Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସିନ୍ଧେକେଲା ଥାନା ଆଇଆଇସି ଗିରଫ, ୨୫ ହଜାର ଲାଞ୍ଚ ନେଉଥିବା ବେଳେ ଧରିଥିଲା ଭିଜିଲାନ୍ସ
  • ||
  • ଧର୍ମଗଡ: ଭାରସାମ୍ୟ ହରାଇ ଗଛରେ ପିଟିଲା ମିନିଟ୍ରକ, ଦୁର୍ଘଟଣାରେ ଜଣେ ମୃତ
  • ||
  • ଜାଡ଼ରେ ଥରୁଛି ରାଜ୍ୟ, କୋରାପୁଟରେ ତଳକୁ ଖସିଲା ପାରଦ
  • ||
  • ମୋହନା: ଗୋଷ୍ଠୀ କେନ୍ଦ୍ର ପଛପଟେ ପଡ଼ିଛି କୁଢ଼ କୁଢ଼ ଔଷଧ, ବୈଧତା ଥାଇ ବି ଫୋପାଡିଦେଲେ
  • ||
  • ପାଟଣା ରେଞ୍ଜରେ ଘୁରି ବୁଲୁଛନ୍ତି ହାତୀପଲ, ଧାନ ଫସଲ ନଷ୍ଟ ସହ ଖାଇଗଲେ ଶହ ଶହ ଧାନ ବିଡା
  • ||
  • ନିଶ୍ଚିତକୋଇଲି: ବିଳମ୍ବିତ ରାତିରେ ମାତିଲେ ଡକାୟତ, ଚୋରି କରିବାକୁ ଆସି ନେଇଗଲେ ଜୀବନ
  • ||

ଆଶ୍ରୟସ୍ଥଳ ପରିଚାଳନାରେ ବ୍ୟାପକ ଅବହେଳା, ଭୋକରେ ରହିଲେ ଅନ୍ତେବାସୀ

13/08/2022 at 2:21 PM

ଦେବଗଡ ୧୩/୦୮: ଶୁକ୍ରବାର ସକାଳ ଠାରୁ ଦେବଗଡ ସହରରେ ଥିବା ସହରାଞ୍ଚଳ ଆଶ୍ରୟସ୍ଥଳରେ ରହୁଥିବା ଅନ୍ତେବାସୀ ଭୋକରେ ଥିବା ଅଭିଯୋଗ ହୋଇଛି । ଏହି ଆଶ୍ରୟସ୍ଥଳରେ ପ୍ରାୟ ଦଶ ଜଣ ଅନ୍ତେବାସୀ ରହୁଥିବା ବେଳେ ସେମାନଙ୍କ ମଧ୍ୟରୁ ସାତ ଜଣ ବାହାରେ କାମଧନ୍ଦା କରିବା ସହ ନିଜେ ନିଜର ଭୋଜନ ବ୍ୟବସ୍ଥା କରିଥାନ୍ତି । ସେହିପରି ତିନି ଜଣ ନିରାଶ୍ରୟ ମହିଳା ଓ ପୁରୁଷଙ୍କୁ ପ୍ରଶାସନ ପକ୍ଷରୁ ରନ୍ଧା ଖାଦ୍ୟ ଯୋଗାଇ ଦିଆଯାଇଥାଏ ।

ଆଶ୍ରୟସ୍ଥଳରେ ରହୁଥିବା ଜଣେ ଅନ୍ତେବାସୀ ରାନ୍ଧିବା ବ୍ୟବସ୍ଥା କରିଥାନ୍ତି । ମାତ୍ର ଗତକାଲି ଠାରୁ ରାନ୍ଧିବା ପାଇଁ ଥିବା ହିଟର ଖରାପ ହୋଇଯାଇଥିବାରୁ ରୋଷେଇ ହୋଇପାରିନଥିବା ଅଭିଯୋଗ ହୋଇଛି । ରୋଷେଇ ହୋଇନଥିବା ଯୋଗୁଁ ଅନ୍ତେବାସୀ ମାନେ ଗତକାଲି ଠାରୁ ଭୋକରେ ରହିଥିବା ସୂଚନା ମିଳିଛି । ପାଖରେ ଥିବା ଜଣେ ଭଦ୍ର ବ୍ୟକ୍ତି ଏ ସମ୍ପର୍କରେ ଜାଣିବା ପରେ ଗତକାଲି ସେମାନଙ୍କ ପାଇଁ କିଛି ଜଳଖିଆ ବ୍ୟବସ୍ଥା କରିଥିଲେ ।

ଅପରପକ୍ଷରେ ଏହି ଆଶ୍ରୟସ୍ଥଳ ଦାୟିତ୍ଵରେ ଥିବା ଦେବଗଡ ପୌର ପରିଷଦର କୌଣସି କର୍ମଚାରୀ ଏ ସମ୍ପର୍କରେ କିଛି ଜାଣିନଥିବା କହିଛନ୍ତି । ଦେବଗଡ ସହର ଛଅ ନମ୍ବର ୱାର୍ଡ କଲେଜ ରୋଡରେ ୨୦୧୭ ମସିହାରେ ବାସହୀନମାନଙ୍କୁ ରାତିରେ ଆଶ୍ରୟ ଦେବାପାଇଁ ସହରାଞ୍ଚଳ ଆଶ୍ରୟସ୍ଥଳ ନିର୍ମାଣ କରାଯାଇଥିଲା ।

ଦେବଗଡ ପୌର ପରିଷଦ ଏହି ଆଶ୍ରୟସ୍ଥଳ ନିର୍ମାଣ କରିବା ସହ ଏହାର ପରିଚାଳନା ଦାୟିତ୍ୱ ଦି ହ୍ୟୁମାନ୍ ଡେଭଲପମେଣ୍ଟ (ଟିଏଚଡି) ନାମକ ସଂସ୍ଥାକୁ ଦେଇଥିଲେ । ପୌର ପରିଷଦ ପକ୍ଷରୁ ଆଶ୍ରୟସ୍ଥଳ ପରିଚାଳନା ପାଇଁ ପ୍ରତିବର୍ଷ ଲକ୍ଷାଧିକ ଟଙ୍କା ଖର୍ଚ୍ଚ ହେଉଥିବା ବେଳେ ଅନ୍ତେବାସୀ ମାନେ ଚବିଶ ଘଣ୍ଟାରୁ ଉର୍ଦ୍ଧ୍ୱ ସମୟ ଭୋକରେ ରହିବା ପରିଚାଳନାଗତ ତୃଟି କୁ ପଦାରେ ପକାଇଛି ।

   Related Posts