ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ପଶ୍ଚିମବଙ୍ଗର ବନଗାଓଁରେ ନିର୍ବାଚନୀ ଜନସଭାକୁ ସମ୍ୱୋଧିତ କରିଛନ୍ତି । ଏହି ଅବସରରେ ସେ କହିଛନ୍ତି ଯେ ଏବେ ସୁଦ୍ଧା ହୋଇଥିବା ମତଦାନରେ ବିଜେପି ପୂର୍ଣ୍ଣ ବହୁମତ ହାସଲ କରିସାରିଛି । ଶାହ କହିଛନ୍ତି, '୪ ପର୍ଯ୍ୟାୟ ମତଦାନ ଶେଷ ହୋଇଛି । ୩୮୦ ଆସନରେ ନିର୍ବାଚନ ଶେଷ ହୋଇଛି । ବେଙ୍ଗଲରେ ୧୮ ଆସନରେ ନିର୍ବାଚନ ଶେଷ ହୋଇଛି । ଆଜି ମୁଁ କହିବାକୁ ଚାହୁଁଛି ଯେ ୩୮୦ରୁ ପିଏମ୍ ମୋଦୀ ୨୭୦ ଆସନ ସହ ପୂର୍ଣ୍ଣ ବହୁମତ ହାସଲ କରିଛନ୍ତି ।'
ନିର୍ବାଚନୀ ରାଲିରେ ଅମିତ୍ ଶାହ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମସି ମୁଖ୍ୟ ମମତା ବାନାର୍ଜୀଙ୍କୁ ଟାର୍ଗେଟ୍ କରିଛନ୍ତି । ସେ କହିଛନ୍ତି ଯେ ମମତା ଦିଦି ମିଛ କହୁଛନ୍ତି ଯେ ସିଏଏ ଅଧିନରେ ନାଗରିକତା ପାଇଁ ଯିଏ ବି ଆବେଦନ କରିବେ ସେ ଅସୁବିଧାର ସାମନା କରିବେ । ଶାହ କହିଛନ୍ତି, 'ମାତୁଆ ସମାଜର ଲୋକଙ୍କୁ ମୁଁ ଆଶ୍ୱସ୍ତ କରିବାକୁ ଚାହୁଁଛି ଯେ କାହାକୁ ବି କିଛି ଅସୁବିଧା ହେବ ନାହିଁ । ନାଗରିକତା ମିଳିବା ଏବଂ ଦେଶରେ ସମ୍ମାନ ସହ ବଞ୍ଚି ପାରିବେ । ଦୁନିଆର କୌଣସି ଶକ୍ତି ଶରଣାର୍ଥୀ ଭାଇମାନଙ୍କୁ ଭାରତର ନାଗରିକ ହେବାଠାରୁ ରୋକି ପାରିବ ନାହିଁ, ଏହା ନରେନ୍ଦ୍ର ମୋଦୀଙ୍କ ପ୍ରତିଶ୍ରୁତି ।'