ବେଙ୍ଗାଲୁରୁ: ଭାରତର ସବୁଠାରୁ ବଡ଼ ଏରୋସ୍ପେଶ୍ ଓ ପ୍ରତିରକ୍ଷା ପ୍ରଦର୍ଶନୀ ଶୋ ଏରୋ ଇଣ୍ଡିଆର ୧୪ ତମ ସଂସ୍କରଣର ଉଦ୍ଘାଟନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଏହି କାର୍ଯ୍ୟକ୍ରମକୁ ଉଦ୍ଘାଟନ କରି ପ୍ରଧାନମନ୍ତ୍ରୀ କହିଛନ୍ତି ଯେ ଅମୃତକାଳରେ ଭାରତ ଏକ ଫାଇଟର ପାୟଲଟ ଭଳି ଆଗକୁ ବଢୁଛି। ଯାହାକୁ ଶିଖର ଛୁଇଁବାର କୌଣସି ଭୟ ନାହିଁ। ଆଜିର ଭାରତ ଦ୍ରୁତ ଓ ବହୁଦୂର ପର୍ଯ୍ୟନ୍ତ ଚିନ୍ତା କରି ତୁରନ୍ତ ନିଷ୍ପତ୍ତି ନେଉଛି।
ମୋଦୀ ଆହୁରି କହିଛନ୍ତି ଯେ ଗତ ୮-୯ ବର୍ଷ ଭିତରେ ଭାରତ ନିଜ ପ୍ରତିରକ୍ଷା ବିଭାଗର କାୟକଳ୍ପ ପରିବର୍ତ୍ତନ କରିଦେଇଛି। ତେବେ ଏହା କେବଳ ଆରମ୍ଭ। ୨୦୨୪-୨୫ ବେଳକୁ ପ୍ରତିରକ୍ଷା ରପ୍ତାନୀକୁ ୫ ବିଲିୟନ ଡଲାର ପର୍ଯ୍ୟନ୍ତ କରିବାକୁ ଆମର ଟାର୍ଗେଟ୍ ରହିଛି ବୋଲି ମୋଦୀ କହିଛନ୍ତି। ପ୍ରତିରକ୍ଷା ଉତ୍ପାଦନ କ୍ଷେତ୍ରରେ ଭାରତ ଅନ୍ୟ ବିକାଶଶୀଳ ଦେଶ ସହ ତାଳ ଦେଇ ଚାଲିବାକୁ ଦ୍ରୁତ ଗତିରେ ପାଦ ବଢାଉଛି ବୋଲି ମୋଦୀ କହିଛନ୍ତି।
ତେବେ ଏହି ଶୋରେ ଦେଶ ବିଦେଶର କମ୍ପାନୀ ଭାଗ ନେଉଛନ୍ତି। ଏହା କେବଳ ଏକ ଶୋ ହୋଇ ରହିନାହିଁ। ଭାରତର ସାମର୍ଥ୍ୟର ପ୍ରଦର୍ଶନ ବୋଲି ମୋଦୀ କହିଛନ୍ତି। ଏଥିରେ ଭାରତର ଏମ୍ଏସ୍ଏମ୍ଇର ଭୂମିକା ବି ଗୁରୁତ୍ୱପୂର୍ଣ୍ଣ ରହିଛି।
ପ୍ରତିରକ୍ଷା ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ, ୟାଲହଙ୍କା ଏୟାର ଫୋର୍ସ ଷ୍ଟେସନ୍ରେ ହେଉଥିବା ଏୟାର୍ଶୋ କାର୍ଯ୍ୟକ୍ରମରେ ୮୦୯ ପ୍ରତିଯୋଗୀ ଓ ୧୧୦ ବିଦେଶୀ ପ୍ରତିଯୋଗୀ ଭାଗ ନେବେ। ଏହି ମଞ୍ଚକୁ ମେକ୍ ଇନ୍ ଇଣ୍ଡିଆ ଫର୍ ୱାର୍ଲ୍ଡ ଭାବରେ ପ୍ରସ୍ତୁତ କରାଯାଉଛି ବୋଲି ଅଧିକାରୀ କହିଛନ୍ତି।
wp:html/wp:html#WATCH | Air show displayed at the 14th edition of #AeroIndia2023 at Air Force Station, Yelahanka in Bengaluru, Karnataka.
— ANI (@ANI) February 13, 2023
Prime Minister Narendra Modi present at the event.
(Source: DD) pic.twitter.com/DX5u0TYu7r
ଏରୋସ୍ପେସ୍ ଓ ପ୍ରତିରକ୍ଷା ପ୍ରଦର୍ଶନୀର ଏହି କାର୍ଯ୍ୟକ୍ରମ ୫ ଦିନ ଧରି ଚାଲିବ। ଏଥିରେ ଯୁଦ୍ଧବିମାନ ଓ ହେଲିକପ୍ଟରଗୁଡ଼ିକ ଆକାଶରେ ନିଜର କଳାବାଜୀ ଦେଖାଇବେ। ଏରୋସ୍ପେସ୍ ଓ ପ୍ରତିରକ୍ଷା କ୍ଷେତ୍ରରେ କମ୍ପାନୀଗୁଡ଼ିକ ଏଥିରେ ଭାଗ ନେବେ।
