ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ତାମିଲନାଡ଼ୁର ଡିଏମକେ ସରକାର ବିରୋଧରେ ଇସ୍ରୋ ବୈଜ୍ଞାନିକଙ୍କୁ ଅପମାନିତ କରିବା ଅଭିଯୋଗ ଆଣିଛନ୍ତି । ଡିଏମକେ ସରକାର ଉପରେ ଏକ ଖବରକାଗଜ ବିଜ୍ଞାପନରେ କଥିତ ରୂପେ ଚୀନର ରକେଟକୁ ସ୍ଥାନ ଦିଆଯିବାକୁ ନେଇ ଟାର୍ଗେଟ୍ କରିଛନ୍ତି ।

ପ୍ରଧାନମନ୍ତ୍ରୀ କହିଛନ୍ତି, 'ଡିଏମକେ ଏପରି ଏକ ଦଳ ଯିଏ କୌଣସି କାମ କରୁ ନାହିଁ କିନ୍ତୁ ମିଛ ଶ୍ରେୟ ନେବା ପାଇଁ ସବୁବେଳେ ଆଗରେ ରହୁଛି । କିଏ ଜାଣିନି ଯେ ସେମାନେ ଆମ ଯୋଜନା ଉପରେ ନିଜର ପୋଷ୍ଟର ମାରୁଛନ୍ତି । ଏବେ ସେମାନେ ସବୁ ସୀମା ପାର କରିଛନ୍ତି । ମୋତେ ଅନ୍ନାମଲାଇ ଏବେ ଜଣାଇଲେ ଯେ ସେମାନେ ଇସ୍ରୋର ଲଞ୍ଚ ପ୍ୟାଡର ଶ୍ରେୟ ନେବା ପାଇଁ ଚୀନ ପତାକା ଥିବା ଷ୍ଟିକର ଲଗାଇ ବିଜ୍ଞାପନ ଦେଇଛନ୍ତି । ଏହି ପାର୍ଟି ଆମ ଯୋଜନା ଉପରେ ନିଜ ଷ୍ଟିକର ମାରି ଜନତାଙ୍କ ମଧ୍ୟରେ ନିଜର ମିଛ ପ୍ରଚାର କରିବା କାମ କରୁଛି । ଏମାନେ ଭାରତର ବୈଜ୍ଞାନିକଙ୍କ ଅପମାନ କରିଛନ୍ତି ।'  

wp:html

#WATCH | Tamil Nadu: In Tirunelveli, PM Modi says "DMK is such a party which doesn't do any work but goes ahead to take false credit. Who doesn't know that these people put their stickers on our schemes? Now they have crossed the limit, they have pasted stickers of China to take… pic.twitter.com/5Z9f2INeoO

— ANI (@ANI) February 28, 2024

/wp:html

ପ୍ରଧାନମନ୍ତ୍ରୀ ଏହା ବି କହିଛନ୍ତି, 'ଡିଏମକେ ଭାରତର ପ୍ରଗତିକୁ ସ୍ୱୀକାର କରିବା ପାଇଁ ପ୍ରସ୍ତୁତ ନାହିଁ । ସେମାନେ ଭାରତର ମହାକାଶ ସଫଳତାକୁ ଦୁନିଆ ସାମନାରେ ରଖିବାକୁ ଚାହୁଁନାହାନ୍ତି । ସେମାନେ ଆମ ବୈଜ୍ଞାନିକ, ଆମ ସ୍ପେସ୍ ସେକ୍ଟର ଏବଂ ଆପଣଙ୍କ ଟିକସ ଟଙ୍କାର ଅପମାନ କରିଛନ୍ତି । ଏବେ ସମୟ ଆସିଛି, ଡିଏମକେକୁ ତାର କର୍ମର ଦଣ୍ଡ ଦେବା ।'

ଅନ୍ୟପଟେ ଡିଏମକେ ସାଂସଦ କନିମୋଝୀ ପାଲଟା ଆକ୍ରମଣ କରି କହିଛନ୍ତି ଯେ ମୁଁ ଜାଣିନି କିଏ ଏହି କଳାକୃତି କରିଛି । ସେ ଏହି ଫଟୋ କେଉଁଠୁ ପାଇଲେ । ଚୀନକୁ ଶତ୍ରୁ ରାଷ୍ଟ୍ର ବୋଲି ଭାରତ ଘୋଷଣା କରିଛି ବୋଲି ମୁଁ ଜାଣିନି ।

Also Read: ବିଜେପି ଜାରି କରିବ ପ୍ରଧାନମନ୍ତ୍ରୀ ମୋଦି, ଅମିତ ଶାହଙ୍କ ସମେତ ୧୦୦ ପ୍ରାର୍ଥୀଙ୍କ ସୂଚୀ, ଜାଣନ୍ତୁ କେବେ?