଭିନ୍ନ ପ୍ରକାର ଷ୍ଟଣ୍ଟ ଯେମିତି କି ବାଇକରେ ରିଲ୍ସ ବନାଇବା, ଚଳନ୍ତା ଟ୍ରେନରେ ରିଲ୍ସ କରୁଛନ୍ତି ଯୁବପୀଢି। ଏହାଦ୍ବାରା ଦୁର୍ଘଟଣା ଘଟିବା ସହିତ ପ୍ରାଣହାନୀ ହେବାର ସମ୍ଭାବନା ରହିଛି । ଦାୟିତ୍ବପୂର୍ଣ୍ଣ ନାଗରିକ ଭାବେ ଏଭଳି ଶସ୍ତା ଲୋକପ୍ରିୟତା ପଛରେ ନପଡି, ଏଭଳି ବିପଜ୍ଜନକ କାର୍ଯ୍ୟରୁ ନିଜକୁ ଦୂରେଇ ରଖିବାକୁ ପରାମର୍ଶ ଦେଇଛନ୍ତି ପୋଲିସ ଡିଜି।