ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ହତ୍ୟା ଲାଗି ଯୋଜନା କରିଥିବା କହିଥିବା ମହମ୍ମଦ ରଫିକ୍ ଗିରଫ । ୧୯୯୮ କୋଏମ୍ବାଟୁର ବିସେଫୋରଣ ମାମଲାରେ ଦୋଷୀ ଥିଲା ରଫିକ୍‌ । କିଛି ଦିନ ତଳେ ଏକ ଟେଲିଫୋନ ବାର୍ତ୍ତାଳାପବୋଳେ ରଫିକ୍ କହିଥିଲା, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ହତ୍ୟା କରିବାକୁ ସେ ଯୋଜନା କରିଛି । ଏହି ମାମଲାରେ ରଫିକ୍ ବିରୋଧରେ ପୋଲିସ ଆଇପିସିର ୧୫୩ – ଏ , ୫୦୬ ଧାରାରେ ମମାଲା ରୁଜ୍ଜୁ କରିଥିଲା । ରଫିକ୍‌କୁ ଗିରଫ କରାଯାଇଥିଲେ ବି , ସେ ସେଭଳି କିଛି ଷଡଯନ୍ତ୍ର କରିଥିବା ସ୍ପଷ୍ଟ ହୋଇନି । ରଫିକ୍‌ ମଧ୍ୟ ପୋଲିସକୁ କହିଛି, ସେ ପ୍ରଧାନମନ୍ତ୍ରୀଙ୍କୁ ହତ୍ୟା କରିବାକୁ ସେଭଳି କିଛି ଷଡଯନ୍ତ୍ର କରିନାହିଁ । କେବଳ ଜଣେ ଟ୍ରକ ଡ୍ରାଇଭରକୁ ଧମକ ଦେବାକୁ ଟେଲିଫୋନ୍‌ରେ ଏପରି କହିଥିବା ମାନିଛି । ମହମ୍ମଦ ରଫିକ୍‌ର ଅପରାଧିକ ପୃଷ୍ଠ ଭୂମି ରହିଥିବାରୁ ତାକୁ ଗିରଫ କରିଛି ପୋଲିସ । ୧୯୯୮ କୋଏମ୍ବାଟୁର ସିରିଜ ବୋମା ବିସ୍ଫୋରଣ ମାମଲାରେ ରଫିକ ଦୋଷୀସାବ୍ୟସ୍ତ ହୋଇଥିଲା । ସେହି ସିରିଜ ବୋମା ବିସ୍ଫୋରଣରେ ୫୮ ଜଣଙ୍କ ମୃତ୍ୟୁ ହୋଇଥିଲା । ଅଦାଲତରେ ଦୋଷୀ ସାବ୍ୟସ୍ତ ରଫିକ୍ ଜେଲ୍ ଦଣ୍ଡ ଭୋଗି ୨୦୦୭ରେ ମୁକ୍ତ ହୋଇଥିଲା ।