ନୂଆଦିଲ୍ଲୀ, ୧୧/୦୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମା' ହୀରା ବେନ୍ଙ୍କୁ କରୋନା ଟିକାର ପ୍ରଥମ ଡୋଜ୍ ଦିଆଯାଇଛି । ଏନେଇ ନିଜେ ପ୍ରଧାନମନ୍ତ୍ରୀ ଟ୍ୱିଟ୍ କରି ସୂଚନା ଦେଇଛନ୍ତି । ମୋଦି ଟ୍ୱିଟର୍ ହ୍ୟାଣ୍ଡେଲ୍ରେ ଲେଖିଛନ୍ତି, ମୁଁ ଆପଣମାନଙ୍କୁ ଜଣାଇ ଖୁସି ଅନୁଭବ କରୁଛି ଯେ, ମୋ ମା'ଙ୍କୁ ଆଜି କରୋନାର ପ୍ରଥମ ଡୋଜ୍ ଟିକା ଦିଆଯାଇଛି । ମୁଁ ଆପଣ ସମସ୍ତଙ୍କୁ ନିବେଦନ କରୁଛି ଯେ, ଯେଉଁମାନେ ଭ୍ୟାକ୍ସିନ୍ ନେବା ପାଇଁ ଗାଇଡ୍ଲାଇନ୍ ଅନୁସାରେ ଯୋଗ୍ୟ ସେମାନେ ସମସ୍ତେ ନିଶ୍ଚିତ ଭାବେ ଟିକା ନିଅନ୍ତୁ ଏବଂ ଅନ୍ୟ ମାନଙ୍କୁ ମଧ୍ୟ ପ୍ରେରିତ କରନ୍ତୁ ।
wp:html/wp:htmlPM Narendra Modi says his mother has taken the first dose of the COVID-19 vaccine today.
— ANI (@ANI) March 11, 2021
"I urge everyone to help and motivate people around you who are eligible to take the vaccine," he says.
(File photo of PM Modi with his mother Heeraben Modi) pic.twitter.com/D7rz2g0u90
ପ୍ରଧାନମନ୍ତ୍ରୀଙ୍କ ମା' ହୀରାବେନ୍ ଗୁଜୁରାଟର ଗାନ୍ଧୀ ନଗରରେ ରହୁଛନ୍ତି । ବର୍ତ୍ତମାନ ତାଙ୍କ ବୟସ ୧୦୦ ବର୍ଷ ପାଖାପାଖି ହେବ । ହେଲେ ଏତେ ବୟସରେ ମଧ୍ୟ ସେ ସକ୍ରିୟ ଥିବା ଜଣାପଡ଼ୁଛନ୍ତି । ପୂର୍ବରୁ ମୋଦିଙ୍କୁ ମଧ୍ୟ ଭ୍ୟାକ୍ସିନ୍ର ପ୍ରଥମ ଡୋଜ୍ ଦିଆସରିଛି । ଦିଲ୍ଲୀ ଏମ୍ସରେ ମାର୍ଚ୍ଚ ୧ ତାରିଖରେ ତାଙ୍କୁ ଏହି ଟିକା ଦିଆଯାଇଥିଲା ।
ମୋଦି ଯେତେବେଳେ ବି ଗୁଜୁରାଟ ଯାଇଥାନ୍ତି, ସେତେବେଳେ ନିଜ ମା'ଙ୍କୁ ଭେଟିକରି ଆସନ୍ତି । ଏହାଛଡ଼ା ଜନ୍ମଦିନ ଅବସରରେ ମୋଦି ମାଆଙ୍କ ଠାରୁ ଆଶିର୍ବାଦ ନେବା ପାଇଁ ତାଙ୍କୁ ଭେଟିବାକୁ ଯାଇଥାନ୍ତି ।
ତେବେ ମାର୍ଚ୍ଚ ମାସ ୧ ତାରିଖରୁ ଦେଶରେ ଦ୍ୱିତୀୟ ଟିକାକରଣ ଅଭିଯାନ ଆରମ୍ଭ ହୋଇଛି । ଏଥିରେ ୬୦ ବର୍ଷରୁ ଉର୍ଦ୍ଧ୍ୱ ବୟସ୍କ ଏବଂ ୪୫ ବର୍ଷରୁ ଉର୍ଦ୍ଧ୍ୱ ରୋଗୀଙ୍କୁ ଟିକା ଦିଆଯିବାର ବ୍ୟବସ୍ଥା କରାଯାଇଛି ।
