ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ପୂର୍ବତନ ଉପରାଷ୍ଟ୍ରପତି ଭେଙ୍କେୟା ନାଇଡୁଙ୍କ ବିଦାୟୀ ସମାରୋହ ପରେ ଗୁରୁବାର ତିନି ପୃଷ୍ଠାର ଏକ ପତ୍ର ଲେଖିଛନ୍ତି। ଏଥିରେ ସେ ଆଚାର୍ଯ ଭିନୋବା ଭାବେଙ୍କ ସହ ଭେଙ୍କେୟା ନାଇଡୁଙ୍କୁ ତୁଳନା କରିଛନ୍ତି। ଏହାସହ ରାଜ୍ୟସଭାର କାର୍ଯ୍ୟରେ ସୁଧାର ଆଣିବା ପାଇଁ ପ୍ରଥମ ଥର ଟାଇମରକୁ ପ୍ରୋତ୍ସାହିତ କରିବା, ପ୍ରଥମ ଥର ଗୃହରେ ପହଞ୍ଚିଥିବା ସାଂସଦଙ୍କୁ ପ୍ରୋତ୍ସାହିତ କରିବା ଏବଂ ତାଙ୍କ କାମ କରିବାର ଉର୍ଜାକୁ ପ୍ରଧାନମନ୍ତ୍ରୀ ମୋଦୀ ପ୍ରଶଂସା କରିଛନ୍ତି।

ଭେଙ୍କେୟା ନାଇଡୁକୁ ଲେଖିଥିବା ଚିଠିରେ ପ୍ରଧାନମନ୍ତ୍ରୀ କହିଛନ୍ତି, କିଛି ଦିନ ତଳେ ମୁଁ ଆପଣଙ୍କ ବିଦାୟୀ ସମୟରେ ରାଜ୍ୟସଭାରେ କଥା ହୋଇଥିଲି। ସେହି ସମୟରେ ମୋ ମନରେ ଅନେକ ସ୍ମୃତି ସତେଜ ହୋଇଥିଲା। ନେଲ୍ଲୋର ଛୋଟ ଗାଁରୁ ଉପରାଷ୍ଟ୍ରପତି ପଦ ଯାଏଁ, ଆପଣଙ୍କ ଯାତ୍ରା ଏକ ଉତ୍କୃଷ୍ଟ ଏବଂ ପ୍ରରଣାଦାୟୀ ଯାତ୍ରା। ଆପଣଙ୍କ ବିଶ୍ୱାସ ଏବଂ ବିଚାରଧାରା ପ୍ରତି ପ୍ରତିବଦ୍ଧତାର କଳ୍ପନା କରାଯାଇ ପାରିବ, ଯାହା ଆପଣଙ୍କୁ ଏକ ଛୋଟିଆ ଦଳରେ ସାମିଲ ହେବା ପାଇଁ ପ୍ରେରିତ କରିଥିଲା ଏବଂ ଯାହାର ଉପସ୍ଥିତି ଆପଣଙ୍କ ରାଜ୍ୟରେ କମ ଥିଲା।

{"id":669484,"sizeSlug":"full","linkDestination":"none"}

ଏହାସହ ପ୍ରଧାନମନ୍ତ୍ରୀ ଲେଖିଛନ୍ତି, ଆଣପଙ୍କ ଯୁବାବସ୍ଥାର ଏକ ଗୁରୁତ୍ୱପୂର୍ଣ୍ଣ ସମୟ ଆମ ଲୋକତନ୍ତ୍ରର ରକ୍ଷା ପାଇଁ କରାଯାଇଥିବା ଆନ୍ଦୋଳନ କିମ୍ୱା ଏକ ବିରୋଧୀ ଦଳର ନେତା ଭାବେ କଟିଛି। ଏହାରି ଭିତରେ ଯେବେ ବି ଆପଣଙ୍କ ସାମନାରେ ଅନେକ ଆହ୍ୱାନ ଆସିଛି ତାହା ଆପଣଙ୍କୁ ଅଧିକ ମଜବୁତ କରାଇଛି।