previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିହାରରେ ବିଜେପିଠୁ ଅଲଗା ହେବ ଜେଡିୟୁ ! ଗୋଟିଏ-ଦୁଇ ଦିନରେ ହୋଇପାରେ ଘୋଷଣା
  • ||
  • ଝାରସୁଗୁଡା ଉପକାରାଗାରରେ ଅଘଟଣ, ଗଳାକାଟି କଏଦୀଙ୍କ ଆତ୍ମହତ୍ୟା ଉଦ୍ୟମ
  • ||
  • ଜଙ୍ଗଲର ରାଜାକୁ ପାଳିବା ପାଇଁ ଟଙ୍କା ନାହିଁ : ଚିଡିଆଖାନାର ସିଂହକୁ ବିକ୍ରି କରିଦେବ ପାକିସ୍ତାନ
  • ||

ଭାରତୀୟ ଟିମ୍‌ର ପ୍ଲେଇଙ୍ଗ ଇଲେଭେନ୍ ଘୋଷଣା : ଋଷଭ ଆଉଟ୍, ଋଦ୍ଧିମାନ ଇନ୍

1/10/2019 at 2:54 PM

ନୂଆଦିଲ୍ଲୀ ୧|୧୦: ବିଶାଖାପାଟଣାରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯିବାକୁ ଥିବା ଟେଷ୍ଟ ସିରିଜ୍ ର ପ୍ରଥମ ମ୍ୟାଚ୍ ପାଇଁ ଭାରତୀୟ ଦଳର ପ୍ଲେଇଙ୍ଗି ଇଲେଭେନ୍ ଘୋଷଣା କରାଯାଇଛି । ଦଳରେ ଋଷଭ ପନ୍ତଙ୍କୁ ବାଦ୍ ଦେଇ ତାଙ୍କ ସ୍ଥାନରେ ଋଦ୍ଧିମାନ ସାହାଙ୍କୁ ସୁଯୋଗ ଦିଆଯାଇଛି । ସେହିଭଳି ରୋହିତ ଶର୍ମା ଏବଂ ଆର ଅଶ୍ବିନୀଙ୍କୁ ଦଳରେ ସାମିଲ କରାଯାଇଛି । ମ୍ୟାଚ୍ ପୂର୍ବରୁ ଅଧିନାୟକ ବିରାଟ କୋହଲି ପ୍ଲେଇଙ୍ଗ୍ ଇଲେଭେନ୍ ଘୋଷଣା କରିବା ସମୟରେ କହିଛନ୍ତି ଯେ, ରିଦ୍ଧିମାନ ସାହା ହେଉଛନ୍ତି ବିଶ୍ବର ବେଷ୍ଟ ଓ୍ବିକେଟ୍ କିପର ।

ଋଦ୍ଧିମାନ ସାହା ଭାରତୀୟ ଦଳ ପାଇଁ ଗତ ବର୍ଷ ଜାନୁଆରୀ ମାସରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳିଥିଲେ । ତାପରଠୁ କାନ୍ଧରେ ଆଘାତ ଲାଗିବା ଯୋଗୁଁ ତାଙ୍କୁ ଖେଳିବାର ସୁଯୋଗ ମିଳିନଥିଲା । ପରେ ସେ ଆଇପିଏଲରେ ଖେଳିଥିଲେ । ମାତ୍ର ଟୁର୍ଣ୍ଣାମେଣ୍ଟ ଚାଲିଥିବା ସମୟରେ ହିଁ ସେ ପୁଣି ଥରେ ଆଘାତପ୍ରାପ୍ତ ହୋଇଥିଲେ ।

ସେହିଭଳି ସ୍ପିନର ଆର ଅଶ୍ବିନୀଙ୍କୁ ମଧ୍ୟ ପ୍ଲେଇଙ୍ଗ ଇଲେଭେନ୍ ରେ ସାମିଲ କରାଯାଇଛି । କୁଲଦୀପ୍ ଯାଦବଙ୍କୁ ଦଳରୁ ବାଦ୍ ଦିଆଯାଇଛି । ଦ୍ରୁତ ବୋଲର ଇଶାନ୍ତ ଶର୍ମା ଏବଂ ମହମ୍ମଦ ସାମିଙ୍କୁ ଦଳରେ ସାମିଲ୍ କରାଯାଇଛି । ଉମେଶ ଯାଦବଙ୍କୁ ଦଳରୁ ବାଦ୍ ଦିଆଯାଇଛି ।

ଭାରତୀୟ ଦଳର ପ୍ଲେଇଙ୍ଗ ଇଲେଭେନରେ ଅଛନ୍ତି ବିରାଟ କୋହଲି (ଅଧିନାୟକ), ଅଜିଙ୍କ୍ୟ ରାହାଣେ, ମୟଙ୍କ ଅଗ୍ରୱାଲ, ଚେତେଶ୍ବର ପୂଜାରା, ହନୁମା ବିହାରୀ, ରବିଚନ୍ଦ୍ରନ୍ ଅଶ୍ବିନ, ରବୀନ୍ଦ୍ର ଜାଡେଜା, ଋଦ୍ଧିମାନ ସାହା, ଈଶାନ୍ତ ଶର୍ମା, ମହମ୍ମଦ ସାମି ।

   Related Posts