scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

୨୭୬ ଯାତ୍ରୀଙ୍କୁ ଧରି ମୁମ୍ବାଇରେ ପହଞ୍ଚିଲା ବିମାନ; ମାନବ ଚାଲାଣ ସନ୍ଦେହରେ ଫ୍ରାନ୍ସରେ ଅଟକ ଥିଲା ଫ୍ଲାଇଟ୍

26/12/2023 at 10:19 AM

ମୁମ୍ବାଇ: ମାନବ ଚାଲାଣ ଅଭିଯୋଗରେ ଫ୍ୟାରିସରେ ଅଟକ ଥିବା ବିମାନ ଭାରତରେ ପହଞ୍ଚିଲା। ପ୍ରାୟ ୨୭୬ଜଣ ଯାତ୍ରୀଙ୍କୁ ଧରି ଚାର୍ଟର ଫ୍ଲାଇଟ୍ ସୁରକ୍ଷିତ ଭାବେ ମୁମ୍ବାଇ ବିମାନ ବନ୍ଦରରେ ଅବତରଣ କରିଛି । ଦୁବାଇରୁ ନିକାରାଗୁଆ ଯାଉଥିବା ବିମାନ ୪ଦିନ ହେଲା ଫ୍ରାନ୍ସରେ ଫସିରହିଥିଲା । ଫ୍ରାନ୍ସର ସ୍ଥାନୀୟ ସମୟ ଦ୍ବିପ୍ରହର ପ୍ରାୟ ୨.୩୦ ମିନିଟ୍‌ରେ ଏହି ବିମାନ ପ୍ୟାରିସ୍‌ର ବିଟ୍ରି ବିମାନବନ୍ଦରରୁ ଉଡ଼ାଣ ଭିରିଥିଲା ଏବଂ ମଙ୍ଗଳବାର ଭୋର ୪ଟାରେ ମୁମ୍ବାଇ ଇଣ୍ଟରନ୍ୟାସନାଲ ଏୟାରପୋର୍ଟରେ ଅବତରଣ କରିଛି ।  

ଜଣେ ଫ୍ରାନ୍ସ ଅଧିକାରୀଙ୍କ ସୂଚନା ଅନୁଯାୟୀ, ମୁମ୍ବାଇକୁ ଉଡ଼ାଣ ଭରିବା ସମୟରେ ବିମାନରେ ୨୭୬ଜଣ ଭାରତୀୟ ଯାତ୍ରୀ ଥିଲେ । ଅନ୍ୟପଟେ ୨ଜଣ ନାବାଳିକା ସହିତ ୨୫ଜଣ ଯାତ୍ରୀ ଫ୍ରାନ୍ସରେ ଶରଣ ନେବାକୁ ଆବେଦନ କରିଥିଲେ । ତେଣୁ ସେମାନଙ୍କୁ ଫ୍ରାନ୍ସରେ ଛାଡ଼ି ଦିଆଯାଇଛି । ଫ୍ରାନ୍ସ ଗଣମାଧ୍ୟମ ମୁତାବକ, ଦୁବାଇରୁ ନିକାରାଗୁଆ ଯାଉଥିବା ବିମାନ ଫ୍ରାନ୍ସର  ବିଟ୍ରି ଏୟାରପୋର୍ଟରେ ତେଲ ଭରିବାକୁ ଅବତରଣ କରିଥିଲା । ଏହି ସମୟରେ ବିମାନକୁ ମାନବ ଚାଲାଣ ସନ୍ଦେହରେ ଅଟକ ରଖାଯାଉଥିଲା । ପ୍ୟାରିସ୍ ପୋଲିସ୍ ସମସ୍ତ ୩୦୩ ଯାତ୍ରୀଙ୍କୁ ହେପାଜତକୁ ନେଇଥିଲା । ପରେ ସେମାନଙ୍କ ମଧ୍ୟରୁ ୨ଜଣଙ୍କ ବିରୋଧ ବିଚାର ବିଭାଗୀୟ ତଦନ୍ତ ଚାଲିଥିଲା । ପରେ ସେମାନଙ୍କୁ ଛାଡ଼ି ଦିଆଯାଇଥିଲା ।

ଯାତ୍ରୀମାନେ ମାନବ ଚାଲାଣର ଶିକାର ହେବାର ଆଶଙ୍କା ଥିବାରୁ ବିମାନକୁ ଗୁରୁବାର (ଡିସେମ୍ବର ୨୧)ରେ ଅଟକା ଯାଇଥିଲା । ଅଭିଯୁକ୍ତମାନେ କହିଛନ୍ତି ଯେ ଜାତୀୟ ସଂଗଠିତ ଅପରାଧ ୟୁନିଟ୍ ଜୁନାଲକୋକୁ ଏହି ତଦନ୍ତ ଦାୟିତ୍ୱ ଦିଆଯାଇଥିଲା । ମାର୍ନେର ପୂର୍ବୋତ୍ତର ବିଭାଗର ପ୍ରଦେଶ କହିଛି ଯେ ରୋମାନିଆ କମ୍ପାନୀର ଲିଜେଣ୍ଡ ଏୟାରଲାଇନ୍ସ ଦ୍ୱାରା ପରିଚାଳିତ A340 ବିମାନ ଅବତରଣ କରିବା ପରେ ବାଟ୍ରି ବିମାନବନ୍ଦରରେ ଅଟକି ରହିଥିଲା। ବିମାନଟି ଇନ୍ଧନ ଭରିବା ସମୟରେ ଅଟକାଯାଇଥିଲା । ଏଥିରେ ୩୦୩ ଜଣ ଭାରତୀୟ ନାଗରିକ ଥିବା ଜଣାପଡ଼ିଥିଲା ।

ବିଟ୍ରିରେ ଫସିଥିବା ବିମାନ ମୁମ୍ବାଇ ପାଇଁ ଉଡ଼ାଣ ଭରିବା ପରେ ଫ୍ରାନ୍ସରେ ଥିବା ଭାରତୀୟ ଦୂତାବାସ ଫ୍ରାନ୍ସ ସରକାରଙ୍କ ଧନ୍ୟବାଦ ଜଣାଇଛି ।

   Related Posts