ଗୋପାଳପୁର ବନ୍ଦର ନିକଟରେ ଆଇ.ଆର.ଇ. କମ୍ପାନୀ କର୍ତ୍ତୃପକ୍ଷଙ୍କ ବେପରୁଆ ବାଲି ଖୋଳା ଯୋଗୁ ଓଡିଆରପି କଲୋନୀରେ ପାଣି ପଶିଯାଇଛି । ଫଳରେ ଅଞ୍ଚଳବାସୀ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି । ତୁରନ୍ତ କାର୍ଯ୍ୟାନୁଷ୍ଠାନ ଦାବି କରି ଡୁଗୁଲି ଛକଠାରେ ଗୋପାଳପୁର ବନ୍ଦର ଓ ଛତ୍ରପୁର ରାସ୍ତାକୁ ଅବରୋଧ କରିଛନ୍ତି ଅଞ୍ଚଳବାସୀ । ଆଇ.ଆର.ଇ. କମ୍ପାନୀ କର୍ତ୍ତୃପକ୍ଷଙ୍କ ବେପରୁଆ ବାଲିଖୋଳା ଯୋଗୁ ଏପରି ସମସ୍ୟା ହେଉଥିବା ଅଭିଯୋଗ କରିଛନ୍ତି ଅଞ୍ଚଳବାସୀ । ଗୋପାଳପୁର ବନ୍ଦର ନିକଟରେ ଥିବା ସମୁଦ୍ର ବାଲି ଖୋଳାଯିବା ଯୋଗୁଁ ପାଣି ଏବେ କଲୋନୀ ବାସିନ୍ଦାଙ୍କ ଘରେ ପଶିଯାଇଛି। ଘଟଣାସ୍ଥଳରେ ସ୍ଥାନୀୟ ବିଧାୟକ ଡାକ୍ତର ପ୍ରିୟାଂଶୁ ପ୍ରଧାନ ଓ ପୁଲିସ ପହଞ୍ଚି ଘଟଣାର ଲୋକଙ୍କୁ ବୁଝାସୁଝା କରିଛନ୍ତି ।