scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

୧୨ କୋଟି ଚାଷୀଙ୍କ ପାଇଁ ଖୁସି ଖବର: ଏହି ଦିନ ମିଳିବ ପିଏମ୍ କିଷାନ ସମ୍ମାନ ନିଧିର ୧୪ତମ କିସ୍ତି

4/07/2023 at 6:58 PM

ନୂଆଦିଲ୍ଲୀ: ପ୍ରଧାନମନ୍ତ୍ରୀ କୃଷକ ସମ୍ମାନ ନିଧି ଯୋଜନା ଅଧିନରେ ୧୪ତମ କିସ୍ତି ଅପେକ୍ଷାରେ ଥିବା ଲାଭାର୍ଥୀଙ୍କ ପାଇଁ ଖୁସି ଖବର । ବିଭିନ୍ନ ମିଡିଆ ରିପୋର୍ଟ ଅନୁସାରେ, ଚଳିତ ମାସ ୧୫ ତାରିଖ ସୁଦ୍ଧା ଚାଷୀଙ୍କ ଖାତାକୁ ୨୦୦୦ ଟଙ୍କା ଲେଖାଏ ଆସିବ । ତେବେ ସରକାରଙ୍କ ପକ୍ଷରୁ ଏନେଇ କୌଣସି ଆନୁଷ୍ଠାନିକ ଘୋଷଣା ହୋଇ ନାହିଁ । ଏହି ଯୋଜନା ଅଧିନରେ ଚାଷୀଙ୍କୁ ବାର୍ଷିକ ୬ ହଜାର ଟଙ୍କା ସରକାରଙ୍କ ତରଫରୁ ଦିଆଯାଇଥାଏ । ଏହି ରାଶି ବର୍ଷକୁ ୨ ହଜାର ଟଙ୍କା ଲେଖାଏ ରୂପେ ତିନି ଥର ଦିଆଯାଉଛି । ସରକାର ଏହି ରାଶିକୁ ସିଧା ଚାଷୀଙ୍କ ବ୍ୟାଙ୍କ ଆକାଉଣ୍ଟକୁ ଟ୍ରାନ୍ସଫର କରନ୍ତି ।

ଉଲ୍ଲେଖଯୋଗ୍ୟ ଯେ ପିଏମ୍ କିଷାନ ସମ୍ମାନ ନିଧିର ୧୩ତମ କିସ୍ତି ଫେବ୍ରୁଆରୀ ୨୭ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଜାରି କରାଯାଇଥିଲା । ଏହା ଅଧିନରେ ୮ କୋଟିରୁ ଅଧିକ ଲାଭାର୍ଥୀଙ୍କୁ ୧୬,୮୦୦ କୋଟି ଟଙ୍କା ପ୍ରଦାନ କରାଯାଇଥିଲା । ଅନ୍ୟପଟେ ଏହି ଯୋଜନା ଅଧିନରେ ୧୧ତମ ଏବଂ ୧୨ତମ କିସ୍ତି ଗତ ବର୍ଷ ମଇ ଏବଂ ଅକ୍ଟୋବରରେ ପ୍ରଦାନ କରାଯାଇଥିଲା ।

ପଢନ୍ତୁ: ସ୍ୱାଭାବିକ ସ୍ଥିତିକୁ ଫେରିବ ମୌସୁମୀ, ୬ରୁ କିଛି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା !

ଯଦି ଆପଣ ପିଏମ କିଷାନର ଲାଭାର୍ଥୀ ତେବେ ବିନା କୌଣସି ଅସୁବିଧାରେ ୧୪ତମ କିସ୍ତି ପାଇଁ କିଛି ଜରୁରୀ କାମ କରି ନିଅନ୍ତୁ । ଉଦାହରଣ ପାଇଁ ବ୍ୟାଙ୍କ ଆକାଉଣ୍ଟ ସହ ଆଧାର କାର୍ଡ ଲିଙ୍କ ରଖନ୍ତୁ । ପଞ୍ଜିକୃତ ଚାଷୀଙ୍କ ପାଇଁ ଇ-କେୱାଇସି ବାଧ୍ୟତାମୂଳକ ଅଟେ । ଓଟିପି ଆଧାରିତ ଇ-କେୱାଇସି ପିଏମ-କିଷାନ ପୋର୍ଟାଲରେ ଉପଲବ୍ଧ ରହିଛି । ଯେକୌଣସି ସହଯୋଗ ପାଇଁ ପିଏମ କିଷାନ ହେଲ୍ପଲାଇନ ନମ୍ୱର ୧୫୫୨୬୧/୦୧୧-୨୪୩୦୦୬୦୬ ସହ ଯୋଗାଯୋଗ କରିପାରିବେ ।

   Related Posts