ନୂଆଦିଲ୍ଲୀ: ୟୁଏସ-ଇଣ୍ଡିଆ ଷ୍ଟ୍ରାଟେଜିକ୍ ପାର୍ଟନରଶିପ୍ ଫୋରମ ଅଧ୍ୟକ୍ଷ ଜନ୍ ଚାମ୍ୱର୍ସ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଦୁନିଆର ସବୁଠୁ ଭଲ ନେତା ବୋଲି କହିଛନ୍ତି । USISPFର ଅଧ୍ୟକ୍ଷ ଜନ୍ ଚାମ୍ୱର୍ସ କହିଛନ୍ତି ଯେ ଭାରତରେ ପ୍ରଧାନମନ୍ତ୍ରୀ ମୋଦୀଙ୍କ ଆଫ୍ରୁଭାଲ ରେଟିଂ ୭୬ ପ୍ରତିଶତ ରହିଛି । ଅର୍ଥାତ୍ ଏତେ ସଂଖ୍ୟାରେ ଲୋକ ତାଙ୍କୁ ପ୍ରଶଂସା କରିଛନ୍ତି । ଜନ୍ ଚାମ୍ୱର୍ସ କହିଛନ୍ତି, 'ଆମେରିକାରେ ବି ମୋଦୀଙ୍କ ପରି କୌଣସି ନେତା ଥାନ୍ତେ କି ?'

ଏନଡିଟିଭିକୁ ପ୍ରତିକ୍ରିୟା ଦେଇ ଜନ୍ କହିଛନ୍ତି, 'ମୁଁ ପ୍ରଧାନମନ୍ତ୍ରୀ ମୋଦୀଙ୍କ ଜଣେ ବଡ଼ ପ୍ରଶଂସକ । ମୁଁ ଅନୁଭବ କରୁଛି ଯେ ସେ ଦୁନିଆର ସର୍ବଶ୍ରେଷ୍ଠ ନେତା । ମୋର ଇଚ୍ଛା ଯେ ଆମ ପାଖରେ ଆମେରିକାକୁ ବି ଏପରି ଜଣେ ନେତା ମିଳନ୍ତୁ । ଆମ ପାଖରେ ଏପରି କୌଣସି ନେତା ନାହାନ୍ତି, ଯାହାଙ୍କୁ ୫୦ ପ୍ରତିଶତ ଆପ୍ରୁଭାଲ ରେଟିଂ ମିଳିଥିବ । ଅନ୍ୟପଟେ ପ୍ରଧାନମନ୍ତ୍ରୀ ମୋଦୀଙ୍କୁ ୭୫ ପ୍ରତିଶତ ଆପ୍ରୁଭାଲ ରେଟିଂ ମିଳିଛି ।'

ଜନ୍ କହିଛନ୍ତି, 'ଯଦି ଆପଣ ନେତାଙ୍କ ବିଷୟରେ ଚିନ୍ତା କରନ୍ତି, ତେବେ ଏହା ତାଙ୍କ ଟ୍ରାକ୍ ରେକର୍ଡ ବିଷୟରେ ଅଟେ । ଏହା ସେମାନଙ୍କ ସମ୍ପର୍କ ଏବଂ ବିଶ୍ୱାସ ବିଷୟରେ ଅଟେ । ସେ ଆମର ସମସ୍ତ ରାଜନୀତିକ ନେତାଙ୍କ ସହ ଭଲ ସମ୍ପର୍କ ରଖିଛନ୍ତି । ଲୋକମାନେ ତାଙ୍କ ଉପରେ ବିଶ୍ୱାସ କରୁଛନ୍ତି ।'

ପଢନ୍ତୁ: ‘ବୈଜ୍ଞାନିକଙ୍କ ଅପମାନ…’ ଡିଏମକେ ସରକାରର ବିଜ୍ଞାପନରେ ଚୀନ ରକେଟ୍‌କୁ ଦେଖି ବର୍ଷିଲେ ପ୍ରଧାନମନ୍ତ୍ରୀ

ଜନ୍ ଚାମ୍ୱର୍ସ ଏହି ସମୟରେ ଦ୍ରୁତ ଗତିରେ ବଢୁଥିବା ଭାରତର ଅର୍ଥବ୍ୟବସ୍ଥାକୁ ମଧ୍ୟ ପ୍ରଶଂସା କରିଛନ୍ତି । ସେ କହିଛନ୍ତି, 'ଭାରତ ବିଶ୍ୱର ସବୁଠୁ ବଡ଼ ଅର୍ଥବ୍ୟବସ୍ଥା ହେବା ନିଶ୍ଚିତ । ଭାରତୀୟ କମ୍ପାନିଗୁଡିକୁ ଆଗକୁ ବଢିବାର ସାହସ ରଖିବାକୁ ହେବ । ଚୀନ ତୁଳନାରେ ଭାରତର ଲିଡିଂ MFG ହେବା ସ୍ଥିତିରେ ଅଛି ।'

ସେ କହିଛନ୍ତି ଯେ ଦୁନିଆରେ ଭାରତ ସମ୍ଭାବନାକୁ ନେଇ ଉତ୍ସାହ ଅଛି । ଏକ ଦଶନ୍ଧିରୁ ଅଧିକ ସମୟରେ ଭାରତର ଅର୍ଥବ୍ୟବସ୍ଥା ଚୀନଠାରୁ ୯୦ ପ୍ରତିଶତ ବଡ଼ ହୋଇଯିବ । ଭାରତର ଶୀର୍ଷରେ ପହଞ୍ଚିବା କାରଣ ଏହାର ରିସ୍କ ନେବାର ଇଚ୍ଛା । ସେ କହିଛନ୍ତି, 'କିଛି ବର୍ଷ ପୂର୍ବେ ଏପରି ସ୍ଥିତି ନଥିଲା, ଏହା ପ୍ରଧାନମନ୍ତ୍ରୀ ମୋଦୀଙ୍କ ଲଗାତାର ଉଦ୍ୟମ କାରଣରୁ ହୋଇଛି ।'