scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଗୋରା ହେବା ଇଛାରେ ଶ୍ୟାମଳ ହେଉଛନ୍ତି ଲୋକେ : ବିଭିନ୍ନ ପ୍ରକାର କ୍ରିମ ବ୍ୟବହାର କରି ହେଉଛି ଚର୍ମ ରୋଗ, ଜାଣନ୍ତୁ କଣ କରିବେ

22/12/2018 at 1:50 PM

ଭୁବନେଶ୍ୱର ୨୨/୧୨ : ଗୋରା ହେବା ପାଇଁ କିଏବା ନଚାହେଁ | ଅଧିକାଂଶ ଶ୍ୟାମଳ ରଙ୍ଗ ଲୋକେ କୌଣସି ବି ପ୍ରକାରେ ଗୋରା ହେବା ପାଇଁ ଇଛା ପ୍ରକାଶ କରିଥାନ୍ତି | ଏଥିପାଇଁ ପାରୁ ପର୍ଯ୍ୟନ୍ତ ଚେଷ୍ଟା ମଧ୍ୟ କରିଥାନ୍ତି | କିଛି ଲୋକେ ନୂଆ ନୂଆ କ୍ରିମ ବ୍ୟବହାର କରିଥାନ୍ତି | ତ କିଛି ଲୋକେ ଘରୋଇ ଉପାୟରେ ଗୋରା ହେବା ପାଇଁ ଚେଷ୍ଟା କରିଥାନ୍ତି | ତେବେ ଏଭଳି କ୍ଷେତ୍ରରେ ଘରୋଇ ଉପଚାର ବହୁତ ଲାଭପ୍ରଦ ହୋଇଥାଏ | ତେବେ ଗୋରା ହେବା ଇଛା ଆପଣଙ୍କୁ ଅଧିକ କଳା କରିପାରେ | ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନବା ଏମ୍ସର ତ୍ୱଚା ରୋଗ ବିଶେଷଜ୍ଞ ଡାକ୍ତର ବି.କେ.ଶର୍ମା ଏଭଳି ଦାବି କରିଛନ୍ତି | ଆଇଡିବିଏଲ ତରଫରୁ ଦେଶ ବ୍ୟାପି ଆରମ୍ଭ କରାଯାଇଥିବା ଅଭିଯାନରେ ସେ ଏଭଳି ତଥ୍ୟ ଦେଇଥିଲେ |


ଆଇଡିବିଏଲର ସଚେତନତା ରଥ ଦେଶର ୧୮ଟି ରାଜ୍ୟରେ ବୁଲି ବୁଲି ଲୋକଙ୍କୁ ସଚେତନ କରିବ | ଡାକ୍ତର ବି.କେ.ଶର୍ମା କହିଛନ୍ତି ଯେ, ଅଳ୍ପ ଦିନରେ ଗୋରା ହୋଇଯିବ କହି ବଜାରରେ ଯେଉଁ କ୍ରିମ ବିକ୍ରି ହେଉଛି ସେହି କ୍ରିମରେ ଅଧିକ ମାତ୍ରାରେ ଷ୍ଟେରଏଡ଼ ରହୁଛି | ଷ୍ଟେରଏଡ଼ ଏକ ପ୍ରକାର କେମିକାଲ | ଏହି କେମିକାଲ ତ୍ୱଚାର ଉପର ଆସ୍ତରଣକୁ ହଟାଇ ଦେଇଥାଏ | ଯାହାଫଳରେ ତ୍ୱଚା ପତଳା ହୋଇଯାଇଥାଏ | ତ୍ୱଚା ପତଳା ହୋଇଯିବା ଫଳରେ ତ୍ୱଚାର ରୋଗ ପ୍ରତୋରୋଧକ କ୍ଷମତା ହ୍ରାସ ପାଇଥାଏ | ପ୍ରତିଦିନ ଏଭଳି କ୍ରିମ ବ୍ୟବହାର କରିବା ଦ୍ୱାରା ସଂକ୍ରମଣର ଆଶଙ୍କା ବୃଦ୍ଧି ପାଇବା ସହ ଚର୍ମ ରୋଗ ହୋଇଥାଏ |


ତେବେ ଗୋରା ହେବା ପିନ କ୍ରିମ କିଣୁଥିବାବେଳେ କେତୋଟି ଜିନିଷ ଉପରେ ନିଶ୍ଚୟ ଧ୍ୟାନ ଦିଅନ୍ତୁ :
ଡାକ୍ତର ବି.କେ.ଶର୍ମାଙ୍କ କହିବାନୁଯାୟୀ ଗୋରା ହେବା ପାଇଁ ବଜାରରେ ବିଭିନ୍ନ ପ୍ରକାର କ୍ରିମ ଉପଲବ୍ଧ | କେତେକ କ୍ରିମରେ ଷ୍ଟେରଏଡ଼ ମାତ୍ରା ଅଧିକ ଥିବାବେଳେ କେତେକ କ୍ରିମରେ କମ ଥାଏ | ତେବେ କ୍ରିମରେ ଷ୍ଟେରଏଡ଼ର ମାତ୍ରା ଅଧିକ ଥିଲେ ତାହା ତ୍ୱଚା ପାଇଁ ଅତ୍ୟନ୍ତ ହାନିକାରକ | ସେଥିପାଇଁ କ୍ରିମ କିଣିବା ପୂର୍ବରୁ କଣ୍ଟେଣ୍ଟ ନିଶ୍ଚୟ ଦେଖନ୍ତୁ | ଯଦି କ୍ରିମରେ କ୍ଲୋବିଟାସୋନ, ମୋମେଟାସୋନ ଏବଂ ଭିଟାମେଥାସୋନ ନାମକ ଷ୍ଟେରଏଡ଼ ରହିଛି ତାହେଲେ ସେହି କ୍ରିମ ନକିଣିବା ଆପଣଙ୍କ ପାଇଁ ଫଳପ୍ରଦ |


ଏମିତି କିଛି କ୍ରିମ ରହିଛି ଯାହାକୁ ୧୫ ଦିନ ବ୍ୟବହାର କରିବା ପରେ ତ୍ୱଚା ୬ ମାସ ପର୍ଯ୍ୟନ୍ତ ରୋଗ ପ୍ରତିରୋଧକ କ୍ଷମତା ହରେଇ ଦେଇଥାଏ |


ଦିଲ୍ଲୀ ମେଡିକାଲ କାଉନ୍ସିଲ ଅଧ୍ୟକ୍ଷ ଡାକ୍ତର ଅରୁଣ କୁମାର ଗୁପ୍ତା କହିଛନ୍ତି ଯେ, କୀଟନାଶକ ଅତ୍ୟଧିକ ବ୍ୟବହାର ତ୍ୱଚାକୁ ଖରାବ କରିଦେଇଥାଏ | ତାଙ୍କ କହିବାନୁଯାୟୀ, ଦିଲ୍ଲୀ ମିଛ ଡାକ୍ତର ଏବଂ ମିଛ ଔଷଧର ଗଡ ପାଲଟିଗଲାଣି | ତେବେ ଭଲ ଭାବେ ଦେଖି ପରଖି ଔଷଧ କିଣିବାକୁ ସେ ଲୋକଙ୍କୁ ପରାମର୍ଶ ଦେଇଛନ୍ତି |

   Related Posts