oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁମ୍ଵାଇ : ଠକେଇର ଶିକାର ହେଲେ ଅନ୍ନୁ କପୁର, KYC ଅପଡେଟ୍ ବାହାନାରେ ଲୁଟି ନେଲେ ୪.୩୬ ଲକ୍ଷ ଟଙ୍କା
  • ||
  • ଲମତାପୁଟ : ରାଜ୍ୟ ବାହାରକୁ ହେଉଥିଲା ଚାଲାଣ, ଚେକିଂ ବେଳେ କାର୍‌ରୁ ବାହାରିଲା ୧୦ଲକ୍ଷ ଟଙ୍କାର ଗଞ୍ଜେଇ
  • ||
  • ଭୁବନେଶ୍ୱର : ରାଜଧାନୀର ବିଭିନ୍ନ ବାର୍‌ରେ ରେଡ୍‌, କଟକଣା ପରେ ବି ମାନୁନଥିଲେ ମାଲିକ
  • ||
  • ଇଣ୍ଡୋନେସିଆ : ରକ୍ତ ରଞ୍ଜିତ ହେଲା ଖେଳ ପଡ଼ିଆ; ଫୁଟବଲ ମ୍ୟାଚ୍ ଚାଲିଥିବା ବେଳେ ଦଙ୍ଗା, ୧୨୭ ମୃତ, ଏକାଧିକ ଆହତ
  • ||

ଛିଡୁନି ପିଏମ୍ କିଶାନ-କାଳିଆ ଅଡ଼ୁଆ

6/12/2019 at 10:57 PM

ଭୁବନେଶ୍ୱର ୦୬।୧୨ – ଛିଡୁନି ପିଏମ୍ କିଶାନ-କାଳିଆ ଅଡ଼ୁଆ । ଉଭୟ ଯୋଜନାର ମିଶ୍ରଣ ହେବ ଏବଂ କାଳିଆ ହିତାଧିକାରୀ ପୂର୍ବଭଳି ସୁବିଧା ପାଇବେ ବୋଲି ରାଜ୍ୟ କୃଷି ମନ୍ତ୍ରୀ କହିବାର ଦିନକ ପରେ, ଏହା କିପରି ସମ୍ଭବ ବୋଲି ଆଜି ସାମ୍ବାଦିକ ସମ୍ମିଳନୀରେ ପ୍ରଶ୍ନ କରିଛି ରାଜ୍ୟ ବିଜେପି । ଖାଲି କାଳିଆ ନୁହେଁ, ମହିଳା ହିଂସା, ପ୍ରଧାନମନ୍ତ୍ରୀ ଆବାସ ଯୋଜନା,  ଫୋନି ବାତ୍ୟା ପ୍ରଭାବିତଙ୍କୁ  ସହାୟତା,  ମେକ୍ ଇନ୍ ଓଡ଼ିଶା କନକ୍ଲେଭର ବିଫଳତା, କେନ୍ଦ୍ରୀୟ ଅର୍ଥ ଖର୍ଚ୍ଚ କରିନପାରିବା ପ୍ରସଙ୍ଗ ନେଇ ମଧ୍ୟ ରାଜ୍ୟ ସରକାରଙ୍କୁ ପ୍ରଶ୍ନ କରିଛି ବିଜେପି ।

ରାଜ୍ୟ ସରକାରଙ୍କ ‘କାଳିଆ’ ଏବଂ କେନ୍ଦ୍ର ସରକାରଙ୍କ ପିଏମ୍‌ କିଷାନ ଯୋଜନାର ମିଶ୍ରଣ ହେବ ବୋଲି ଗତକାଲି  ଗଣମାଧ୍ୟମକୁ କହିଥିଲେ ରାଜ୍ୟ କୃଷି ମନ୍ତ୍ରୀ ଅରୁଣ ସାହୁ । କିନ୍ତୁ ଉଭୟ ଯୋଜନାର ମିଶ୍ରଣ  ଅସମ୍ଭବ ବୋଲି ଆଜି ସାମ୍ବାଦିକ ସମ୍ମିଳନୀରେ ପ୍ରତିକ୍ରିୟା ପ୍ରକାଶ କରି କହିଛି ରାଜ୍ୟ ବିଜେପି ।

ଉଭୟ ଯୋଜନାର ଗାଇଡ଼ଲାଇନ ଅଲଗା ଅଲଗା । ଗୋଟିଏ କେନ୍ଦ୍ର ସରକାରଙ୍କ ଯୋଜନା ଏବଂ ଅନ୍ୟଟି ଓଡ଼ିଶା ସରକାରଙ୍କର । ବଜେଟରେ ଅର୍ଥ ବ୍ୟବସ୍ଥା ନକରି ବିଜେଡି ସରକାର ଭୋଟ ପାଇଁ ଲୋକଙ୍କୁ କାଳିଆ ଯୋଜନା ନାଁରେ  ବିଭ୍ରାନ୍ତ କରିଛନ୍ତି ବୋଲି ବିଜେପି ଆକ୍ଷେପ କରିଛି ।

ତେବେ, ବିଜେପିର ଏଭଳି ଅଭିଯୋଗ ଠିକ ନୁହେଁ ବୋଲି କହିଛି ବିଜେଡି । ପିଏମ୍‌ କିଷାନରେ ଭୂମୀହୀନଙ୍କ ପାଇଁ କୌଣସି ସହାୟତାର ବ୍ୟବସ୍ଥା ନାହିଁ । ମାତ୍ର, କାଳିଆରେ  ଚିହ୍ନଟ୍‌ ୧୪ ଲକ୍ଷ ୭୦ ହଜାର ଭୂମିହୀନଙ୍କୁ ବାର୍ଷିକ ୧୨ ହଜାର ୫ ଶହ ଟଙ୍କା ପୂର୍ବଭଳି  ମିଳିବ ବୋଲି ଶାସକ ଦଳ କହିଛି । ଉଭୟ ଯୋଜନାର ମିଶ୍ରଣ ସତ୍ବେ, କାଳିଆ ଯୋଜନା ଚାଲୁ ରହିବ ବୋଲି ରାଜ୍ୟ କୃଷି ମନ୍ତ୍ରୀ ସ୍ପଷ୍ଟ କରିସାରିଥିବାବେଳେ, ଏବେ ସନ୍ଦେହ କେଉଁଠି ରହିଲା ବୋଲି ବରିଷ୍ଠ ବିଜେଡି ବିଧାୟକ ଦେବୀପ୍ରସାଦ ମିଶ୍ର ପାଲଟା ଜବାବ ରଖିଛନ୍ତି ।    

ସାମ୍ବାଦିକ ସମ୍ମିଳନୀରେ କାଳିଆ ବ୍ୟତୀତ, ଅନ୍ୟ ୫ଟି ପ୍ରସଙ୍ଗରେ ମଧ୍ୟ ରାଜ୍ୟ ସରକାରଙ୍କୁ ଘେରିଛି ବିଜେପି ।

   Related Posts