ନୂଆଦିଲ୍ଲୀ: ତେଲଙ୍ଗାନା ବିଧାନସଭା ପାଇଁ ନଭେମ୍ୱର ୩୦ରେ ମତଦାନ ହେବ । ଏଥିପାଇଁ ବିଜେପି ଲଗାତାର ନିର୍ବାଚନୀ ରାଲି କରୁଛି । ରବିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମେଡକ ଜିଲ୍ଲାରେ ଏକ ନିର୍ବାଚନ ରାଲିକୁ ସମ୍ୱୋଧିତ କରିଛନ୍ତି । ଏହି ଅବସରରେ ରାଜ୍ୟରେ କ୍ଷମତାରେ ଥିବା ବିଆରଏସ ଉପରେ ସେ ଜୋରଦାର ହମଲା କରିଥିଲେ । କେସିଆରଙ୍କ ଉପରେ ପରିବାରକୁ ରାଜନୀତିକ ଲାଭ ପହଞ୍ଚାଇବା ଅଭିଯୋଗ କରିଛନ୍ତି ।
wp:html/wp:html#WATCH | Medak, Telangana: PM Narendra Modi says, "KCR promised to give schemes but he gave only scams. Instead of working for your children, he worked for his children and his relatives. He did scams worth crores of rupees and increased his wealth...The farmers of Telangana have… pic.twitter.com/cC9dVgfvBl
— ANI (@ANI) November 26, 2023
ରାଲିକୁ ସମ୍ୱୋଧନ କରି ପ୍ରଧାନମନ୍ତ୍ରୀ କହିଛନ୍ତି, 'କେସିଆର କୌଣସି ପ୍ରତିଶ୍ରୁତି ପୂରଣ କରିନାହାନ୍ତି । ଫାର୍ମ ହାଉସରୁ ସେ ପାର୍ଟି ଚଲାଇଛନ୍ତି । ତେଲଙ୍ଗାନା ଜନତା କଂଗ୍ରେସ ଓ କେସିଆରଙ୍କ ଠାରୁ ସାବଧାନ ରହିବା ଦରକାର'। ଏହାସହ ପିଏମ୍ ନାରା ଦେଇଛନ୍ତି, ‘କଂଗ୍ରେସ-କେସିଆର ଏକ ସମାନ, ଦୋନୋ ସେ ରହୋ ସାବଧାନ’।
ପଢନ୍ତୁ: ରାଜସ୍ଥାନରେ ଗେହଲଟ ସରକାର ଆଉ କେବେ କ୍ଷମତାକୁ ଆସିବ ନାହିଁ : ପିଏମ୍ ମୋଦୀ
ପିଏମ୍ ମୋଦୀ ଦୁଇ ଦଳକୁ ଟାର୍ଗେଟ୍ କରି କହିଛନ୍ତି, 'ଗୋଟିଏ ରୋଗର ଚିକିତ୍ସା ଅନ୍ୟ ଏକ ରୋଗ ହୋଇପାରିବ ନାହିଁ । କେବଳ ବିଜେପି ହିଁ ତେଲଙ୍ଗାନା ଲୋକଙ୍କ ଉନ୍ନତି କରିପାରିବ । କଂଗ୍ରେସ ଓ କେସିଆର ଶାସନରେ କେବଳ ସେମାନଙ୍କ ପରିବାର ହିଁ ଧନୀ ହୋଇଛି । ସେମାନେ ଗରିବ, ଏସସି, ଏସଟି ଓ ଓବିସିଙ୍କ ନାଁରେ ଭୋଟ ମାଗୁଛନ୍ତି ଓ କ୍ଷମତାର ଲାଭ ଅନ୍ୟ କେହି ପାଉଛନ୍ତି'। ପ୍ରଧାନମନ୍ତ୍ରୀ ଏହା ମଧ୍ୟ କହିଛନ୍ତି ଯେ ତେଲଙ୍ଗାନାକୁ ପ୍ରଥମ ଓବିସି ମୁଖ୍ୟମନ୍ତ୍ରୀ କେବଳ ବିଜେପି ହିଁ ଦେବ । କଂଗ୍ରେସ ଦେଶରେ ସୁଲତାନଶାହୀ ଓ କେସିଆର ନିଜାମଶାହୀକୁ ବଢାଇଛନ୍ତି ।
