ନୂଆଦିଲ୍ଲୀ: ବାରାଣସୀରୁ ସାଂସଦ ହେବା ପରେ ୪୪ତମ କାଶୀ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କଂଗ୍ରେସକୁ ଟାର୍ଗେଟ୍ କରିଛନ୍ତି । କାଶୀର ମାଟିରୁ ଜନତାକୁ ସମ୍ୱୋଧିତ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ କିଛି ଲୋକ ମୋଦୀକୁ ଗାଳି କରି କରି ଗୋଟିଏ ଦଶନ୍ଧି ବିତିଗଲା । ରାହୁଲ ଗାନ୍ଧୀଙ୍କ ନାଁ ନେଇ ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଯାହାଙ୍କ ନିଜ ହୋସର ଠିକଣା ନାହିଁ, ସେ ୟୁପି ଏବଂ କାଶୀର ପିଲାଙ୍କୁ ନିଶାଡ଼ି କହୁଛନ୍ତି । ସେ ଜାଣି ନାହାନ୍ତି ଯେ ଉତ୍ତର ପ୍ରଦେଶର ଯୁବ ପିଢି ନିଶାଡ଼ି ନୁହନ୍ତି ସେମାନେ ବିକଶିତ ୟୁପି ଗଠନରେ ଲାଗିଛନ୍ତି । ଅଖିଲେଶ ଯାଦବକୁ ଇଙ୍ଗିତ କରି ପିଏମ୍ ମୋଦୀ କହିଛନ୍ତି, ଇଣ୍ଡି ମେଣ୍ଟ ଦ୍ୱାରା ୟୁପିର ଯୁବପିଢିର କାମ କେହି ଭୁଲି ପାରିବେ ନାହିଁ । ପରିବାରବାଦ ଯୁବକ ସବୁବେଳେ ପରିବାରବାଦୀ ଯୁବ ଶକ୍ତିକୁ ଡରିଥାଏ । ସାଧାରଣ ଯୁବକକୁ ସୁଯୋଗ ମିଳିବା ପରେ ସେ ସବୁ ସ୍ଥାନରେ କଡ଼ା ଚ୍ୟାଲେଞ୍ଜ ଦେବେ । କିନ୍ତୁ ଏମାନଙ୍କୁ ସେହି ଲୋକ ସପନ୍ଦ ଆସନ୍ତି ଯେଉଁମାନେ ଦିନ ରାତି ଜୟ-ଜୟ କରନ୍ତି । ସେମାନଙ୍କ ରାଗ ଯୋଗୁଁ କାଶୀର ନୂଆ ସ୍ୱରୁପ ପସନ୍ଦ ଆସୁ ନାହିଁ ।

wp:html

#WATCH | Varanasi | PM Modi attacks Congress MP Rahul Gandhi, says,"Congress' Yuvraj says that youth of Kashi & UP are 'nashedi'. What kind of language is this?. Now they are taking out their frustration on the youth of Uttar Pradesh. The youth of UP are busy in building a… pic.twitter.com/KsCGQe3J0C

— ANI (@ANI) February 23, 2024

/wp:html

ପ୍ରଧାନମନ୍ତ୍ରୀ କହିଛନ୍ତି ଯେ ଏହି ଲୋକମାନେ ଅଯୋଧ୍ୟାର ଶ୍ରୀରାମ ମନ୍ଦିରକୁ ନେଇ ଅନେକ କଥା କହୁଛନ୍ତି । ମୁଁ ଜାଣିନଥିଲି ଯେ ପ୍ରଭୁ ଶ୍ରୀରାମଙ୍କୁ କଂଗ୍ରେସ ଏତେ ଘ୍ରୁଣା କରୁଛି । ଏହାସହ କଂଗ୍ରେସ ସହ ପୁଣି ଥରେ ସମାଜବାଦୀ ପାର୍ଟିର ମେଣ୍ଟକୁ ନେଇ ପ୍ରଧାନମନ୍ତ୍ରୀ ମୋଦୀ କଟାକ୍ଷ କରିଛନ୍ତି । ସେ କହିଛନ୍ତି, ଏମାନେ ସବୁ ନିର୍ବାଚନରେ ମିଶିମିଶି କାମ କରନ୍ତି, ରେଜଲ୍ଟ ପରେ ପରସ୍ପରକୁ ଗାଳି ଦେଇ ଅଲଗା ହୁଅନ୍ତି । ପିଏମ୍ କହିଛନ୍ତି ଯେ ପୁରା ଉତ୍ତର ପ୍ରଦେଶ ଜାଣିଛି, ମାଲ୍ ସେଇ ପୁରୁଣା ପ୍ୟାକିଂ ନୂଆ । ଏଥର ଏମାନଙ୍କୁ ଅମାନତ ରକ୍ଷା କରିବା ମଧ୍ୟ କଷ୍ଟକର ହେବ । ଅବକି ବାର୍ ମୋଦୀ କି ଗ୍ୟାରେଣ୍ଟି ହେ । ପିଏମ୍ କହିଛନ୍ତି ମୋଦୀର ଗ୍ୟାରେଣ୍ଟି ମାନେ ପ୍ରତି ଲାଭାର୍ଥୀଙ୍କୁ ଶତ ପ୍ରତିଶତ ଲାଭ ।

ଦୁଗ୍ଧ ଡାଏରୀ ଉଦଘାଟନ ପରେ କାଶୀବାସୀଙ୍କୁ ସମ୍ୱୋଧନ କରି ପ୍ରଧାନମନ୍ତ୍ରୀ କହିଛନ୍ତି, '୧୦ ବର୍ଷ ପୂର୍ବେ ବନାରସ୍ ମୋତ ସାଂସଦ କରି ପଠାଇଲା ଏବଂ ଏବେ ୧୦ ବର୍ଷ ପରେ ବନାରସର ଲୋକମାନେ ମୋତେ ବନାରସୀ କରି ଦେଇଛନ୍ତି । କାଶୀ ଏବଂ ପୂର୍ବାଞ୍ଚଳରେ କିଛି ବି କାମ ହେଲେ ମୋତେ ଆନନ୍ଦ ମିଳେ'। ବନାସ ଡାଏରୀକୁ ନେଇ ପ୍ରଧାନମନ୍ତ୍ରୀ ମୋଦୀ କହିଛନ୍ତି, 'ମୁଁ ୧୦ ପୂର୍ବେ ବନାସ ଡାଏରୀର ଶିଳାନ୍ୟାସ କରିଥିଲେ, ଆଜି ଉଦଘାଟନ ହୋଇଛି । ମୋଦୀର ଗ୍ୟାରେଣ୍ଟି ଆପଣମାନଙ୍କ ସାମନାରେ ଅଛି । ମୋଦୀର ଗ୍ୟାରେଣ୍ଟି ମାନେ ଗ୍ୟାରେଣ୍ଟି ପୂରଣ ହେବାର ଗ୍ୟାରେଣ୍ଟି'।

Also Read: ସନ୍ଦେଶଖାଲି ପୀଡ଼ିତାଙ୍କୁ ଭେଟିବା ପାଇଁ ପଶ୍ଚିମବଙ୍ଗ ଯିବେ ପ୍ରଧାନମନ୍ତ୍ରୀ ମୋଦୀ ! ବ୍ୟାକ୍‌ଫୁଟ୍‌ରେ ମମତା ବାନାର୍ଜୀ