ଇନ୍ଦୋର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ମଧ୍ୟ ପ୍ରଦେଶର ସାଗର ଜିଲ୍ଲାରେ ଏକ ଜନସଭାକୁ ସମ୍ୱୋଧିତ କରିଛନ୍ତି । ଏଠାରେ ସେ ୧୪ଶହ ଶତାବ୍ଦୀର ରହସ୍ୟବାଦୀ କବି ତଥା ସମାଜ ସଂସ୍କାରକ ସନ୍ଥ ରବିଦାସଙ୍କୁ ସମର୍ପିତ ୧୦୦ କୋଟି ଟଙ୍କାର ମନ୍ଦିରର ଭୂମିପୂଜା କରିଛନ୍ତି । ଏହାସହ ସାଗରରେ ଶହ ଶହ କୋଟି ଟଙ୍କାର ବହୁ ପ୍ରକଳ୍ପର ଶିଳାନ୍ୟାସ ଏବଂ ଲୋକାର୍ପଣ କରିଛନ୍ତି ।

wp:html

PM @narendramodi lays the foundation stone of rail and road sector projects worth more than Rs. 4000 crores in Sagar, Madhya Pradesh

Watch: 👇 pic.twitter.com/R2U7GlUBtp

— PIB India (@PIB_India) August 12, 2023

/wp:html

ମଧ୍ୟ ପ୍ରଦେଶରେ ଚଳିତ ବର୍ଷ ଶେଷ ଆଡ଼କୁ ବିଧାନସଭା ନିର୍ବାଚନ ହେବାର ଅଛି । ଗତ ଏକ ମାସ ମଧ୍ୟରେ ବିଜେପି ଶାସିତ ଏହି ରାଜ୍ୟକୁ ପ୍ରଧାନମନ୍ତ୍ରୀ ମୋଦୀ ଦ୍ୱିତୀୟ ଥର ଗସ୍ତ କରିଛନ୍ତି । ତେବେ ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ଏକ ବିଶାଳ ଜନସଭାକୁ ସମ୍ୱୋଧିତ କରିଛନ୍ତି । ଲୋକଙ୍କୁ ସମ୍ୱୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ ସାଗରର ଏହି ମାଟି, ସନ୍ଥଙ୍କ ସାନିଧ୍ୟ, ସନ୍ଥ ରବିଦାସଙ୍କ ଆଶୀର୍ବାଦ ଏବଂ ପ୍ରତିକୋଣରୁ ଏତେ ବଡ଼ ସଂଖ୍ୟାରେ ଲୋକେ ଆଶୀର୍ବାଦ ଦେବାକୁ ଆସିଛନ୍ତି । ଦେଶର ଏହି ସଂସ୍କୃତିକୁ ଅଧିକ ସମୃଦ୍ଧ କରିବା ପାଇଁ ଆଜି ଏଠାରେ ସନ୍ଥ ରବିଦାସ ସ୍ମାରକ ଏବଂ କଳା ସଂଗ୍ରହାଳୟର ଶିଳାନ୍ୟାସ ହୋଇଛି । ସନ୍ଥଙ୍କ କୃପାରୁ କିଛି ସମୟ ପୂର୍ବରୁ ଏହି ପବିତ୍ର ସ୍ମାରକର ଭୂମିପୂଜା କରିବାର ସୁଯୋଗ ମିଳିଲା ।

ପଢନ୍ତୁ: ଲୋକସଭାରୁ ସସପେଣ୍ଡ ପରେ ଅଧୀର ରଞ୍ଜନଙ୍କ ପାଲଟା ଆକ୍ରମଣ, କହିଲେ ଆବଶ୍ୟକ ପଡ଼ିଲେ…

ପିଏମ୍ ମୋଦୀ କହିଛନ୍ତି, 'ମୁଁ କାଶୀର ସାଂସଦ ଏଥିପାଇଁ ଏହା ମୋର ଖୁସିକୁ ଦ୍ୱିଗୁଣିତ କରିଛି । ପୂଜ୍ୟ ସନ୍ଥ ରବିଦାସ ଜୀଙ୍କ ଆଶୀର୍ବାଦରୁ ମୁଁ ଭରସା ଦେବାକୁ ଚାହୁଁଛି ଯେ ଆଜି ମୁଁ ଶିଳାନ୍ୟାସ କରିଛି ଏବଂ ବର୍ଷେ-ଦେଢ ବର୍ଷ ପରେ ଯେତେବେଳେ ମନ୍ଦିର ନିର୍ମାଣ ହୋଇଯିବ, ସେତେବେଳେ ଲୋକାର୍ପଣ ପାଇଁ ମଧ୍ୟ ଆସିବି । ସନ୍ଥ ରାମଦାସ ମୋତେ ଏଠାକୁ ଆସିବାର ସୁଯୋଗ ଦେବାକୁ ଯାଉଛନ୍ତି । ବନାରସରେ ସନ୍ଥ ରବିଦାସ ଜୀଙ୍କ ଜନ୍ମସ୍ଥଳୀକୁ ଯିବାର ଅନେକ ଥର ସୌଭାଗ୍ୟ ମିଳିଛି ଏବଂ ଆଜି ଆପଣମାନଙ୍କ ଆଶୀର୍ବାଦକୁ ମୁଁ ଏଠାରେ ଅଛି' ।

wp:html

The foundation stone of Saint Ravidas Ji Memorial and Museum is being laid at a time when the nation has completed 75 years of independence, and the next 25 years of the Amrit Kaal lie ahead of us.

It is our responsibility in Amrit Kaal to take forward our legacy and learn from… pic.twitter.com/WAclWwijKR

— PIB India (@PIB_India) August 12, 2023

/wp:html

ପିଏମ୍ ମୋଦୀ କହିଛନ୍ତି, 'ସନ୍ଥ ରବିଦାସ ସ୍ମାରକ ଏବଂ ସଂଗ୍ରହାଳୟର ଭିତ୍ତିପ୍ରସ୍ତର ଏପରି ଏକ ସମୟରେ ହୋଇଛି, ଯେତେବେଳେ ଦେଶ ସ୍ୱାଧୀନତାର ୭୫ ବର୍ଷ ପୂରଣ କରିଛି । ଆସନ୍ତା ୨୫ ବର୍ଷର ଅମୃତକାଳ ଆମ ସାମନାରେ ରହିଛି । ଅମୃତକାଳରେ ଆମ ଦାୟିତ୍ୱ ଯେ ଆମେ ଆମ ଐତିହ୍ୟ ଏବଂ ଆମ ମହାନ ସଂସ୍କୃତିକୁ ଆଗକୁ ବଢାଇବା ଏବଂ ନିଜ ଅତୀତରୁ ଶିକ୍ଷା ଲାଭ କରିବା । ଏକ ରାଷ୍ଟ୍ର ରୂପେ ଆମ ହଜାର ହଜାର ବର୍ଷର ଯାତ୍ରା କରିଛୁ । ଏତେ ଲାମ୍ୱା ସମୟରେ ସମାଜରେ କିଛି ଖରାପ ଆସିବା ସ୍ୱାଭାବିକ । ଏହା ଭାରତୀୟ ସମାଜର ଶକ୍ତି ଯେ, ଏହି ସବୁ କୁପ୍ରଥାକୁ ଦୂର କରିବା ପାଇଁ ସମୟ ସମୟରେ ଅନେକ ମହାପୁରୁଷ, ସନ୍ଥ ଏହି ସମାଜରୁ ବାହାରିଛନ୍ତି '।

Also Read: ସର୍ଜିକାଲ ଷ୍ଟ୍ରାଇକ୍‌ରେ ହିଁ ଦୂର ହେବ ମଣିପୁର ସମସ୍ୟା: ବିଜେପି ସହଯୋଗୀ ଦଳର କେନ୍ଦ୍ରକୁ ଦାବି