ନୂଆଦିଲ୍ଲୀ : ଭାରତୀୟ ପୁରୁଷ ହକି ଟିମ୍ ଗୁରୁବାର ତୃତୀୟ ସ୍ଥାନ ନିମନ୍ତେ ପ୍ଲେ-ଅଫ ମ୍ୟାଚ୍ ରେ ସ୍ପେନ କୁ ୨-୧ରେ ହରାଇ ଅଲିମ୍ପିକ୍ କ୍ରିଡାରେ ଲଗାତାର ଦ୍ୱିତୀୟବାର ବ୍ରୋଞ୍ଜ ମେଡାଲ ହାସଲ କରିଛି। କ୍ୟାପ୍ଟେନ ହରମନ ପ୍ରିତ ସିଂହ ମ୍ୟାଚ୍ର ୩୦ ଓ ୩୩ତମ ମିନିଟରେ ଲାଗଲାଗ ୨ଟି ଗୋଲ ପୋଷ୍ଟ କରିଥିଲେ। ତେବେ ସ୍ପେନ ଏକମାତ୍ର ଗୋଲ କ୍ୟାପ୍ଟେନ ମାର୍କ ମେରାଲେସ ୧୮ତମ ମିନିଟ୍ରେ ପେନାଲ୍ଟି ଷ୍ଟ୍ରୋକରେ କରିଥିଲେ। ଏହି ରୋମାଞ୍ଚକର ବିଜୟ ପରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନେକ ନେତା ଓ ବ୍ୟକ୍ତିତ୍ୱ ଭାରତୀୟ ହକି ଟିମ୍କୁ ଶୁଭେଚ୍ଛା ଜଣାଇଛନ୍ତି।
A feat that will be cherished for generations to come!
— Narendra Modi (@narendramodi) August 8, 2024
The Indian Hockey team shines bright at the Olympics, bringing home the Bronze Medal! This is even more special because it is their second consecutive Medal at the Olympics.
Their success is a triumph of skill,…
ଏ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ୍ସ ରେ ଏକ ପୋଷ୍ଟ କରିଛନ୍ତି। ସେ ଲେଖିଛନ୍ତି ଏହା ଏପରି ଏକ ଉପଲବ୍ଧି ଯାହାକୁ ଆଗାମୀ ପିଢୀ ମନେ ରଖିବେ। ଭାରତୀୟ ହକି ଟିମ୍ ଅଲିମ୍ପିକରେ ଉଲ୍ଲେଖନୀୟ ପ୍ରଦର୍ଶନକରି ବ୍ରୋଞ୍ଜ ମେଡାଲ ହାସଲ କରିଛି। ଏହା ଏଥି ପାଇଁ ମଧ୍ୟ ଖାସ ଯେ ଅଲିମ୍ପିକରେ ଲଗାତାର ଭାରତୀୟ ହକି ଟିମ୍ର ଏହା ଦ୍ୱିତୀୟ ମେଡାଲ। ଏହା ଖେଳାଳିମାନଙ୍କ ସଫଳ କୌଶଳ, ଦୃଢତା ଓ ଟିମ୍ ଭାବନାର ବିଜୟ ବୋଲି ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ ଖେଳାଳି ମାନେ ବେଶ ସାହସିକତା ପ୍ରଦର୍ଶନ କରିଛନ୍ତି। ଏଣୁ ସେମାନଙ୍କୁ ବଧେଇ। ହକି ସହିତ ପ୍ରତ୍ୟେକ ଭାରତୀୟଙ୍କ ଭାବନାତ୍ମକ ସମ୍ପୃକ୍ତି ରହିଛି। ଏହି ଉପଲବ୍ଧି ଆମ ଦେଶର ଯୁବକଙ୍କ ମଧ୍ୟରେ ଏହି ଖେଳକୁ ଆହୁରି ଲୋକପ୍ରିୟ କରିବ ବୋଲି ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି।
Heartiest congratulations to our Hockey Team for securing the bronze medal at the Paris Olympics! It is after over five decades that India has won bronze medals in back-to-back Olympic Games. The team deserves highest praise for resurgence of Indian Hockey. They have done India…
— President of India (@rashtrapatibhvn) August 8, 2024
ସେହିପରି ରାଷ୍ଟ୍ରପତି ଦ୍ରୌପଦୀ ମୁର୍ମୁ ମଧ୍ୟ ଏକ୍ସ ରେ ଏକ ପୋଷ୍ଟ କରିଛନ୍ତି। ସେ ଲେଖିଛନ୍ତି ପ୍ୟାରିସ୍ ଅଲିମ୍ପିକରେ ବ୍ରୋଞ୍ଜ ମେଡାଲ ଜିତିଥିବାରୁ ଆମର ହକି ଟିମ୍କୁ ହାର୍ଦ୍ଦିକ ବଧେଇ। ଏହା ପାଞ୍ଚ ଦଶନ୍ଧୀରୁ ଅଧିକ ସମୟ ପରେ ହୋଇଛି। ଯେତେବେଳେ ଭାରତ ଲଗାତାର ଦୁଇଟି ଅଲିମ୍ପିକରେ ବ୍ରୋଞ୍ଜ ଜିତିଛି। ଭାରତୀୟ ହକିର ପୁନରୁତ୍ଥାନ ନିମନ୍ତେ ଟିମ୍ ସବୁଠୁ ଅଧିକ ପ୍ରଶଂସାର ପାତ୍ର। ସେମାନେ ଭାରତକୁ ଗୌରବାନ୍ୱିତ କରିଛନ୍ତି। ଏହି ଟିମ୍ ଦେଖାଇଥିବା ନିରନ୍ତରତା, କୌଶଳ, ଏକଜୁଟତା ଓ ଲଢୁଆ ମାନସିକତା ଆମର ଯୁବକମାନଙ୍କୁ ପ୍ରେରିତ କରିବ। ଭାରତୀୟ ହକି ଟିମ୍ ବହୁତ ବଢିଆ।
