ଭୁବନେଶ୍ବର ୧୧।୦୮ : ଏୟାରଫିଲ୍ଡ ଥାନା ଅଞ୍ଚଳର ବହୁ ଚର୍ଚ୍ଚିତ ଡବଲ ମର୍ଡର ଘଟଣା । ହତ୍ୟାକାଣ୍ଡର ଦୁଇ ଦିନ ପରେ ପୋଲିସକୁ ମିଳିଲା ସଫଳତା । ଜିଲ୍ଲା ବାହାରୁ ଜଣେ ଅଭିଯୁକ୍ତକୁ ବାନ୍ଧିଲା କମିଶନରେଟ୍ ପୋଲିସର ସ୍ପେଶାଲ ସ୍କ୍ୱାର୍ଡ ।
ଖବର ଅନୁଯାୟୀ, ଗତ ବୁଧବାର କୁହା କଲ୍ୟାଣ ପ୍ଲାଜା ଆନେକ୍ସ ଆଗରେ ରଶ୍ମିରଞ୍ଜନ ସେଠୀ ଓ ସମ୍ବିତ ରାଉତକୁ ଛୁରୀ ଭୁସି ହତ୍ୟା କରିଥିଲେ ଦୁର୍ବୃତ୍ତ । ଏହାପରେ କୌଶଳକ୍ରମେ ଜିଲ୍ଲା ବାହାରକୁ ଖସି ପଳାଇଥିଲେ । ହେଲେ ପୋଲିସ ଅଭିଯୁକ୍ତଙ୍କୁ ଧରିବା ପାଇଁ ଆରମ୍ଭ କରିଥିଲେ ସ୍ପେଶାଲ ଅପରେସନ । ଏହିକ୍ରମରେ ଜଣେ ଅଭିଯୁକ୍ତଙ୍କୁ ବାନ୍ଧିଥିଲା ପୋଲିସ । ଏବେ ଆଉ ଜଣେ ଅଭିଯୁକ୍ତଙ୍କୁ ଜିଲ୍ଲା ବାହାରୁ ଗିରଫ କରିଛି କମିଶନରେଟ୍ ପୋଲିସର ସ୍ପେଶାଲ ସ୍କ୍ୱାର୍ଡ । ଗିରଫ ଅଭିଯୁକ୍ତର ନାଁ ପ୍ରଦୀପ ମଲ୍ଲିକ ବୋଲି ଜଣାପଡିଛି । ପୂର୍ବରୁ ଗିରଫ ହୋଇଥିବା ଅଭିଯୁକ୍ତର ନାଁ ଗଣେଷ ମଲ୍ଲିକ ବୋଲି ସୂଚନା ରହିଛି ।
