ନୂଆଦିଲ୍ଲୀ: ପ୍ରଧାନମନ୍ତ୍ରୀ ନେରନ୍ଦ୍ର ମୋଦୀ ସଡ଼କ ଦୁର୍ଘଟଣାରେ ଆହତ ହୋଇଥିବା ଭାରତୀୟ କ୍ରିକେଟର ରିଷଭ ପନ୍ତଙ୍କ ଶୀଘ୍ର ଆରୋଗ୍ୟ ପାଇଁ କାମନା କରିଛନ୍ତି । ଏକ ମର୍ମନ୍ତୁଦ ଦୁର୍ଘଟଣାରେ ରିଷଭ ପନ୍ତ ଅଳ୍ପକେ ବର୍ତ୍ତି ଯାଇଛନ୍ତି । ତାଙ୍କର ଲଗଜରୀ କାର ଶୁକ୍ରବାର ସକାଳେ ଦିଲ୍ଲୀ-ଡେହରାଡୁ ରାଜମାର୍ଗରେ ଏକ ଡିଭାଇଡର ସହ ପିଟି ହେବା ପରେ ନିଆଁ ଲାଗିଯାଇଥିଲା । ୨୫ ବର୍ଷୀୟ ରିଷଭ ପନ୍ତଙ୍କ ମୁଣ୍ଡ, ପିଠି ଏବଂ ଗୋଡରେ ଆଘତ ଲାଗିଛି । ଏବେ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହଛି ।

ପିଏମ ମୋଦୀ ଟ୍ୱିଟ କରି କହିଛନ୍ତି, ଜଣା-ଶୁଣା କ୍ରିକେଟର ରିଷଭ ପନ୍ତଙ୍କ ସହ ହୋଇଥିବା ଦୁର୍ଘଟଣାରେ ବ୍ୟଥିତ । ମୁଁ ତାଙ୍କର ଉତ୍ତମ ସ୍ୱାସ୍ଥ୍ୟ ପାଇଁ ପ୍ରାର୍ଥନା କରୁଛି ।

wp:html

Distressed by the accident of noted cricketer Rishabh Pant. I pray for his good health and well-being. @RishabhPant17

— Narendra Modi (@narendramodi) December 30, 2022

/wp:html

ଦିଲ୍ଲୀରୁ ନିଜ ଘର ରୁଡକୀ ଯିବା ସମୟରେ ରିଷଭ ପନ୍ତଙ୍କ ମର୍ସିଡିଜ କାର ଦୁର୍ଘଟଣାଗ୍ରସ୍ତ ହୋଇଥିଲା । ସକାଳ ପ୍ରାୟ ସାଢେ ୫ଟାରେ କାର ଅନିୟନ୍ତ୍ରିତ ହୋଇ ଡିଭାଇଡର ସହ ଧକ୍କା ହୋଇଥିଲା ।  ଦୁର୍ଘଟଣା ପରେ କାରରେ ନିଆ ଲାଗିଯାଇଥିଲା । ତେବେ ଏହା ପୂର୍ବରୁ ସେ କାରରୁ ବାହାରି ଆସିଥିଲେ, ପରେ ତାଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା।