ନୂଆଦିଲ୍ଲୀ ୧୨।୦୨ : ବିଶ୍ୱ ଦେଖିବ ଭାରତର ଗୌରବ । ଆରମ୍ଭ ହେବ ପ୍ରଗତିର ଏକ୍ସପ୍ରେସୱେ । ଦିଲ୍ଲୀ-ମୁମ୍ବାଇ ଏକ୍ସପ୍ରେସୱେର ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏହା କେବଳ ଭାରତର ନୁହେଁ ବିଶ୍ବର ଦୀର୍ଘତମ ଏକ୍ସପ୍ରେସୱେ ହେବ । ଏହି ଏକ୍ସପ୍ରେସୱେ ୬ଟି ରାଜ୍ୟ ଦେଇ ଗତି କରିବ । ଏହା ଦିଲ୍ଲୀ, ହରିୟାଣା, ରାଜସ୍ଥାନ, ମଧ୍ୟପ୍ରଦେଶ, ଗୁଜୁରାଟ ଏବଂ ମହାରାଷ୍ଟ୍ରର ଦେଇଯିବ । ଏସିଆର ଏହା ହେଉଛି ପ୍ରଥମ ରାଜପଥ, ଯେଉଁଥିରେ ବନ୍ୟଜନ୍ତୁମାନଙ୍କ ପାଇଁ ଗ୍ରୀନ୍ ଓଭରପାସ୍ ସୁବିଧା ମଧ୍ୟ ରହିଛି ।  

{"id":744663,"sizeSlug":"full","linkDestination":"none"}

ଏହାର ମୋଟ ଲମ୍ବ ପ୍ରାୟ ୧୩୯୦ କିଲୋମିଟର ରହିଥିବା ବେଳେ ଏହା ଜର୍ମାନ ଟେକ୍ନୋଲୋଜି ସହିତ ନିର୍ମାଣ କରାଯାଉଛି । ଏହି ଏକ୍ସପ୍ରେସୱେରେ ଆଗାମୀ ୫୦ ବର୍ଷ ମଧ୍ୟରେ କୌଣସି ପ୍ରକାରର ମରାମତି ହେବନାହିଁ ।  ଏଥିରେ ସମୁଦାୟ ୧୨ ଲକ୍ଷ ଟନ୍ ଇସ୍ପାତ ବ୍ୟବହାର କରାଯାଉଛି, ଯାହା ପ୍ରାୟ ୫୦ ହାଓ୍ବାଡା ବ୍ରିଜ୍ ସହିତ ସମାନ ।  ଏହି ପ୍ରକଳ୍ପରେ ୩୫ କୋଟି ଘନ ମିଟର ମାଟି ଏବଂ ପ୍ରାୟ ୮୦ ଲକ୍ଷ ଟନ୍ ସିମେଣ୍ଟ ବ୍ୟବହାର କରାଯାଇଛି । ଦେଶର ପ୍ରଥମ ବୈଦ୍ୟୁତିକ ରାଜପଥ ମଧ୍ୟ ନିର୍ମାଣ ହୋଇଛି ଏହା ଉପରେ । ଏଥିରେ ଗାଡିଗୁଡିକ ଚଳାଚଳ କରିବା ସମୟରେ ରିଚାର୍ଜ ହେବ । ବର୍ତ୍ତମାନ ଏହି ଏକ୍ସପ୍ରେସୱେ ଆଠଟି ଲେନ ରହିଛି କିନ୍ତୁ ଭବିଷ୍ୟତରେ ଏହାକୁ ୧୨ ଲେନ ଯାଇଁ ବୃଦ୍ଧି କରାଯାଇପାରିବ ।  ତେବେ ଏହି ଏକ୍ସପ୍ରେସୱେରେ ଘଣ୍ଟା ପ୍ରତି ୧୨୦ କିଲୋମିଟର ବେଗରେ ଗାଡି ଗୁଡିକ ଗତି କରିବ ।  ତେବେ କଣ ରହିଛି ଏହି ଏକ୍ସପ୍ରେସୱେ ବିଶେଷତ୍ବ, କାହିଁକି ସମଗ୍ର ବିଶ୍ୱରେ କରାଯାଉଛି ଏହାର ଆଲୋଚନା ? ଆସନ୍ତୁ ଜାଣିବା ।

{"id":744664,"width":840,"height":480,"sizeSlug":"full","linkDestination":"none"}

ଏହି ଏକ୍ସପ୍ରେସ୍ଓ୍ବେ ଆସନ୍ତା ବର୍ଷ ମାର୍ଚ୍ଚ ସୁଦ୍ଧା ସମ୍ପୂର୍ଣ୍ଣ ହେବ । ଏହା ନିର୍ମାଣ ହେବା ପରେ ଦିଲ୍ଲୀ ଏବଂ ଜୟପୁର ଯାତ୍ରା ମାତ୍ର ଦୁଇ ଘଣ୍ଟା ହେବ । ତେବେ ସୋହନା-ଦୌସା ଷ୍ଟ୍ରେଚ୍ ଡିସେମ୍ବର ୨୦୨୧ ସୁଦ୍ଧା ଶେଷ ହେବ । କିନ୍ତୁ କରୋନା ମହାମାରୀ ହେତୁ ଏହାର କାର୍ଯ୍ୟରେ ଲାଗିଥିଲା ବ୍ରେକ୍ । NHAI ଏହି ସମଗ୍ର ଷ୍ଟ୍ରେଚରେ ପ୍ରାୟ ୧.୫ ଲକ୍ଷ ଚାରା ରୋପଣ କରିଛି । ସମଗ୍ର ଷ୍ଟ୍ରେଚ୍ ରହିଛି ସିସିଟିଭି ନଜରରେ, ଯାହା ମାଧ୍ୟମରେ କୌଣସି ପ୍ରକାରର ଦୁର୍ଘଟଣା ଏବଂ ଟ୍ରାଫିକ୍ ଉଲ୍ଲଂଘନ ଉପରେ ରଖାଯିବ କଡା ନଜର । ଏହି ଏକ୍ସପ୍ରେସୱେରେ ଗାଡି ଗୁଡିକ ଘଣ୍ଟା ପ୍ରତି ୧୨୦ କିଲୋମିଟର ବେଗରେ ଚାଲିବ । କିନ୍ତୁ ଯାନ୍ତ୍ରିକ ତ୍ରୁଟି ବିନା ଆପଣ ଗାଡିକୁ ଯେକୌଣସି ସ୍ଥାନରେ ଅଟକାଇ ପାରିବେ ନାହିଁ । ଯଦି ଏପରି କରନ୍ତି ତେବେ ଆପଣଙ୍କର କଟିଯିବ ଚାଲଣ । କେବଳ ରେଷ୍ଟ ଏରିଆରେ ହିଁ ରଖିପାରିବେ ଗାଡି । ଏଥିରେ ରହିବ ୯୩ଟି ବିଶ୍ରାମ କ୍ଷେତ୍ର । ଏକ୍ସପ୍ରେସ୍ଓ୍ବେର ପ୍ରତି ୫୦ କିଲୋମିଟରରେ ରହିବ ଏକ ବିଶ୍ରାମ କ୍ଷେତ୍ର ।

{"id":744666,"sizeSlug":"full","linkDestination":"none"}

ଏଥିସହିତ ପେଟ୍ରୋଲ ପମ୍ପ, ରେଷ୍ଟୁରାଣ୍ଟ ଦୋକାନ ଏବଂ ପିଲାମାନଙ୍କ ପାଇଁ ପାର୍କ ମଧ୍ୟ ରହିବ । ଅନ୍ୟପଟେ ଏକ୍ସପ୍ରେସ୍ଓ୍ବେରେ ଓଭରସ୍ପିଡ୍ ଉପରେ ନଜର ରଖିବା ପାଇଁ ବିଭିନ୍ନ ସ୍ଥାନରେ ସ୍ପିଡ୍ ଗଭର୍ନର ଲଗାଯାଇଛି । ଯଦି କେହି ସ୍ପିଡରେ ଗାଡି ଚଳାନ୍ତି, ତେବେ ତାଙ୍କର ଅନଲାଇନର କଟିଯିବ ଚାଲଣ । ଏହି ଏକ୍ସପ୍ରେସୱେରେ ହେଲିପ୍ୟାଡ୍ ନିର୍ମାଣର ଯୋଜନା ମଧ୍ୟ ରହିଛି । ଜରୁରୀକାଳୀନ ପରିସ୍ଥିତିରେ ଯୁଦ୍ଧ ବିମାନ ମଧ୍ୟ ଦିଲ୍ଲୀ-ମୁମ୍ବାଇ ଏକ୍ସପ୍ରେସୱେରେ ଅବତରଣ କରିପାରିବ। ଏହି ରାସ୍ତାକୁ ଏକ ସଡକ ରନୱେ ଭାବରେ ମଧ୍ୟ ବିକଶିତ କରାଯାଉଛି ।