AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡାରେ କ୍ରାଇମବ୍ରାଞ୍ଚ ତନାଘନା, ଗୁଳିମାଡ଼ ସ୍ଥାନରେ ମେଟାଲ ଡିଟେକ୍ଟର ଯାଞ୍ଚ
  • ||
  • କଟକ: ସବ ରେଜିଷ୍ଟ୍ରାର ଅଫିସରେ ଅଗ୍ନିକାଣ୍ଡ, ରେକର୍ଡ ରୁମ୍‌ରେ ଲାଗିଲା ନିଆଁ
  • ||
  • ଭୁବନେଶ୍ୱର: ଜେଲ୍‌ରେ ପରୀକ୍ଷା ଦେବେ ଅର୍ଚ୍ଚନା, ଅନୁମତି ଦେଇଥିଲେ କୋର୍ଟ
  • ||

ଭାରତରେ କୋଭିଡ-୧୯ ଭାକସିନ ବ୍ୟବହାର ପାଇଁ ଅନୁମତି ମାଗିଲା ଫାଇଜର୍, ପୂର୍ବରୁ ବ୍ରିଟେନ୍ ଓ ବାହାରିନ୍ ଦେଇଛନ୍ତି ମଞ୍ଜୁରୀ

6/12/2020 at 9:24 AM

ନୂଆଦିଲ୍ଲୀ,୦୬/୧୨:  ଔଷଧ ପ୍ରସ୍ତୁତ କରୁଥିବା କମ୍ପାନୀ ଫାଇଜର୍ ଭାରତୀୟଙ୍କ ପାଇଁ ବିକଶିତ କରିଥିବା କୋଭିଡ୍-୧୯ ଭାକସିନର ଜରୁରୀକାଳିନ ବ୍ୟବହାର ପାଇଁ ଅନୁମତି ମାଗିଛି । କମ୍ପାନୀ ଭାରତୀୟ ଔଷଧ ମହାନିୟନ୍ତ୍ରକ ବା ଡିସିଜିଆଇଙ୍କୁ ଅନୁମତି ପ୍ରଦାନ ପାଇଁ ଆବେଦନ କରିଛି । ଟିକାକୁ ବ୍ରିଟେନ୍ ଓ ବାହାରିନରେ ଅନୁମତି ମିଳିବା ପରେ କମ୍ପାନୀ ଭାରତ ସରକାରଙ୍କୁ ମଧ୍ୟ ଅନୁମତି ପାଇଁ ଅନୁରୋଧ କରିଛି ।

ସୂତ୍ରାନୁସାରେ, କମ୍ପାନୀ ନିଜ ଆବେଦନରେ କହିଛି ଯେ, ଟିକାକୁ ଜରୁରୀକାଳିନ ପ୍ରୟୋଗ ପାଇଁ ମଞ୍ଜୁରି ଦିଆଯାଉ । ଏହାସହ ଔଷଧ ଓ କ୍ଲିନିକାଲ ପରୀକ୍ଷଣ ନିୟମ-୨୦୧୯ର ସ୍ୱତନ୍ତ୍ର ପ୍ରାବଧାନ ଆଧାରରେ ଭାରତର ଜନସଂଖ୍ୟା ଉପରେ କ୍ଲିନିକାଲ ପରୀକ୍ଷଣରେ ରିହାତି ଦେବାକୁ ମଧ୍ୟ ଅନୁରୋଧ କରାଯାଇଛି ।

ଆଉ ଏକ ସୂତ୍ରାନୁସାରେ, ଫାଇଜର ଇଣ୍ଡିଆ ଭାରତରେ କୋଭିଡ-୧୯ ଭାକସିନ ପ୍ରୟୋଗକୁ ମଞ୍ଜୁରୀ ପ୍ରଦାନ ପାଇଁ ଡିସେମ୍ବରରେ ଡିଜିସିଆଇ ସମ୍ମୁଖରେ ଆବେଦନ କରିଛି । ବ୍ରିଟେନ ବୁଧବାର ଫାଇଜରକୁ ଭାକସିନର ଉପଯୋଗ ପାଇଁ ଅସ୍ଥାୟୀ ମଞ୍ଜୁରୀ ପ୍ରଦାନ କରିଥିଲା । ବ୍ରିଟେନ ପରେ ବାହାରିନ୍ ମଧ୍ୟ ଶୁକ୍ରବାର ଫାଇଜରକୁ ଅନୁମତି ପ୍ରଦାନ କରିଥିଲା । ଏହାପରେ କମ୍ପାନୀ ଓ ଏହାର ସହଯୋଗୀ ବାୟୋଏନଟେକ୍ ଦ୍ୱାରା ବିକଶିତ ଭାକସିନକୁ ଭାରତରେ ପ୍ରୟୋଗ ପାଇଁ ଆବେଦନ କରିଛି । କମ୍ପାନୀ ଆମେରିକାରେ ମଧ୍ୟ ଅନୁମତି ପାଇଁ ଆବେଦନ କରିଛି ।

ସୂଚନାଯୋଗ୍ୟ, ଫାଇଜର ଭାକସିନକୁ -୭୦ ଡିଗ୍ରୀରେ ରଖିବା ଆବଶ୍ୟକ । ଏପରି ସ୍ଥିତିରେ ଭାରତର ପାଣିପାଗ କୌଣସି ଚ୍ୟାଲେଞ୍ଜଠୁ କମ୍ ନୁହେଁ । ଏହାସହ ଭାରତରେ ଫାଇଜରର କ୍ଲିନିକାଲ ଟ୍ରାଏଲ ମଧ୍ୟ ହୋଇନାହିଁ । ତେବେ କେନ୍ଦ୍ର ସରକାର ଅକ୍ସଫୋର୍ଡ-ଅଷ୍ଟ୍ରାଜେନେକା ଟିକା ଉପରେ ନଜର ରଖିଛନ୍ତି । ଯାହା ଭାରତରେ ସେରମ୍ ଇନଷ୍ଟିଚ୍ୟୁଟ୍ ପ୍ରସ୍ତୁତ କରୁଛି । ଆଉ କିଛି ସପ୍ତାହରେ ଏହି ଟିକା ଆସିଯିବ ବୋଲି ଆଶା କରାଯାଉଛି ।

   Related Posts