Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

ଭାରତର ଜି-୨୦ ଅଧ୍ୟକ୍ଷତା ଲୋଗ, ଥିମ୍ ଏବଂ ୱେବସାଇଟ୍ ଉନ୍ମୋଚନ କରିବେ ପ୍ରଧାନମନ୍ତ୍ରୀ

7/11/2022 at 10:37 PM

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଭାରତର ଜି-୨୦ ଅଧ୍ୟକ୍ଷତାର ଲୋଗୋ, ଥିମ ଏବଂ ୱେବସାଇଟ୍ ଉନ୍ମୋଚନ କରିବେ । ବିଦେଶ ମନ୍ତ୍ରାଳୟ ସୋମବାର ଏହି ସୂଚନା ଦେଇ କହିଛି, ଜି-୨୦ର ଅଧ୍ୟକ୍ଷତା ଭାରତକୁ ଅନ୍ତରାଷ୍ଟ୍ରୀୟ ମହତ୍ୱର ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ବିଶ୍ୱ ଏଜେଣ୍ଡାରେ ଯୋଗଦାନ କରିବାକୁ ସୁଯୋଗ ପ୍ରଦାନ କରିବ । ମନ୍ତ୍ରାଳୟ କହିଛି ଦେଶର ଜି-୨୦ର ଅଧ୍ୟକ୍ଷତାର ଏହି ଲୋଗୋ, ଥିମ୍ ଏବଂ ୱେବସାଇଟ୍ ଭାରତର ସନ୍ଦେଶ ଏବଂ ଦୁନିଆ ପ୍ରତି ଏହାର ବ୍ୟାପକ ପ୍ରାଥମିକତାକୁ ପ୍ରତିବିମ୍ୱିତ କରିବ ।

ଡିସେମ୍ୱର ଏକରେ ଇଣ୍ଡୋନେସିଆ ଠାରୁ ଭାରତ ଜି-୨୦ର ଅଧ୍ୟକ୍ଷତା ଗ୍ରହଣ କରିବ । ଜି-୨୦ ଦୁନିଆର ପ୍ରମୁଖ ବିକଶିତ ଏବଂ ବିକାଶଶୀଳ ଅର୍ଥବ୍ୟବସ୍ଥାର ଏକ ପ୍ରମୁଖ ମଞ୍ଚ । ଜି-୨୦ ଗ୍ରୁପରେ ୟୁରୋପୀୟନ ୟୁନିୟନ ସହ ୧୯ ରାଷ୍ଟ୍ର ସାମିଲ ଅଛନ୍ତି । ଜି-୨୦ ସଦସ୍ୟ ରାଷ୍ଟ୍ର ବିଶ୍ୱ ଜିଡିପିର ୮୦ ପ୍ରତିଶତ ଯୋଗଦାନ କରନ୍ତି । ସେହିପରି ବାଣିଜ୍ୟରେ ୭୫ ପ୍ରତିଶତ ଏବଂ ବିଶ୍ୱ ଜନସଂଖ୍ୟାରେ ୬୦ ଯୋଗଦାନ ରହିଛି । ୧୯୯୯ ମସିହାରୁ ଭାରତ ଏହାର ସଦସ୍ୟ ରହିଛି।  

ବିଦେଶ ମନ୍ତ୍ରାଳୟ ଅନୁସାରେ, ନଭେମ୍ୱର ୮ ଅପରାହ୍ଣ ୪.୩୦ରେ ପ୍ରଧାନମନ୍ତ୍ରୀ ମୋଦୀ ଭିଡିଓ କନଫରେନ୍ସିଂ ଜରିଆରେ ଭାରତର ଜି-୨୦ ଅଧ୍ୟକ୍ଷତା ଲୋଗୋ, ଥିମ ଏବଂ ୱେବସାଇଟ୍ ଉନ୍ମୋଚନ କରିବେ।

   Related Posts