ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ମାର୍ଚ୍ଚ ପ୍ରଥମ ସପ୍ତାହରୁ ଯୁକ୍ତ ଦୁଇ ପରୀକ୍ଷା, ନଭେମ୍ବର ୧ତାରିଖରୁ ଫର୍ମ ପୂରଣ

25/10/2019 at 5:00 PM

ଭୁବନେଶ୍ବର ୨୫|୧୦:  ଆସନ୍ତା ମାର୍ଚ୍ଚ ପ୍ରଥମ ସପ୍ତାହରୁ ଯୁକ୍ତ ଦୁଇ ଦ୍ବିତୀୟ ବର୍ଷ ଅର୍ଥାତ୍‌ ହାୟର ସେକେଣ୍ଡାରୀ ସ୍କୁଲର ଦ୍ବାଦଶ ଶ୍ରେଣୀ ଛାତ୍ରଛାତ୍ରୀଙ୍କ ବାର୍ଷିକ ପରୀକ୍ଷା ଆରମ୍ଭ ହେବ । ପରୀକ୍ଷା ପାଇଁ ନଭେମ୍ବର ୧ ତାରିଖରୁ ରେଗୁଲାର ଛାତ୍ରଛାତ୍ରୀଙ୍କ ଫର୍ମ ପୂରଣ ହେବ । ଏନେଇ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଗାଇଡ୍‌ଲାଇନ୍‌ ଜାରି କରାଯାଇଛି ।

ଆସନ୍ତା ୧ରୁ ୯ତାରିଖ ପର୍ଯ୍ୟନ୍ତ ଛାତ୍ରଛାତ୍ରୀମାନେ ବିନା ଜରିମନାରେ ଫର୍ମ ପୂରଣ କରିବେ । ୨ ତାରିଖରୁ ୧୧ ତାରିଖ ଯାଏ ଫି’ ଦାଖଲ କରିବେ । ସେହିପରି ୧୧ ତାରିଖରୁ ୧୬ ତାରିଖ ଯାଏଁ ଫର୍ମ ପୂରଣ କଲେ ୫୦ ଟଙ୍କା ଜରିମନା ଦେବାକୁ ପଡିବ । ଛାତ୍ରଛାତ୍ରୀମାନେ ୧୩ରୁ ୧୮ ତାରିଖ ଭିତରେ ଏହାର ଫି’ ଦାଖଲ କରିବେ । ଏହାପରେ ବିଳମ୍ବରେ ଅର୍ଥାତ୍‌ ୧୮ରୁ ୨୦ ତାରିଖ ଭିତରେ ଫର୍ମପୂରଣ କଲେ, ଛାତ୍ରଛାତ୍ରୀମାନେ ୩୫୦ ଟଙ୍କା ଜରିମନା ଦେବେ । ଏହାର ଫି’ ୧୯ରୁ ୨୧ ତାରିଖ ଭିତରେ ଦାଖଲ କରିବେ ।

ସମସ୍ତ ଛାତ୍ରଛାତ୍ରୀମାନେ ୨୨ ତାରିଖରୁ ଡିସେମ୍ବର ୨ ତାରିଖ ଯାଏ ଇ-ରିସିପ୍ଟକୁ ଦାଖଲ କରିବେ । ଏହି ତାରିଖ ପରେ କୌଣସି ଛାତ୍ରଛାତ୍ରୀମାନେ ଫର୍ମ ପୂରଣ କରିପାରିବେ ନାହିଁ । ତେବେ ଫର୍ମ ପୂରଣ ଫି’ ୫୨୦ ଟଙ୍କା ରଖାଯାଇଥିବାବେଳେ ପ୍ରାକ୍ଟିକାଲ୍‌ ପରୀକ୍ଷା ପାଇଁ ଫି’ ୪୦ ଟଙ୍କା ରହିଛି । ପରୀକ୍ଷା କେନ୍ଦ୍ର ବଦଳିଲେ ଛାତ୍ରଛାତ୍ରୀଙ୍କୁ ଅଧିକ ୫ଶହ ଟଙ୍କା ଦେବାକୁ ପଡିବ ।

ଆଡମିଟ୍‌ କାର୍ଡ ସାମ୍ସ ଓଡ଼ିଶା ୱେବସାଇଟ୍‌ରେ ଉପଲବ୍ଧ ହେବ । ପ୍ରତି କଲେଜର ଅଧ୍ୟକ୍ଷ ୱେବସାଇଟ୍‌ରୁ ନିଜ ପିଲାଙ୍କ ଆଡମିଟ୍‌ କାର୍ଡ ଡାଉନ୍‌ଲୋଡ୍‌ କରିବେ । ଏହା ପରେ କାର୍ଡରେ ଦସ୍ତଖତ କରି ପିଲାଙ୍କୁ ଦେବେ ।

   Related Posts