ମୁମ୍ଵାଇ ୦୪।୦୯: ରେଷ୍ଟୁରାଣ୍ଟରେ ବୁଲିଲା ଖଣ୍ଡା । ଏହି ଘଟଣା ମହାରାଷ୍ଟ୍ରର ନାଗପୁରରୁ ଆସିଛି। ହଠାତ୍ କିଛି ଯୁବକ ହାତରେ ଖଣ୍ଡା ଧରି ରେଷ୍ଟୁରାଣ୍ଟରେ ପଶି ଯାଇଥିଲେ। ରେଷ୍ଟୁରାଣ୍ଟରେ ପ୍ରବେଶ କରିବା ମାତ୍ରେ ଭଙ୍ଗାରୁଜା କରିଥିଲେ। ସେଠାରେ ଥିବା କର୍ମଚାରୀ ଏବଂ ଗ୍ରାହକମାନେ ଲୁଚି ଯାଇ ନିଜ ଜୀବନ ରକ୍ଷା କରିଥିଲେ।ବର୍ତ୍ତମାନ ଏହି ଘଟଣାରେ ପୋଲିସ ମାମଲା ରୁଜୁ କରିଛି।
ଗତକାଲି ହଠାତ୍ କିଛି ଯୁବକ ହାତରେ ଖଣ୍ଡା ଧରି ଏକ ରେଷ୍ଟୁରାଣ୍ଟରେ ପଶି ଯାଇଥିଲେ। ଏହାଦେଖି ରେଷ୍ଟୁରାଣ୍ଟର କର୍ମଚାରୀ ଓ ଗ୍ରାହକ ଜୀବନ ରକ୍ଷା କରିବା ପାଇଁ ଲୁଚି ଯାଇଥିଲେ। ହେଲେ ସେମାନଙ୍କ ମଧ୍ୟରୁ ଦୁର୍ବୃତ୍ତମାନେ ବହୁ ଜଣଙ୍କୁ ଆକ୍ରମଣ କରିଛନ୍ତି ବୋଲି ଜଣାପଡିଛି। ଏହାପରେ ଅନେକ ଜିନିଷକୁ ଭଙ୍ଗାରୁଜା କରିଥିଲେ। ସ୍ଥିତିକୁ ନିୟନ୍ତ୍ରଣ କରିବା ପାଇଁ ରେଷ୍ଟୁରାଣ୍ଟ ମାଲିକ ଦୁର୍ବୃତ୍ତଙ୍କୁ ମଦ ଓ ଟଙ୍କା ଦେଇଥିବା ସିସିଟିଭିରେ ଦେଖିବାକୁ ମିଳିଛି।
ଫଳରେ ଘଟଣାସ୍ଥଳରୁ ସବୁ ଦୁର୍ବୃତ୍ତ ଆଖି ପିଛୁଳାକେ ଚାଲି ଯାଇଥିଲେ। ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ସିସିଟିଭି ଫୁଟେଜ ଆଧାରରେ ଯାଞ୍ଚ ଆରମ୍ଭ କରିଛି। ଏଥିସହ ଅଭିଯୁକ୍ତଙ୍କୁ ଖୋଜିବାକୁ ବିଭିନ୍ନ ସ୍ଥାନରେ ଚଢ଼ାଉ କରିଛି। କିନ୍ତୁ ଏହି ଘଟଣା ଏବେ ଆଇନ ଶୃଙ୍ଖଳା ଉପରେ ପ୍ରଶ୍ନ ଉଠାଉଛି।
