scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପିଓକେରେ ପାକ୍ ବିରୋଧୀ ନାରା; ଭେଦଭାବ ବିରୋଧରେ ଲୋକଙ୍କ ପ୍ରଦର୍ଶନ, ଭାରତରେ ସାମିଲ୍ ହେବାକୁ ଦାବି

13/01/2023 at 7:21 PM

ନୂଆଦିଲ୍ଲୀ: ପାକିସ୍ତାନରେ କୁହୁଳୁଛି ଗୃହକଳିର ଧୁଆଁ । ପାକ୍ ସରକାରଙ୍କ ବିରୋଧରେ ସ୍ବର ଉଠାଇଲେଣି ଲୋକେ । ଗିଲଗିଟ୍ ବାଲ୍ଟିସ୍ତାନରେ ଲୋକେ ରାସ୍ତା ଉପରକୁ ଆସି ଧାରଣା ଦେଇଛନ୍ତି । ପାକ୍ ସରକାର ପିଓକେ ବାସୀଙ୍କ ସହିତ ଭେଦଭାବ କରୁଛନ୍ତି। ତେଣୁ ପୁଣି ଥରେ ଭାରତରେ ସାମିଲ ହେବାକୁ ଦାବି କରିଛନ୍ତି ପାକିସ୍ତାନ ଆଧିକୃତ କାଶ୍ମୀରବାସୀ ।

ଗୋଟିଏ ପଟେ ଆର୍ଥିକ ମାନ୍ଦାବସ୍ଥା ଅନ୍ୟପଟେ ମହଙ୍ଗାମାଡ଼ରେ ଜୁଝି ହେଉଛି ପାକିସ୍ତାନ । ଆଉ ଏହାରି ଭିତରେ ଗୃହକଳି ଜୋରଧରିଲାଣି । ପୁଣି ଥରେ ପାକିସ୍ତାନ ବିଭାଜନର ସ୍ବର ଶୁଣିବାକୁ ମିଳୁଛି । ପିଓକେରେ ଭେଦଭାବର ବହ୍ନି ପାକିସ୍ତାନ ପାଇଁ କାଳ ହେଇଛି । ପାକିସ୍ତାନ ଅଧିକୃତରେ କାଶ୍ମୀରରେ ସରକାରଙ୍କ ବିରୋଧରେ ସ୍ବର ଉଠାଇଛନ୍ତି । ପାକ୍ ପ୍ରଶାସନ ଭେଦଭାବ କରୁଥିବା ଅଭିଯୋଗ ହୋଇଛି । ଗିଲଗିଟ୍ ବାଲ୍ଟିସ୍ତାନରେ ଲୋକେ ସରକାର ବିରୋଧରେ ରାସ୍ତାକୁ ବାହାରି ପ୍ରଦର୍ଶନ କରିଛନ୍ତି । ଆନ୍ଦୋଳକାରୀ ‘ଆର୍ ପାର୍ ଯୋଡ ଦୋ, କାରଗିଲ୍ କୋ ଖୋଲ ଦୋ’ ନାରା ଦେଇଛନ୍ତି । ଭାରତ ସହିତ ମିଶିବା ସହିତ କାରଗିଲ୍ ସଡ଼କ ଖୋଲିଦେବାକୁ ଦାବି କରିଛନ୍ତି । ଯାହା ପାକିସ୍ତାନ ସରକାରଙ୍କ ନିଦ ହଜାଇ ଦେଇଛି ।

ତଙ୍ଗାହାଲିରେ ସ୍ଥିତି ଧୀରେ ଧୀରେ ବିଗିଡ଼ିବାରେ ଲାଗିଛି । ଦେଶରେ ଘୋର ଖାଦ୍ୟ ସଙ୍କଟ ଦେଖାଦେଇଛି । ଅଟା ପାଇଁ ଲୋକଙ୍କ ଲମ୍ବା ଲାଇନ୍ ଲାଗିଛି । ରୁଟି ପାଇଁ ଲୋକଙ୍କ ମଧ୍ୟରେ ସଂଘର୍ଷ କରୁଛନ୍ତି । ପାକିସ୍ତାନରେ ମାନ୍ଦାବସ୍ଥା ପାଇଁ ସରକାର ଦାୟୀ ବୋଲି ଅଭିଯୋଗ କରିଛନ୍ତି ଲୋକେ । ଅନ୍ୟପଟେ ପାକିସ୍ତାନ ଅଧିକୃତ କାଶ୍ମୀରରେ ଲୋକଙ୍କ ଭାରତରେ ସାମିଲ୍ ହେବା ସ୍ବର ସରକାରଙ୍କ ମୁଣ୍ଡବ୍ୟଥା କାରଣ ପାଲଟିଛି।    

   Related Posts