AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡାରେ କ୍ରାଇମବ୍ରାଞ୍ଚ ତନାଘନା, ଗୁଳିମାଡ଼ ସ୍ଥାନରେ ମେଟାଲ ଡିଟେକ୍ଟର ଯାଞ୍ଚ
  • ||
  • କଟକ: ସବ ରେଜିଷ୍ଟ୍ରାର ଅଫିସରେ ଅଗ୍ନିକାଣ୍ଡ, ରେକର୍ଡ ରୁମ୍‌ରେ ଲାଗିଲା ନିଆଁ
  • ||
  • ଭୁବନେଶ୍ୱର: ଜେଲ୍‌ରେ ପରୀକ୍ଷା ଦେବେ ଅର୍ଚ୍ଚନା, ଅନୁମତି ଦେଇଥିଲେ କୋର୍ଟ
  • ||

ଚୀନ ସେନାରୁ କମିବେ ୩ ଲକ୍ଷ ସୈନିକ !  ଜାଣନ୍ତୁ ରାଷ୍ଟ୍ରପତି ଜିନପିଙ୍ଗଙ୍କ ଯୋଜନା

16/01/2023 at 6:37 PM

ନୂଆଦିଲ୍ଲୀ: ରାଷ୍ଟ୍ରପତି ସି ଜିନପିଙ୍ଗ ଚୀନର ପିପୁଲ୍ସ ଲିବେରେସନ ଆର୍ମିକୁ ଆଧୁନିକ କରାଇବାରେ ଲାଗିଛନ୍ତି । ଏହା ଅଧିନରେ ଚୀନ ସେନାରେ କ୍ୱାଣ୍ଟିଟି ନୁହେଁ ବରଂ କ୍ୱାଲିଟି ଉପରେ ଜୋର ଦେଉଛନ୍ତି । ଉଲ୍ଲେଖଯୋଗ୍ୟ ଯେ କିଛି ବର୍ଷ ପୂର୍ବେ ଚୀନ ସେନାରେ ପ୍ରାୟ ୪୬ ଲକ୍ଷ ସୈନିକ ଥିଲେ, ଯାହା ଏବେ ହ୍ରାସ ହୋଇ ୨୦ ଲକ୍ଷର ସେନା ହୋଇଛି । ନିକଟରେ ଚୀନ ନିଜ ସେନାରେ ୩ ଲକ୍ଷ ସୈନିକ କମ କରିଥିଲା । ୟୁକେର ଇଣ୍ଟରନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଷ୍ଟ୍ରାଟେଜିକର ଅଧ୍ୟୟନ ଅନୁସାରେ, ଚୀନ ସେନାରେ ୯ ଲକ୍ଷ ୬୫ ହଜାର ସ୍ଥଳ ସୈନିକ ରହିଛନ୍ତି । ନୌସେନା ସୈନିକଙ୍କ ସଂଖ୍ୟା ଦୁଇ ଲକ୍ଷ ୬୦ ହଜାର ରହିଛି ଏବଂ ଚୀନର ଏୟାରଫୋର୍ସରେ ୩ ଲକ୍ଷ ୯୫ ହଜାର ସୈନିକ ଅଛନ୍ତି । ଏହାଛଡା ଚୀନର ସେନାର ରକେର୍ଟ ଫୋର୍ସରେ ଏକ ଲକ୍ଷ ୨୦ ହଜାର ଏହଂ ଷ୍ଟ୍ରାଟେଜିକ୍ ସପୋର୍ଟ ଫୋର୍ସରେ ଏକ ଲକ୍ଷ ୪୫ ହଜାର ସୈନିକ ଅଛନ୍ତି । ଦେଢ ଲକ୍ଷରୁ ଅଧିକ ଅନ୍ୟ ସୈନିକ ମଧ୍ୟ ସାମିଲ ଅଛନ୍ତି ।

ରିପୋର୍ଟ ଅନୁସାରେ, ଏହି ଦଶନ୍ଧିରେ ଶେଷ କିମ୍ୱା ୨୦୩୦ ମସିହା ଆରମ୍ଭରେ ଚୀନ ନିଜ ସେନାକୁ ଆହୁରି ହ୍ରାସ କରିପାରେ । ଅନେକ ସମୟରେ ଦାବି କରାଯାଉଛି ଯେ ଚୀନ ସୈନିକ ପ୍ରତିଦ୍ୱନ୍ଦିତା, ବୈଷୟିକ ଦକ୍ଷତାରେ ଦୁର୍ବଳ ଏବଂ ସଚ୍ଚୋଟ ନୁହନ୍ତି । ଏହି କାରଣରୁ ଚୀନ ସରକାର କ୍ୱାଣ୍ଟିଟିରୁ କ୍ୱାଲିଟି ଆଡକୁ ବଢିବାକୁ ଉଦ୍ୟମ କରୁଛନ୍ତି । ଏହା ଜରିଆରେ ଚୀନ ସୈନିକଙ୍କ ଶିକ୍ଷାର ମାନକୁ ଉନ୍ନତ କରାଯାଇପାରେ । ଏହାସହ ଚୀନ ସରକାର ନିଜ ସୈନିକଙ୍କ ଦରମାରେ ବୃଦ୍ଧି କରୁଛନ୍ତି ।

ଚୀନ ସେନାରେ ସାମିଲ ସୈନିକଙ୍କ ସମସ୍ୟା ବି କମ ନୁହେଁ । ଉଲ୍ଲେଖଯୋଗ୍ୟ ଯେ ବିବାହ ପାଇଁ ସେମାନଙ୍କୁ ଝିଅ ମିଳନ୍ତି ନାହିଁ । ଏହାସହ କମ ଛୁଟି ଏବଂ ପରିବାରଠାରୁ ଦୂରରେ ରହିବା ପିଏଲଏ ସୈନିକଙ୍କ ଅସନ୍ତୁଷ୍ଟିର ଏକ କାରଣ । ୟୁଏସଏର ନ୍ୟାସନାଲ ଡିଫେନ୍ସ ୟୁନିଭରସିଟିର ଏକ ରିପୋର୍ଟ ଅନୁସାରେ, ରାଷ୍ଟ୍ରପତି ସି ଜିନପିଙ୍ଗ ଚୀନ ସେନାରେ ଏକ ସଂଗଠନାତ୍ମକ ପରିବର୍ତ୍ତନ କରୁଛନ୍ତି । ରିପୋର୍ଟ ଅନୁସାରେ, ଚୀନ ସେନାର ସବୁ ଅଧିକାରୀ ଚୀନର କମ୍ୟୁନିଷ୍ଟ ପାର୍ଟିର ସଦସ୍ୟ ଅଟନ୍ତି । ଚୀନ ସେନାର ଶୀର୍ଷ ୨୫ ଅଧିକାରୀ କମ୍ୟୁନିଷ୍ଟ ପାର୍ଟିର କେନ୍ଦ୍ରୀୟ କମିଟିର ସଦସ୍ୟ ଅଛନ୍ତି । ସେନାର ବଡ଼ ପଦରେ ନିଯୁକ୍ତିରେ ମଧ୍ୟ ଜିନପିଙ୍ଗଙ୍କ ହସ୍ତକ୍ଷେପ ରହିଥାଏ ।

   Related Posts