ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହିମାଚଳ ପ୍ରଦେଶର କୁଲ୍ଲୁରେ ଅନ୍ତର୍ଜାତୀୟ ଦଶହରା ସମାରୋହରେ ସାମିଲ ହୋଇଛନ୍ତି । ଏଠାରେ ତାଙ୍କୁ ଭଗ୍ୟ ସ୍ୱାଗତ କରାଯାଇଛି । ପ୍ରଧାନମନ୍ତ୍ରୀ ମୋଦୀ ହିମାଚଳ ପ୍ରଦେଶର କୁଲ୍ଲୁରେ ଲୋକଙ୍କ ଏକ ବିଶାଳ ଜନସଭାକୁ ଶୁଭେଚ୍ଛା ଜଣାଇଛନ୍ତି । ଏହା ପ୍ରଥମ ଥର ଯେତେବେଳେ ଦେଶର କୌଣସି ପ୍ରଧାନମନ୍ତ୍ରୀ କୁଲ୍ଲୁ ଦଶହରା ସମାରୋହରେ ସାମିଲ ହୋଇଛନ୍ତି ।
wp:html/wp:htmlसमय के साथ कुल्लू सहित पूरा हिमाचल प्रदेश बदला है, लेकिन मुझे संतोष है कि यहां के लोगों ने अपनी संस्कृति को और अधिक सशक्त किया है। pic.twitter.com/ZTENGDZGSX
— Narendra Modi (@narendramodi) October 5, 2022
ଏହା ପୂର୍ବରୁ ପ୍ରଧାନମନ୍ତ୍ରୀ ମୋଦୀ ଏମ୍ସ ଏବଂ ହାଇଡ୍ରୋ ଇଞ୍ଜିନିୟରିଂ କଲେଜର ଉଦଘାଟନ କରିବା ପରେ ଲୁହନୁ ମୈଦାନରେ ଏକ ଜନସଭାକୁ ସମ୍ୱୋଧିତ କରିଥିଲେ। ପିଏମ କହିଥିଲେ, ହିମାଚଳ ପ୍ରଦେଶ ସାରା ଦେଶରେ ସୁରକ୍ଷା ବୀରଙ୍କୁ ନେଇ ପରିଚିତ । ଏବେ ଏମ୍ସ ବିଲାସପୁର ଜୀବନ ରକ୍ଷାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ । ପୂର୍ବ ସରକାର ଗୁଡିକ ଯୋଜନାର ଶିଳାନ୍ୟାସ କରୁଥିଲେ ଏବଂ ନିର୍ବାଚନ ପରେ ତାକୁ ସମ୍ପୂର୍ଣ୍ଣ କରିବାକୁ ଭୁଲି ଯାଉଥିଲେ । କିନ୍ତୁ ବର୍ତ୍ତମାନର ସରକାର ଶିଳାନ୍ୟାସ କରିବା ସହ ପ୍ରକଳ୍ପ ଗୁଡିକ ଉଦଘାଟନ ମଧ୍ୟ କରୁଛି । ଏହାସହ ବହୁ ବର୍ଷ ପରେ ପୁଣି ଥରେ କୁଲ୍ଲୁ ଦଶହରାରେ ସାମିଲ ହେବାର ସୌଭାଗ୍ୟ ମିଳିବ ବୋଲି କହିଥିଲେ ।
ହିମାଚଳ ପ୍ରଦେଶର ବିକାଶ କଥା ଉଲ୍ଲେଖ କରି, କେନ୍ଦ୍ର ଏବଂ ରାଜ୍ୟରେ ବିଜେପି ସରକାର ଥିବାରୁ ଏହା ସମ୍ଭବ ହୋଇପାରିଛି ବୋଲି ପିଏମ ମୋଦୀ କହିଛନ୍ତି । ଏହାସହ ହିମାଚଳ ପ୍ରଦେଶର ଅନେକ ସୁଯୋଗ ରହିଛି, ଏଠାରେ ବିଜୁଳି ଉତ୍ପାଦନ ହୁଏ, ଫଳ-ପନିପରିବା ପାଇଁ ଉର୍ବର ଜମି ରହିଛି । ରୋଜଗାର ପାଇଁ ଅନନ୍ତ ସୁଯୋଗ ସୃଷ୍ଟି କରୁଥିବା ପର୍ଯ୍ୟଟନ କ୍ଷେତ୍ର ରହିଛି ବୋଲି ପ୍ରଧାନମନ୍ତ୍ରୀ ନିଜ ଅଭିଭାଷଣରେ କହିଥିଲେ ।