scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପେଟ୍ରୋଲ ପମ୍ପରେ ପଶିଲା ଦନ୍ତା, ଏନଏଚ-୪୯ରେ ହାତୀ ଆତଙ୍କ

23/11/2021 at 8:09 AM

କରଞ୍ଜିଆ, ୨୩|୧୧  :  ମୟୁରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡରେ କିଛି ମାସ ହେବ ହାତୀ ଉପଦ୍ରବ ଲାଗି ରହିଛି । ସୋମବାର ବିଳମ୍ବିତ ରାତିରେ ୪୯ ନଂ ଜାତୀୟ ରାଜପଥର ସିଙ୍ଗିଡା ନିକଟରେ କିଛି ସମୟ ଧରି ହାତୀ ଆତଙ୍କ ଲାଗି ରହିଥିଲା । ଏପରିକି ସିଙ୍ଗିଡା ପେଟ୍ରୋଲ ପମ୍ପକୁ ଗୋଟିଏ ଦନ୍ତା ହାତୀ ପଶି ଯିବାରୁ ଲୋକେ ଭୟଭୀତ ହୋଇ ଯାଇଥିଲେ । ଯାହା ଫଳରେ ରାଜପଥର ଉଭୟ ପାର୍ଶ୍ୱରେ ଶହ ଶହ ଗାଡି ଅଟକି ଯାଇଥିଲା ।ହାତୀପଲଙ୍କୁ ଦେଖି  ସ୍ଥାନୀୟ ଲୋକମାନେ ମଧ୍ୟ ଆତଙ୍କିତ ଅବସ୍ଥାରେ ଅଛନ୍ତି ।

ସୂଚନାନୁସାରେ, କରଞ୍ଜିଆ ବନଖଣ୍ଡରେ ୨୬ ଟିକିଆ ଝାଡଖଣ୍ଡୀ ହାତୀପଲ ଡେରା ପକାଇଛନ୍ତି। ଦିନ ବେଳା ସେମାନେ ଜଙ୍ଗଲରେ ରହୁଛନ୍ତି ଓ ଠିକ ସନ୍ଧ୍ୟା ସମୟରେ ବାହାରି ଧାନ ଫସଲ ଖାଇବା ସହିତ ବ୍ୟାପକ କ୍ଷୟକ୍ଷତି କରୁଛନ୍ତି । ଯାହାକୁ ନେଇ ଚାଷୀମାନେ ଚିନ୍ତାରେ ପଡିଛନ୍ତି । 

କରଞ୍ଜିଆ ରେଞ୍ଜ ଅଫିସର ଙ୍କ ସୂଚନା ଅନୁଯାୟୀ, ଦୁଧିଆଣି ରେଞ୍ଜ ଅଧୀନ ବାଘଦଫା ନିକଟରେ ଥିବା ଜଙ୍ଗଲରେ ୨୫ଟି ହାତୀ ରହିଛନ୍ତି । ସେହିପରି  ସିଙ୍ଗିଡା ଫରେଷ୍ଟ ଅଧୀନରେ ଗୋଟିଏ ଦନ୍ତା ହାତୀ ଘୁରି ବୁଲୁଛି । କେବଳ ଫସଲ ଛାଡିଦେଲେ ହାତୀପଲ ଆଉ କୌଣସି କ୍ଷୟକ୍ଷତି କରି ନଥିବା ସୂଚନା ଦେଇଛନ୍ତି ରେଞ୍ଜ ଅଫିର । ତେବେ ହାତୀପଲଙ୍କୁ ଘଉଡାଇବା ପାଇଁ ବନବିଭାଗ ସମସ୍ତ ଉଦ୍ୟମ ଜାରି ରଖିଛି  ।

   Related Posts