ନୂଆଦିଲ୍ଲୀ: ୭୮ ତମ ସ୍ବାଧୀନତା ଦିବସ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲାଲକିଲ୍ଲାରେ ଧ୍ବଜା ଉତ୍ତୋଳନ କରିଛନ୍ତି । ଭାରତର ସମ୍ମାନର ପ୍ରତୀକ ତ୍ରିରଙ୍ଗା ପତାକା ଉତ୍ତୋଳନ ହୋଇଛି । ଶାନ୍ତି, ମୈତ୍ରି ଏବଂ ପ୍ରଗତିର ପ୍ରତୀକ ହେଉଛି ତ୍ରିରଙ୍ଗା । ୧୯୪୭ ମସିହା ଅଗଷ୍ଟ ୧୫ ତାରିଖ ଅର୍ଥାତ୍ ଆଜିର ଦିନରେ ବ୍ରିଟିଶ୍ ସରକାରଙ୍କ କବଳରୁ ଭାରତ ସ୍ବାଧୀନ ହୋଇଥିଲା ।
୧୪୦ କୋଟି ଭାରତୀୟଙ୍କ ପାଇଁ ଗର୍ବ ଓ ଗୌରବର ଦିନ। ଲକ୍ଷ ଲକ୍ଷ ସ୍ବାଧୀନତା ସଂଗ୍ରାମୀଙ୍କ ରକ୍ତ, ମାଂସ ଓ ବଳିଦାନରେ ସ୍ବାଧୀନ ହୋଇଥିଲା ଦେଶ । ସେହି ମୁହୂର୍ତ୍ତକୁ ମନେ ପକାଇ ଆଜି ପାଳନ କରାଯାଉଛି ସ୍ବାଧୀନତା ଦିବସ । ସମସ୍ତଙ୍କ ମନରେ ଉତ୍କଣ୍ଠା, ଉତ୍ସାହ ଆଉ ଆନନ୍ଦ । ଦେଶମାତୃକାର ଜୟଗାନରେ ଉଛୁଳି ପଡ଼ୁଛି ପଲ୍ଲୀଠାରୁ ଦିଲ୍ଲୀ । ସବୁଠି ଫର ଫର ହୋଇ ଉଡ଼ୁଛି ତ୍ରିରଙ୍ଗା । ପ୍ରତ୍ୟେକ ଭାରତୀୟ, ସ୍ବାଧୀନତା ସଂଗ୍ରାମର ଅମଳିନ ସ୍ମୃତିକୁ ସ୍ମରଣ କରିବା ସହ ସହିଦ୍ ଓ ସଂଗ୍ରାମୀମାନଙ୍କୁ ଜଣାଉଛନ୍ତି ଶ୍ରଦ୍ଧା, ଆଉ ସମ୍ମାନ ।
#WATCH | Indian Air Force's Advanced Light Helicopters shower flower petals, as PM Narendra Modi hoists the Tiranga on the ramparts of Red Fort.
— ANI (@ANI) August 15, 2024
(Video: PM Modi/YouTube) pic.twitter.com/466HUVkWlZ
ନରେନ୍ଦ୍ର ମୋଦି ତୃତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ଭାବରେ ଦାୟିତ୍ବ ନେବା ପରେ ୭୮ତମ ସ୍ବାଧୀନତା ଦିବସରେ ଲାଲକିଲ୍ଲାରେ ତ୍ରିରଙ୍ଗା ଉତ୍ତୋଳନ କରିଛନ୍ତି । ପ୍ରଧାନମନ୍ତ୍ରୀ ମୋଦି ତାଙ୍କ କାର୍ଯ୍ୟକାଳରେ ଲଗାତାର ୧୧ଥର ପାଇଁ ଜାତୀୟ ଉତ୍ତୋଳନ କରିଛନ୍ତି । ଏହା ପୂର୍ବରୁ ପ୍ରଧାନମନ୍ତ୍ରୀ ରାଜଘାଟ ଯାଇ ମହାତ୍ମାଗାନ୍ଧିଙ୍କ ସମାଧି ପୀଠରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
ଚଳିତବର୍ଷ ସ୍ୱାଧୀନତା ଦିବସର ଥିମ୍ ରହିଛି ବିକଶିତ ଭାରତ@୨୦୪୭। ଅର୍ଥାତ୍ ଦେଶ ସ୍ୱାଧୀନତାର ଶହେ ବର୍ଷ ପୂର୍ତ୍ତି ଅବସରରେ ଆସନ୍ତା ୨୦୪୭ ସୁଦ୍ଧା ଭାରତକୁ ବିକଶିତ ରାଷ୍ଟ୍ର କରିବା ଲକ୍ଷ୍ୟ ରଖିଛନ୍ତି ସରକାର ।
