ଅଭିନେତା ପିଣ୍ଟୁ ନନ୍ଦଙ୍କ ସ୍ୱାସ୍ଥ୍ୟବସ୍ଥା ସଙ୍କଟାପନ୍ନ, ଲିଭର୍ ସିରୋସିସ୍‌ ରୋଗରେ ପୀଡିତ

Published By : Prameya-News7 Bureau | February 01, 2023 IST

ଭୁବନେଶ୍ୱର ୦୧।୦୨ : ଅଭିନେତା ପିଣ୍ଟୁ ନନ୍ଦ ଅସୁସ୍ଥ । ଭୁବନେଶ୍ୱର ସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସିତ ହୋଇଛନ୍ତି । ଏବେ ତାଙ୍କ ଅବସ୍ଥା ସଙ୍କଟାପନ୍ନ ରହିଛି । ଉନ୍ନତମାନର ଚିକିତ୍ସା ଲାଗି ଦିଲ୍ଲୀ ସ୍ଥିତ ଏକ ମେଡିକାଲକୁ ସ୍ଥାନାନ୍ତରିତ କରାଯାଇପାରେ ।

wp:html /wp:html

ଖବର ଅନୁଯାୟୀ, ଓଲିଉଡ୍‌ର ବରିଷ୍ଠ ଅଭିନେତା ପିଣ୍ଟୁ ନନ୍ଦ ବୁଧବାର ଦିନ ଭୁବନେଶ୍ୱର ସ୍ଥିତ ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଲିଭର ସିରୋସିସ୍‌ ରୋଗରେ ପୀଡିତ ଥିବା ସୂଚନା ମିଳିଛି । ଯାହାଫଳରେ ତାଙ୍କ ଅବସ୍ଥା ଏବେ ସଙ୍କଟାପନ୍ନ ଅଛି । ଉଚ୍ଚତର ଚିକିତ୍ସା  ପାଇଁ ଦିଲ୍ଲୀ ନେଇଯିବାକୁ ପରାମର୍ଶ । ଚିକିତ୍ସା ପାଇଁ ୫୦ ଲକ୍ଷ ଟଙ୍କାର ଆବଶ୍ୟକ ରହିଛି । ଏନେଇ ସୋସିଆଲ୍‌ ମିଡିଆରେ ତାଙ୍କର ଆଶୁ ଆରୋଗ୍ୟ ସହ ସହାୟତାର ହାତ ବଢାଇବା ପାଇଁ ନିବେଦନ କରିଛନ୍ତି ପରିବାର ଓ ଶୁଭେଚ୍ଛୁ । ଦିଲ୍ଲୀ ଯିବା ପରେ ତାଙ୍କର ଲିଭର ପ୍ରତିରୋପଣ ହେବ ।

ସୂଚନାଯୋଗ୍ୟ ଯେ, , ପିଣ୍ଟୁ ନନ୍ଦ ଓଲିଉଡରେ ୨୦ରୁ ଅଧିକ ଫିଲ୍ମରେ ଅଭିନୟ କରିଛନ୍ତି । ତାଙ୍କ ଅଭିନୀତ ରାଣ୍ଡି ପୁଅ ଅନନ୍ତା ଦର୍ଶକଙ୍କ ମନକୁ ବେଶ୍‌ ଛୁଇଁଥିଲା । ଘରେ ଘରେ ବି ତାଙ୍କୁ ଅନନ୍ତା ନାଁରେ ପରିଚିତି କରିଥିଲା । ଅଭିନେତା ପିଣ୍ଟୁ ନନ୍ଦ ଭିନ୍ନ ଭିନ୍ନ ଚରିତ୍ରରେ ଅଭିନୟ କରିଥିବା ଦେଖିବାକୁ ପାଇଛନ୍ତି ଦର୍ଶକ । କେତେବେଳ ଖଳନାୟକ ତ ପୁଣି କେତେବେଳେ ଭାଇ ତ କେତେବେଳେ ପୁଅ ସବୁ ଭୂମିକାରେ ଦର୍ଶକଙ୍କ ମନ କିଣିଛନ୍ତି ପିଣ୍ଟୁ ନନ୍ଦ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.