suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଧ୍ୟପ୍ରଦେଶ ମୁରୈନାରେ ଦୁର୍ଘଟଣା, ଏୟାରଫୋର୍ସର ସୁଖୋଇ-୩୦ ଓ ମିରାଜ୍-୨୦୦୦ ଫାଇଟର ଜେଟ୍ କ୍ରାସ୍
  • ||
  • ଜେରୁଜେଲମ୍‌ରେ ପ୍ରାର୍ଥନାସ୍ଥଳରେ ଆତଙ୍କୀ ହମଲା, ଗୁଳିମାଡ଼ରେ ୮ମୃତ
  • ||
  • କେନ୍ଦୁଝର: ବୋଲେରୋ ଓ ଅଟୋ ମୁହାଁମୁହିଁ ଧକ୍କା, ୩ ମୃତ ଗୁରୁତର
  • ||

କଣ୍ଟେନମେଣ୍ଟ ନିୟମ ମାନିଲେନି ଅମାନିଆ, ବାରଣ କରିବାରୁ ଓଲଟା ସରପଞ୍ଚ ଓ ନୋଡାଲ ଅଫିସରଙ୍କୁ ମାରିଲେ ମାଡ଼

7/05/2020 at 2:06 PM

ଭଦ୍ରକ ୭।୫ : କରୋନା ସଂକ୍ରମିତ ଚିହ୍ନଟ ହେବା ପରେ ଗାଁକୁ କଣ୍ଟେନମେଣ୍ଟ ଜୋନ୍ ଘୋଷଣା କଲେ ପ୍ରଶାସନ । ଗାଁ ସିଲ୍ ହେଲା କିନ୍ତୁ ନିୟମ ଉଲଂଘନ କରି ଗାଁରୁ ବାହାରି ବଜାରରେ ବୁଲିଲେ । ଆକଟ କରି ଅମାନିଆଙ୍କୁ କ୍ଵାରେଣ୍ଟାଇନରେ ରହିବା ପାଇଁ କୁହାଗଲା । କିନ୍ତୁ ଅମାନିଆମାନେ ଓଲଟା ନୋଡାଲ ଅଫିସର, ସରପଞ୍ଚ ଓ ସହଯୋଗୀଙ୍କୁ ମାଡ ମାରିବା ଅଭିଯୋଗ ହୋଇଛି । ଏହି ଘଟଣାକୁ ନେଇ ଥାନାରେ ଏତଲା ଦିଆଯାଇଛି । ଏଭଳି ଘଟଣା ଘଟିଛି ଭଦ୍ରକ ଜିଲ୍ଲା ତିହିଡି ଅଞ୍ଚଳରେ ।

ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ତିହିଡି ଥାନା କାଁପଡା ପଞ୍ଚାୟତରୁ ଜଣେ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେହି ପଞ୍ଚାୟତକୁ କଣ୍ଟେନମେଣ୍ଟ ଜୋନ୍ ଘୋଷଣା କରିଛି ପ୍ରଶାସନ । ତେବେ ଅଭିଯୋଗ ଅନୁଯାୟୀ କେତେକ ଲୋକେ କଣ୍ଟେନମେଣ୍ଟ ଜୋନର ନିୟମ ଉଲଂଘନ କରି ଅଧିକାଂଶ ସମୟରେ ତିହିଡି ବଜାରରେ ବୁଲାବୁଲି କରୁଥିଲେ । ଏହି ଘଟଣା ପରେ ସରପଞ୍ଚ ତାଙ୍କୁ ତାଗିଦ କରିଥିଲେ । ପରେ ପୁଣି ଥରେ ବଜାରରେ ବୁଲୁଥିବା ଦେଖି ପ୍ରାୟ ୧୨ଜଣଙ୍କୁ କାଁପଡା କ୍ଵରେଣ୍ଟାଇନ୍ ସେଣ୍ଟରରେ ରଖାଯାଇଥିଲା । ସେଠାରେ ସେମାନେ ବିଭିନ୍ନ ପ୍ରାକର ଅଭିଯୋଗ କରୁଥିବା ଦେଖାଯାଇଥିଲା ।

କ୍ଵାରେଣ୍ଟାଇନ ସେଣ୍ଟରରେ ଥିବା ଜଣେ ଯୁବକ ଅଚେତ୍ ହୋଇପଡିଥିବା ଖବର ପାଇଁ ସରପଞ୍ଚ ବିଦେଶିନୀ ସ୍ବାଇଁ, ତାଙ୍କ ସ୍ବାମୀ ଓ ନୋଡାଲ ଅଫିସର ଅଲେଖ ତିର୍କୀ ଗାଁକୁ ଯାଇ ଯୁବକଙ୍କୁ ତିହିଡି ସ୍ବାସ୍ଥ୍ୟକେନ୍ଦ୍ରକୁ ପଠାଇଥିଲେ । ସେହି ସମୟରେ ଗାଁର କିଛି ଲୋକ ସରପଞ୍ଚଙ୍କୁ ମାଡ ମାରିଥିବା ଅଭିଯୋଗ ହୋଇଛି । ସରପଞ୍ଚଙ୍କ ସ୍ବାମୀ ଅଟକାଇବାରୁ ତାଙ୍କୁ ମଧ୍ୟ ପାଇଁ ଯାଇଥିବା ବେଳେ ତାଙ୍କ ମଧ୍ୟ ମାଡ ହୋଇଥିବା ଅଭିଯୋଗ ହୋଇଛି । ନୋଡାଲ ଅଫିସରଙ୍କୁ ମଧ୍ୟ ଗାଁ ଲୋକେ ମାଡ ମାରିଥିବା ଅଭିଯୋଗ ହୋଇଛି । ତିହିଡି ଥାନାରେ ଏତଲା ଦିଆଯାଇଛି ।

ଅନ୍ୟପଟେ ଅଭିଯୋଗକାରୀଙ୍କ କହିବା କଥା ଯେ, ସେମାନଙ୍କୁ କ୍ଵାରେଣ୍ଟାଇନରେ ରଖି ଖାଇବା ପାଇଁ ଦିଆଯାଉନଥିଲା । ସେଥିପାଇଁ ଯୁବକଙ୍କ ସ୍ବାସ୍ଥ୍ୟ ଖରାପ ହୋଇଥିଲା ଓ ସେ ଅଚେତ୍ ହୋଇଯାଇଥିଲେ । ତେବେ ଘଟଣା ବିଷୟରେ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।

   Related Posts