ନୂଆଦିଲ୍ଲୀ: ତୁର୍କୀ ରାଷ୍ଟ୍ରପତି ଭାବେ ପୁଣି ଥରେ ନିର୍ବାଚିତ ହୋଇଛନ୍ତି ତାୟେପ ଏର୍ଦୋଗାନ । ସୋମବାର ପ୍ରଧାନମନ୍ତ୍ରୀ ମୋଦୀ ପୁଣି ଥରେ ନିର୍ବାଚିତ ହୋଇଥିବାରୁ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଏହାସହ ବୈଶ୍ୱିକ ପ୍ରସଙ୍ଗରେ ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ଅଧିକ ବଢିବା ନେଇ ପିଏମ୍ ମୋଦୀ ଆଶା ପ୍ରକଟ କରିଛନ୍ତି ।

ପ୍ରଧାନମନ୍ତ୍ରୀ ମୋଦୀ ଟ୍ୱିଟ୍ କରି କହିଛନ୍ତି, ‘ତୁର୍କୀଏ ରାଷ୍ଟ୍ରପତି ଭାବେ ପୁଣି ଥରେ ନିର୍ବାଚିତ ହୋଇଥିବାରୁ ଶୁଭେଚ୍ଛା । ମୁଁ ଆଶାବାଦୀ ଯେ ଆଗାମୀ ସମୟରେ ବିଶ୍ୱ ପ୍ରସଙ୍ଗ ଉପରେ ଆମର ଦ୍ୱିପାକ୍ଷିକ ସମ୍ପର୍କ ଏବଂ ସହଯୋଗ ବଢି ଚାଲିଥିବ’।

Congratulations @RTErdogan on re-election as the President of Türkiye! I am confident that our bilateral ties and cooperation on global issues will continue to grow in the coming times.

— Narendra Modi (@narendramodi) May 29, 2023

ତୁର୍କୀଏ ରାଷ୍ଟ୍ରପତି ତାୟେପ ଏର୍ଦୋଗାନ ପୁଣି ଥରେ ଦେଶରେ ରାଷ୍ଟ୍ରପତି ନିର୍ବାଚନ ଜିତି ନିଜ ପଦ ସମ୍ଭାଳିଛନ୍ତି । ରବିବାର ଭୋଟ ଗଣିତ ହୋଇଥିଲା, ଏହାପରେ ଏର୍ଦୋଗାନ ବିରୋଧୀ ନେତା କେମଲ କିଲିଦରୋଗ୍ଲୁଙ୍କୁ ପରାଜିତ କରିଥିଲେ । ସୁପ୍ରିମ ଇଲେକ୍ସନ କାଉନସିଲ ଦ୍ୱାରା ଘୋଷିତ ପ୍ରାରମ୍ଭିକ ପରିଣାମରେ ଏର୍ଦୋଗାନଙ୍କୁ ୫୨.୧୪ ପ୍ରତିଶତ ଭୋଟ ସହ ବିଜୟୀ ହେଉଥିବା ଦର୍ଶାଯାଇଥିଲା । ଅନ୍ୟପଟେ ବିରୋଧୀ କିଲିଦରୋଗ୍ଲୁଙ୍କୁ ୪୭.୮୬ ପ୍ରତିଶତ ଭୋଟ ମିଳିଛି । ପରିଣାମ ଘୋଷଣା ପରେ ତୁର୍କୀଏର ପତାକା ଉଡାଇ ନିଜ ସମର୍ଥକ ଏବଂ ରାଷ୍ଟ୍ରକୁ ଏର୍ଦୋଗାନ ଧନ୍ୟବାଦ ଜଣାଇଛନ୍ତି ।

READ