ଚାନ୍ଦିପୁର ୧୯।୧୨: ପ୍ରତିରକ୍ଷାଗବେଷଣା ଓ ବିକାଶସଙ୍ଗଠନ (ଡିଆରଡିଓ) ଦ୍ୱାରା ବିକଶିତ 'ପିନାକ' ମଲ୍ଟି ବାରଲ ରକେଟର ପରୀକ୍ଷଣ ଗୁରୁବାର ସଫଳହୋଇଛି । ବାଲେଶ୍ୱର ଚାନ୍ଦିପୁରସ୍ଥିତ ପ୍ରତିରକ୍ଷା ବିଭାଗ ପୃଫ ଏଣ୍ତ ଏକ୍ସପେରିମେଣ୍ଟାଲ ଏଷ୍ଟାବ୍ଲିସମେଣ୍ଟ ଫାୟାରିଂ ଟେଷ୍ଟରେଞ୍ଜରୁ ପୂର୍ବାହ୍ନ ୧୧ଟା ୫୬ମିନିଟ୍ରେ କ୍ଷପଣାସ୍ତ୍ର ପିନାକର ପରୀକ୍ଷା ହୋଇଥିଲା। ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ଏହି କ୍ଷେପଣାସ୍ତ୍ରରେ ୧୨ରୁ ଅଧିକ ରକେଟ ଏକସଙ୍ଗରେ ବ୍ୟବହାର କରାଯାଇପାରିବ ।
{"id":199836,"sizeSlug":"large"}୨୫୦ କେଜି ଓଜନର ଯୁଦ୍ଧାସ୍ତ୍ର ବହନ କରିବାର କ୍ଷମତା ରଖୁଥିବା ଏହି କ୍ଷେପଣାସ୍ତ୍ରର ଲକ୍ଷ୍ୟଭେଦ କ୍ଷମତା ୪୦ରୁ୮୦ କିଲୋମିଟର। ପ୍ରତିରକ୍ଷା ବିଭାଗର ସ୍ଥଳବାହିନୀରେ ଏହାକୁ ବ୍ୟବହାର କରାଯାଇପାରିବ । ବିଶେଷକରି ପାହାଡିଆ ଅଞ୍ଚଳରେ ଶତୃପକ୍ଷଙ୍କ ଯୁଦ୍ଧାସ୍ତ୍ର ଧ୍ୱସ କରିବାରେ ଏହି କ୍ଷେପଣାସ୍ତ୍ର ସଫଳ ହେବ। ଅତୀତରେ ଏହାକୁ କାର୍ଗିଲ ଯୁଦ୍ଧରେ ବ୍ୟବହାର କରାଯାଇଥିଲା । ସେତେବେଳେ ଶତୃପକ୍ଷଙ୍କ ବିରୋଧରେ ଏହା ସଫଳ ହୋଇଥିଲା। ଚଳିତ ବର୍ଷ ରାଜସ୍ଥାନର ପୋଖରନରେ କ୍ରମାଗତ ଦୁଇଥର କ୍ଷେପଣାସ୍ତ୍ରର ବ୍ୟବହାରିକ ସଫଳ ପରୀକ୍ଷଣ କରାଯାଇଥିଲା