scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ନୀତି ଆୟୋଗ ବୈଠକରେ ଭାରତକୁ ଆତ୍ମନିର୍ଭର କରିବା ଉପରେ ପ୍ରଧାନମନ୍ତ୍ରୀଙ୍କ ଗୁରୁତ୍ୱ, କୃଷି କ୍ଷେତ୍ରରେ ବିଶ୍ୱରେ ଅଗ୍ରଣୀ ହେବାକୁ ଆହ୍ୱାନ

7/08/2022 at 9:22 PM

ନୂଆଦିଲ୍ଲୀ: ରବିବାର ନୀତି ଆୟୋଗ ପରିଚାଳନା ପରିଷଦର ସପ୍ତମ ବୈଠକ ହୋଇଛି । ରାଷ୍ଟ୍ରପତି ଭବନରେ ହୋଇଥିବା ଏହି ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଧ୍ୟକ୍ଷତା କରିଥିଲେ । ବୈଠକରେ ଦେଶର ଅନେକ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ସାମିଲ ହୋଇଥିଲେ । ବୈଠକରେ ଶିକ୍ଷା ନୀତି, ଜି ୨୦, ସ୍କୁଲ ଶିକ୍ଷା ଏବଂ ଉଚ୍ଚ ଶିକ୍ଷାର କ୍ରିୟାନ୍ୱୟନ ସହ ଦେଶକୁ ଆତ୍ମନିର୍ଭର କରିବା ଉପରେ ଗୁରୁତ୍ୱ ଦେଇଥିଲେ ।

ବୈଠକରୁ ସମ୍ୱୋଧିତ କରି ପ୍ରଧାନମନ୍ତ୍ରୀ କହିଛନ୍ତି, ସହରୀକରଣ ଜୀବନର ସହଜତା, ଉନ୍ନତମାନର ଜୀବନକୁ ସୁନିଶ୍ଚିତ କରିବା ପାଇଁ ଟେକ୍ନୋଲୋଜିକୁ ବ୍ୟବହାର କରି ଦୁର୍ବଳତା ପରିବର୍ତ୍ତେ ଭାରତର ଶକ୍ତି ହୋଇପାରିବ। ଏହାସହ ସେ କହିଛନ୍ତି, ଖାଇବା ତେଲ ଉତ୍ପାଦନରେ ଭାରତ ଆତ୍ମନିର୍ଭର ହେବା ଦରକାର।  

ପ୍ରଧାନମନ୍ତ୍ରୀ ମୋଦୀ ଏହାସହ ଜି ୨୦ର ଅଧ୍ୟକ୍ଷତା ଉପରେ ମଧ୍ୟ ମତ ରଖିଛନ୍ତି । ଜି ୨୦ରେ ବିକଶିତ ଏବଂ ବିକାଶଶୀଳ ଦେଶ ସାମିଲ ଅଛନ୍ତି । ଏହି ସମୟରେ ପ୍ରତ୍ୟେକ ରାଜ୍ୟ ଜି ୨୦ ପାଇଁ ସମର୍ପିତ ଟିମ ଗଠନ କରି ଏଥିରୁ ସର୍ବାଧିକ ଲାଭ ପାଇବା ପାଇଁ ଲକ୍ଷ୍ୟ ରଖିବା ଦରକାର ବୋଲି ସେ କହିଛନ୍ତି। ଏହାସହ କୃଷି କ୍ଷେତ୍ରରେ ବିଶ୍ୱରେ ଅଗ୍ରଣୀ ହେବା ଦିଗରେ ବିଭିନ୍ନ ପଦକ୍ଷେପ ନେବାକୁ ଜୋର ଦେଇଛନ୍ତି ।

   Related Posts