ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

‘ପଦ ଯାତ୍ରା’ ନୁହେଁ, ପଦ ପାଇବା ପାଇଁ ଯାତ୍ରା, ଭାରତ ଯୋଡୋକୁ ଟାର୍ଗେଟ କଲେ ପିଏମ ମୋଦୀ

21/11/2022 at 5:20 PM

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ରାହୁଲ ଗାନ୍ଧୀଙ୍କ ନେତୃତ୍ୱରେ ଚାଲିଥିବା କଂଗ୍ରେସର ଭାରତ ଯୋଡୋ ଯାତ୍ରା ଉପରେ ପ୍ରଥମ ଥର ମୁହଁ ଖୋଲିଛନ୍ତି । ରାହୁଲ ଗାନ୍ଧୀଙ୍କ ଯାତ୍ରା ଉପରେ ଟାର୍ଗେଟ କରି କହିଛନ୍ତି, ଯେଉଁ ଲୋକଙ୍କୁ ଜନତା କ୍ଷମତାରୁ ବାହାର କରିଥିଲେ, ଏବେ ସେମାନେ କ୍ଷମତାକୁ ଆସିବା ପାଇଁ ଯାତ୍ରା ବାହାର କରୁଛନ୍ତି । ପିଏମ ମୋଦୀ ଗୁଜରାଟର ସୁରେନ୍ଦ୍ର ନଗର ଜିଲ୍ଲାରେ ଧ୍ରାଙ୍ଗଧରାରେ ଏକ ଜନସଭାକୁ ସମ୍ୱୋଧିତ କରି ରାହୁଲ ଗାନ୍ଧୀଙ୍କ ନାଁ ନନେଇ ତାଙ୍କୁ ଟାର୍ଗେଟ କରିଛନ୍ତି । ପିଏମ ମୋଦୀ କହିଛନ୍ତି, ‘ଏହା ପଦ(ପାଦ) ଯାତ୍ରା ନୁହେଁ, ବରଂ ପଦ(କ୍ଷମତା)ପାଇଁ ଯାତ୍ରା ଅଟେ’।

ପିଏମ ମୋଦୀ କହିଛନ୍ତି, ‘କଂଗ୍ରେସ ମୋଦୀକୁ ତାର ଔକାତ ଦେଖାଇବ ବୋଲି ନାରା ଦେଉଛି । ଆପଣ(କଂଗ୍ରେସ) ଏକ ରାଜ ପରିବାରର ଦଳ ଏବଂ ମୁଁ ଗୋଟିଏ ସାଧାରଣ ଘରର ପୁଅ । ଆପଣ (କଂଗ୍ରେସ) ମୋତେ ପ୍ରଥମେ ମୃତ୍ୟୁର ସୌଦାଗର, ନାଳର ପୋକ ଏବଂ ନୀଚ ପରି ନାଁରେ ଡାକିଥିଲ କିନ୍ତୁ ଏବେ ଔକାତର ଖେଳରୁ ହଟି ଗତ ଦୁଇ ଦଶନ୍ଧିରେ ଗୁଜରାଟରେ ବିଜେପିର ବିକାଶ କାର୍ଯ୍ୟ ଉପରେ ଚର୍ଚ୍ଚା କରିବାକୁ ପଡିବ’ ।

ସୌରାଷ୍ଟ୍ରରେ କଂଗ୍ରେସର ଗଡ଼ ସୁରେନ୍ଦ୍ର ନଗରରେ ବିଶାଳ ଜନସଭାକୁ ସମ୍ୱୋଧିତ କରି ପ୍ରଧାନମନ୍ତ୍ରୀ କହିଛନ୍ତି, ‘ଦୁଇ ଦଶନ୍ଧି ମୋ ନାଁରେ କୌଣସି ଔକାତ ନାହିଁ, ତଥାପି ମୁଁ ସେବକ ଏବଂ ସେବାଦାର ଅଟେ । ସୁରେନ୍ଦ୍ର ନଗରବାସୀଙ୍କୁ ଆପଣ ୪୦ ବର୍ଷ ଯାଏଁ ଜଳ ସଂକଟରେ ରଖିଲ । ଏବେ ନିଜ ଯାତ୍ରାରେ ନିର୍ମଦା ଯୋଜନାର ବିରୋଧ କରୁଥିବା (ମେଘା ପାଟକର) ଲୋକଙ୍କ ସହ କାନ୍ଧ ମିଶାଇ ଚାଲୁଛ । ଆସନ୍ତା ନିର୍ବାଚନରେ ଗୁଜରଟବାସୀ ଏହା ଉପରେ ନିଶ୍ଚୟ ଦଣ୍ଡ ଦେବେ।

   Related Posts